Rosa glanduloso-setosa
Rosa glanduloso-setosa (lat. Rosa glanduloso-setosa) — bitkilər aləminin gülçiçəklilər dəstəsinin gülçiçəyikimilər fəsiləsinin i̇tburnu cinsinə aid bitki növü.
Rosa glanduloso-setosa | ||||
---|---|---|---|---|
Elmi təsnifat | ||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Triba: Cins: Növ: Rosa glanduloso-setosa |
||||
Beynəlxalq elmi adı | ||||
|
Təbii yayılması
redaktəAvropada, Qafqazda təbii halda yayılmışdır.
Botaniki təsviri
redaktəHündürlüyü 20-25 sm, gövdəsinin qabığı tünd qonur olan kolcuqdur. Tikanları iynəşəkilli, qılçıqlı, vəzicikləri oturaqdır. Orta yarpaqların uzunluğu 4-7 sm-dir. Xırda yarpaqları 7 ədəd, alt cütlükdə inkişaf etməmişdir, digərləri bir-birindən uzaqdır. Uzunluğu 0,7-1,8 sm, eni 0,4-1,2 sm, enli-yumurtavari, sarımtıl-yaşıl, üstü çılpaq və hamar, alt tərəfi tükcüklü, oturaqdır. Yalançı zoğları ensizdir, əsas oxu tükcüklü vəziciklərlə örtülmüşdür. İyun-iyul aylarında çiçəkləyir. Çiçəkləri tək, bəzən 2-dir. Çiçək saplağının uzunluğu 1,5 sm, vəziciklidir. Çiçək altlığı yaxşı inkişaf edərək çiçək saplağını örtür. Kasayarpaqları bütöv, uzunluğu 2,5-3 sm, alt tərəfdən tükcüklü, üstdən çox vəzicikli, alt tərəfində qılçıqlıdır, çiçəklədikdən və meyvə yetişdikdən sonra yuxarıya istiqamətlənmişdir. Ləçəkləri tünd çəhrayıdır. Sütuncuqların başı oturaq, keçəli tükcüklüdür. Meyvələri (hipantiləri) şarşəkillidir, yetişdikdə tünd qırmızı rəngdə olur.
Ekologiyası
redaktəDəniz səviyyəsindən 1550 m hündürlükdə, dağların qərb yamacında bitir. İstyə, soyuğa, davamlıdır.
Azərbaycanda yayılması
redaktəLerik rayonunun Orant və Nisli kəndində, həmçinin Lənkəran çay ətrafında yayılmışdır.
İstifadəsi
redaktəLəçəklərindən alınan yağdan tibbdə istifadə edilir.