Ryu Murakami (19 fevral 1952[1][2][…]) — yazıçı, rejissor, jurnal təsisçisi, musiqiçi, televiziyada talk show aparıcısı.

Ryu Murakami
yap. 村上 龍
Doğum adı 村上 龍之助
Doğum tarixi 19 fevral 1952(1952-02-19)[1][2][…] (72 yaş)
Vətəndaşlığı
Fəaliyyəti yazıçı, ssenarist, roman yazıçısı, kinorejissor, esseist, fantastika yazıçısı[d]
ryumurakami.com
Vikianbarın loqosu Vikianbarda əlaqəli mediafayllar

Haqqında redaktə

Ryu Murakami 19 fevral, 1952-ci il, Naqasakinin Sasebo bölgəsində yoxsul bir ailədə anadan olub.

Saseboda həyatına davam edən və məktəbə gedən R.Murakami bu dönəmlərdə “Coelacanth” adlı rok qrubu qurur. Bir gün Murakami qrup yoldaşları ilə birgə oxuduqları məktəbin çardağını “işğal edib” digər şagirdlərin ora çıxmasına izin vermirlər. Bunun üzərinə o, üç aylıq ev həbsi cəzası alır. Ümumiyyətlə, bu dövrdə Murakami hippi (ing. hippie) kültürü ilə iç-içə həyat sürür.

Məktəbi bitirdikdən sonra incəsənətlə bağlı bir iş görmək istədiyini bilməsinə rəğmən, incəsənətin hansı növü ilə məşğul olacağına qərar verə bilməyən Murakami bəxtini yenə musiqi qrupu qurmaqla sınayır. Bununla birlikdə o, “indie” yəni, müstəqil (ingiliscə “independent” sözünün qısaltmasıdır, məşhur kinostudiya, şirkətlərin iştirakı və dəstəyi olmadan ərsəyə gələn filmlər) filmlər çəkmək işinə başlayır. Musiqidənsə film sahəsinə üstünlük verən Murakami Tokio İncəsənət Məktəbinin seriqrafiya (ing. serigraphy – çap növü) fakültəsinə daxil olur. Bir il sonra bu fakültəni yarıda saxlayıb, Musahino İncəsənət Universitetinin hekyəltəraşlıq bölümünə daxil olur. Heykəltəraşlıq ilə də uzun müddət məşğul ola bilmir və yenə musiqi həvəsinin dalınca gedib həyatını Kuba musiqisinə həsr edir.

1976-cı ildə Ryu Murakami universitetdə oxuyarkən yazdığı “Əbədi şəffaflığa bənzər mavi” (限りなく透明に近いブルー⌈Kagirinaku tōmei ni çikai burū⌉) kitabı nüfuzlu “Gunzo” (群像) dərgisinin mükafatına layiq görülür. Həmin il, eyni kitab “Akutaqava” mükafatını da alır və beləcə bestsellerə çevrilir. Onun "Saxlanma kamerasından olan uşaqlar",[3] “69”,[4] “Eşq və xülyanın faşizmi” (“Ai to gensou no fascism”), “Miso supunun içində” (イン ザ・ミソスープ ⌈In za miso sūpu⌉)),[5] “Topaz” kimi kitabları bir-birinin ardınca “Yomiuri”, “Tanizaki”, “Taiko Hirabayashi” və s. kimi mükafatlar almağa və əks-səda doğurmağa davam edir. “Topaz” kitabının “Eşq və pop” (“Love and Pop”) adlı filmi çəkilir. Murakami tez bir zamanda yeni bir nəfəs kimi yapon ədəbiyyatına öz imzasını atır. Daha çox avropalı tənqidçilər tərəfindən tez-tez yazılarında “məntiqsiz” nöqtələr, “texniki cəhətdən mümkün olmayan” yerlər göstərilsə və qınansa da o, öz üslubu ilə Yaponiya ədəbiyyatında yeni bir cığır açır.

Gənc yaşlarından bir çox sahəyə maraq göstərir. Buna görə də onun adını ədəbiyyatdan kənar sahələrdə də görmək olur. Məsələn, o, 1991-ci ildə “Japanese Media Mail” internet jurnalını yaradıb və indi də həmin jurnalda baş redaktor olaraq işləməyə davam edir.

2001-ci ildə köhnə savaş bölgələrindən minaların təmizlənməsi hərakatı – “No More Landmines”a qoşulub və bu təşkilatın daxilində dostu Ryuiçi Sakamoto ilə birgə fəaliyyət göstərib.

2006-cı ildə biznes və iqtisadiyyat ilə bağlı Tokio TV-də öz “talk show”sunun aparıcılığını edib.

Onun öz elektron-kitab şirkəti, [6]“Sony” şirkətinin daxilində “Murakami’s” adlı markası, siyasi, tarixi, iqtisadi, sosioloji mövzularda kitabları, bələdçilik jurnallarında yazıları və müəllifi olub çəkdiyi üç filmi – “Oudişon”, “Tokionun çöküşü” (“Tokyo Decadence”), [7]“Sənə görə” (“Because of You”) – var.[8]

İstinadlar redaktə

  1. 1,0 1,1 村上龍 // Internet Speculative Fiction Database (ing.). 1995.
  2. 2,0 2,1 Ryû MURAKAMI // NooSFere (fr.). 1999.
  3. Ryū Murakami. Coin Locker Babies. Pushkin, 2013, 507 p.
  4. Ryū Murakami. 69: sixty-nine. Kodansha International, 1995, 192 p.
  5. "Ryū Murakami. In The Miso Soup. Great Britain: Bloomsbury Publishing PLC, 2005, 192 p." 2022-03-29 tarixində arxivləşdirilib. İstifadə tarixi: 2019-12-01.
  6. "iBookstoreとともに「村上龍電子本製作所」が始動" (in Japanese). ASCII Corporation. 2013-03-08.
  7. Ryu Murakami: Tokyo Decadence - Kurodahan Press
  8. "Because Of You". 2012-07-01 tarixində arxivləşdirilib. İstifadə tarixi: 2019-12-01.