Rusiyada reqbi
Rusiyada reqbi məşhur idman növlərindən biridir. Ölkədə 2007-ci ilin məlumatına görə 365 klub və 21670 reqbiçi qeydə alınıb.[1] 2021-ci ilin məlumatlarına görə klub sayı 71-ə qədər azalıb.[2] Həmçinin reqbi üzrə müntəzəm olaraq Rusiya çempionatı keçirilir.
16 aprel 2021-ci il tarxi üçun kişilərdən ibarət Rusiya millisi dünya reytinqində 20-ci yerdədir.[3] Qadınlardan ibarət milli komanda isə dünya sıralamasında 14-cü yerdə qərarlaşıb.[4]
Rusiyada reqbi idmanının idarə edilməsini Rusiya Reqbi Federasiyası həyata keçirir. Bu federasiya 1936-cı ildə təsis edilmiş SSRİ Reqbi Federasiyasının hüquqi varisidir. Rusiya Reqbi Federasiyası 1990-cı ildən Dünya Reqbi Federasiyasının üzvüdür.
Tarixi redaktə
Əksər ölkələrdə olduğu kimi Rusiyayada reqbi Böyuk Britaniyadan gəlib. Ölkədə ilk reqbi oyunu 1886-cı ildə baş tutub.[5] Amma Rusiyada bu idman növu üzrə yarışların keçirilməsi təklifi daha əvvəl olub. Pyotr Lesqraft adlı bir səyyah, 1882-ci ildə cərrah N. İ. Piroqovun xatirəsinə Rusiyada reqbi oyunlarının keçirilməsini təklif etmişdir. Ancaq Rusiyada ilk turnir 1893-cü ildə Moskvada, şagirdlər üçün texniki biliklərin yayılması cəmiyyətində keçirilir.[6]
Oktyabr inqilabından sonra, bir çox əcnəbilər və rus zadəganlarının nümayəndələri ölkəni tərk edirlər, onların arasında çoxlu sayda reqbi ilə məşğul olan insanlarda olur. SSRİ-də ilk oyun "Burestnik" stadionunda, Əməkçilərin Fiziki Tərbiyəsi Cəmiyyətinin və Moskva Yaxt Klubunun komandaları arasında başt tutmuş göruş sayılır. Oyunda hər iki komandaya Futbol üzrə SSRİ yığmasının ilk məşqçisi Mixail Kozlov məşqçilik edir.[7]
1935-ci ildə Moskva Çempionatı keçirilməyə başlayır. Bir il sonra, 1936-cı ildə isə reqbi üzrə SSRİ-nin ilk çempionatı keçirilir. Ancaq ikinci dünya müharibəsinin başlaması səbəbindən çempionat dayandırılır. Müharibədən sonra isə bir müddət reqbi SSRİ-də unudulur.
1957-ci ildə SSRİ-də baş tutan Dünya Gənclər və Tələbələr Festivalı çərçivəsində reqbi təkrar SSRİ-yə geri dönur.
1992-ci ildə SSRİ dağıldıqdan sonra onun varisi olan Rusiyada reqbi inkişaf etməyə başlayır.
Rusiya Çempionatı redaktə
Reqbi üzrə Rusiya çempionatı 1992-ci ildən keçirilir. Peşəkar komandaların iştirak elədiyi "Premyer Liqa", yarımpeşəkar və həvəskar klubların fəaliyyət göstərdiyi "Birinci Dəstə" liqaları var[8].
Rusiyada həmçinin 50-dən artıq həvəskar klubların iştirak elədiyi "Federasiya Liqası" turniridə fəaliyyət göstərir[9].
İstinadlar redaktə
- ↑ https://web.archive.org/web/20071021032812/http://www.irb.com/unions/union%3D11000087/index.html
- ↑ "Arxivlənmiş surət". 2022-03-14 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2022-08-29 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2016-05-11 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2022-03-28 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2022-03-28 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2021-04-17 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2021-04-17 tarixində arxivləşdirilib. İstifadə tarixi: 2021-04-16.
- ↑ "Arxivlənmiş surət". 2021-04-17 tarixində arxivləşdirilib. İstifadə tarixi: 2021-04-16.