Rza İsmayılov (dövlət xadimi)

Rza İsmayılov
Rza İsmayılov
Azərbaycan SSR meşə sənayesi naziri
	25 aprel 1951 – 26 mart 1953
Əvvəlki	vəzifə təsis edilib
Sonrakı	vəzifə ləğv edilib
	28 mart 1946 – 28 yanvar 1948
Əvvəlki	vəzifənin adı dəyişdirilib
Sonrakı	Hüseyn Nəcəfov
Azərbaycan SSR meşə və kağız sənayesi naziri
	20 sentyabr 1950 – 25 aprel 1951
Əvvəlki	Hüseyn Nəcəfov
Sonrakı	vəzifə ləğv edilib
Azərbaycan SSR xalq meşə sənayesi komissarı
	194? – 28 mart 1946
Sonrakı	vəzifənin adı dəyişdirilib
Azərbaycan SSR xalq meşə sənayesi komissarının birinci müavini
	1941 – 194?
Azərbaycan Kommunist Partiyası Yevlax Rayon Komitəsinin birinci katibi
	1937 – 1939
Şəxsi məlumatlar
Doğum tarixi	16 yanvar 1911
Doğum yeri	Bakı, Bakı quberniyası, Rusiya imperiyası;
Vəfat tarixi	12 yanvar 1973 (61 yaşında)
Partiya	Sovet İttifaqı Kommunist Partiyası (1932–1973);
Təhsili	Bakı Pedaqoji Texnikumu (–1929);
Təltifləri

Rza Məmmədrza oğlu İsmayılov (16 yanvar 1911, Bakı – 12 yanvar 1973) — Azərbaycan dövlət xadimi, Azərbaycan SSR meşə sənayesi naziri, Azərbaycan Kommunist Partiyası Yevlax Rayon Komitəsinin birinci katibi (1937–1939), Azərbaycan SSR Ali Sovetinin I və II çağırış deputatı.

Həyatı redaktə

Rza Məmmədrza oğlu İsmayılov 1911-ci ildə Bakı şəhərində anadan olmuşdur. 1929-cu ildə Bakı Pedaqoji Texnikumunu bitirdikdən sonra Qala kəndində müəllimlik etmiş və bir neçə il xalq maarifi sistemində işləmişdir. Sonralar məsul partiya işinə göndərilmiş, 1937–1939-cu illərdə Azərbaycan Kommunist Partiyası Yevlax Rayon Komitəsinin birinci katibi olmuşdur.^[1]

1939-cu ildə Rza İsmayılov Azərbaycan SSR Xalq Daxili İşlər Komissarlığının fəhlə-kəndli milisi orqanlarında işləmiş, burada əvvəlcə XDİK Fəhlə-Kəndli Milis İdarəsi rəisinin müavini, sonra isə rəisi vəzifəsində çalışmışdır. 1941-ci ildə Rza İsmayılov Azərbaycan SSR xalq meşə sənayesi komissarının birinci müavini təyin edilmiş, az sonra isə meşə sənayesi naziri təsdiq olunmuşdur. Bu vəzifədə o, 1953-cü ilədək işləmişdir. Sonralar isə Rza İsmayılov Azərbaycan Kommunist Partiyası Mərkəzi Komitəsinin məsul təşkilatçısı, Bakı ət kombinatının direktoru vəzifələrində çalışmışdır. 1960-cı ildən 1971-ci ilədək isə Azərbaycan SSR Nazirlər Sovetinin Dövlət Meşə Təsərrüfatı Komitəsi sistemində işləmişdir.^[1]

Rza İsmayılov 1932-ci ildən Sovet İttifaqı Kommunist Partiyasının üzvü olmuşdur. O, Azərbaycan KP MK-nın üzvü, birinci və ikinci çağırış Azərbaycan SSR Ali Sovetinin deputatı seçilmişdir. "Qırmızı əmək bayrağı" və "Şərəf nişanı" ordenləri, eləcə də SSRİ medalları ilə təltif edilmişdir. İttifaq əhəmiyyətli fərdi təqaüdçü olmuşdur.^[1]

Rza İsmayılov 1973-cü ilin yanvar ayında vəfat etmişdir.^[1]

İstinadlar redaktə

↑ ^1,0 ^1,1 ^1,2 ^1,3 Р. М. Исмајылов // Коммунист. № 11 (15226). 13 јанвар 1973-ҹү ил. С. 4.

Xarici keçidlər redaktə

"Исмайлов Рза Мамед Рза оглы" (rus). Память народа. İstifadə tarixi: 24 yanvar 2023.

[kom73-1] 1,0 ^1,1 ^1,2 ^1,3 Р. М. Исмајылов // Коммунист. № 11 (15226). 13 јанвар 1973-ҹү ил. С. 4.

[1]