Sürəyya Kərimova

Sürəyya Abbasqulu qızı Kərimova (15 fevral 1922, Qaradağlı, Şuşa qəzası – 2 avqust 1993) — Sosialist Əməyi Qəhrəmanı (1948), Azərbaycan SSR pambıq ustası (1957). Qəhrəman Ana (1965).

Sürəyya Kərimova
Doğum tarixi	15 fevral 1922(1922-02-15)
Doğum yeri	Qaradağlı, Şuşa qəzası, Azərbaycan SSR
Vəfat tarixi	2 avqust 1993(1993-08-02) (71 yaşında)
Uşaqları	Raya, Raqub, Rafiq, Rəşid, Səadət, Amil, Aidə, Kamil, Aytəkin, Asif
Milliyyəti	azərbaycanlı
Fəaliyyəti	siyasətçi, pambıqçı
Partiyası	Sovet İttifaqı Kommunist Partiyası
Mükafatları

Həyatı

Sürəyya Abbasqulu qızı Kərimova 15 fevral 1922 ildə Ağdamın Qaradağlı kəndində dünyaya gəlmişdir.

Sürəyya Kərimova Ağdamın Qaradağlı kəndində Telman adına kolxozda kolxozçu, manqabaşçısı, briqadir işləmişdir.

Sürəyya Kərimova SSRİ Ali Sovetinin (8–9-cu çağırış), Azərbaycan SSR Ali Sovetinin (2–5-ci çağırış) deputatı, Azərbaycan Kommunist Partiyasının XXVIII-XIX qurultaylarında Mərkəzi Komitənin üzvü seçilmişdir. Ümumdünya sülh tərəfdaşları konqresində (1949, Moskva), kolxozçuların 3-cü Ümumittifaq qurultayının (1967) iştirakçısı olmuşdur. 2 dəfə "Lenin" ordeni, Qırmızı Əmək Bayrağı ordeni, "Oktyabr inqilabı" ordeni ilə təltif edilmişdir.

Sürəyya Kərimovaya həsr olunan "Sürəyya" mahnısının musiqisi Səid Rüstəmova aiddir. Bu mahnıya görə Səid Rüstəmov 1952-ci ildə SSRİ Dövlət Mükafatına layiq görülmüşdür.

Mükafatları

• Sosialist Əməyi Qəhrəmanı (1948);
• İki dəfə Lenin ordeni
• İki dəfə "Qırmızı əmək bayrağı" ordeni
• "Oktyabr inqilabı" ordeni
• "Qəhrəman Ana" fəxri adı (1965)
• Analıq medalı

Filmoqrafiya

• Çağırışa cavab (film, 1947)
• Sürəyya (film, 1973)
• Oktyabrın şəfəqləndirdiyi yol (film, 1977)