Rumıniyalı Elena
Rumıniyalı Elena, (həmçinin Rumıniya şahzadəsi adlandırılır, 15 noyabr 1950[1]) Rumıniyanın keçmiş kralı I Mixay və həyat yoldaşı kraliça Annanın kiçik qızıdır, Kraliça Viktoriyanın kötücəsidir. İctimai həyat sürərək sosial fəaliyyət göstərir.[2]
| Rumıniyalı Elena | |
|---|---|
| rum. Elena a României | |
 | |
| Doğum tarixi | 15 noyabr 1950[1] (73 yaş) |
| Atası | I Mixay[1] |
| Fəaliyyəti | diplomat |
 Vikianbarda əlaqəli mediafayllar | |
Bioqrafiya redaktə
1950-ci il noyabrın 15-də Lozanna şəhərində anadan olub, kral ailəsinin ikinci qızı olmuş, bacısı Marqarita Rumıniya vəliəhd şahzadəsidir . Onun uşaqlığı Lozannada ailə evlərində və İngiltərədə Ayot St. Lawrenceʼdə Hartfordşirdə keçmişdir. Elena İbtidai məktəbini İsveçrədə aldı, sonra İngiltərədə təhsilini davam etdirdi. Məktəb illərində o, idmanla məşğul olurdu. 1970-ci illərin ortalarında Londonda bir müddət əlil uşaqların tədrisi ilə məşğul oldu, sonra restorasiya sənətində iki illik kursunu başa vurdu və Londonda yerləşən restorasiya firmasında işlədi. 1980-ci illərdə, ilk həyat yoldaşı ilə birlikdə, 45 Efiopiyalı əlil qaçqını müxtəlif sənətkarlıq sahəsində yetişdirmək üçün bir layihə başlatdılar. 1982-ci ildə Elena Sudanın Əl-Cəzirə vilayətində Beynəlxalq Məktəbi təsis etdi.[3] 1990-cı ildə həyat yoldaşı ilə birgə, Çauşesku rejimi qurbanlarına kömək edən Rumıniyanın Şimal-Şərqi Yardım Fondunun təsisçisi və üzvü idi.[4]2011-ci ilin iyun ayında Elena və onun ikinci qızı, Darlinqton şəhərində yerləşən II Elizabet Altıncı Formalı Kollecinə qatılaraq Braşov şəhərində mənzillərin tikilməsinə və təmirinə kömək etmək üçün Rumıniyaya gedən tələbələrə mükafatlar təqdim etdi. 3 oktyabr 2011-ci ildə Londonda Əbdül-Bəhanın tarixi səyahətinin 100 illiyinə həsr olunmuş tədbirdə iştirak etmişdir.[5] 25 aprel 2012-ci ildə Elizabeth II brilyant yubileyində, Elena və həyat yoldaşı təntənəli olaraq Royal Tea –Royal Tea Room (Kral çay otağı) — Stanhope şəhərinin Durham qraflığında açılışını etdi. Elena hər il Londonun Live City şirkətinin ziyafətini ziyarət edir.[6]
Mükafatları redaktə
Rumıniya mükafatlarına layiq görülmüşdür: Karol I (Böyük Xaç) ordeni, Rumıniya Kraliçası (Böyük Xaç) ordeni və Custodele Coroanei Române medalı, Frensis I (Böyük Xaç) və Şahzadə Daniel I (Böyük Xaç) ordeni də daxil olmaqla digər ölkələrdən də mükafatlar qazanmışdır.[7]
İstinadlar redaktə
- ↑ 1 2 3 Lundy D. R. Elena von Hohenzollern-Sigmaringen, Princess of Romania // The Peerage (ing.).
- ↑ ASR Principesa Elena Arxivləşdirilib 2019-04-26 at the Wayback MachineFamiliaregala.ro.
- ↑ Olga S. Opfell. Royalty Who Wait: The 21 Heads of Formerly Regnant Houses of Europe Arxivləşdirilib 2022-08-18 at the Wayback MachineBooks.google.co.uk. p. 198.
- ↑ "Volunteering in Romania – Queen Elizabeth Sixth Form College". 2021-05-07 tarixində arxivləşdirilib. İstifadə tarixi: 2019-05-27.
- ↑ "The Baha'i Queen – Marie of Romania". Arxivləşdirilib 2022-06-25 at the Wayback MachineBahaiteachings.org. 9 may 2014.
- ↑ UK’s only Royal tea room is opened by a Royal
- ↑ "Specificul național – o privire istorică și critică | Familia Regală a României / Royal Family of Romania" Arxivləşdirilib 2022-09-02 at the Wayback MachineRomaniaregala.ro.