Səid Maruf

Mir Səif Maruf Lakrani və ya Səid Maruf - İran azərbaycanlılarından olan voleybolçu. O, voleybol üzrə İran yığma komandasının kapitanıdır. O, 2014-cü il Dünya çempionatının, 2008, 2012, 2016-cı il Olimpiya oyunlarının seçmə mərhələsinin ən yaxşı oyunqurucusu seçilmişdir. O, həçmçinin 2013-cü il Asiya çempionatının ən dəyərli oyunçusu da seçilmişdir. O, 2016-cı ildə Braziliyanın Rio-de-Janeyro şəhərində keçirilən Olimpiya oyunlarında iştirak etmişdir. İran təqvimi üzrə 2015-2016-cı illər mövsümünün ən yaxşı idmançısı seçilmişdir.

Səid Maruf
Şəxsi məlumatlar
Tam adı	Mir Sid Maruf Lakrani
Doğum tarixi	20 oktyabr 1985
Doğum yeri	Urmiya İran
Vətəndaşlığı	İran
Voleybolçu məlumatları
Boyu	1.89 m
Çəkisi	81 kq
Zərbəsi	311 sm
Bloku	331 sm
Mövqeyi	Blokçu
Karyerası
Komandası	Pekin BAIC Motor
Nömrəsi	4
Həvəskar karyerası
Urmiya Müqavimət
Klub karyerası
2003–2004 2004–2006 2006-2007 2007-2010 2010-2011 2011-2012 2012-2013 2013-2014 2014 2014-2015 2015-2016 2016-2018 2018-2019	Pegah Urmiya Sanam Tehran İstiqlal Gonbad Saypa Tehran Dəməş Gilan Kalleh Mazandaran Şəhrdari Urmiya Mətin Vəramin Şəhrdari Urmiya Zenit Kazan Şəhrdari Urmiya Paykan Tehran Emma Villas Siena Pekin BAİC Motor
Milli komanda karyerası
2004–	İran
Vikianbarda əlaqəli mediafayllar

Həyatı

Səid Maruf 1985-ci ilin 20 oktyabrında Qərbi Azərbaycan ostanının Urmiya şəhərində anadan olmuşdur.

Marufun ailəsi İranda voleybolun inkişafı tarixində xüsusi seçilən ailədir. Onun dayıları Cahangir Seyid Abbasi, Nobəxt Seyid Abbasi, Xoşbəxt Seyid Abbasi və onun keçmiş komanda yoldaşı Vahid Seyid Abbasi İranın ən tanınmış voleybolçularından olmuşdurlar.

O, məktəb vaxtları qaçışla, basketbolla, həndbolla da məşğul olmuşdur.

Sosial fəaliyyəti

Maruf Əli Dayi, Həmid Sourian, Behdad Səlimi kim məşhur idmançılarla birlikdə yoxsulluğa və aclığa qarşı mübarizə aparan Dünya Ərzaq Proqramının köməkçiləridirlər.

Kareyerası

Yığma komanda

Maruf yığma komandaya (aşağı yaş qrupları üzrə) ilk dəfə 2001-ci ildə çağırılmışdır. 4 il sonra isə ilk dəfə əsas yığma komandada ilk oyununu keçirmişdir. 2007-ci ildən kişilər üzrə yığma komandanın daimi oyunçusuna çevrilmişdir. 2011-ci ildə bir neçə anlaşılmazlıq və mübahisədən sonra yığma komanda kereyerasını bitirdiyi açıqlamış, lakin 2012-ci ildə yenidən geri qayıtmışdır. Komandanın kapitanı Əlirza Nadinin baş məşqçi Xulio Valesko tərəfindən komandaya dəvət edilməməsindən sonra komandanın kapitanı olmuşdur. Hal-hazırda da bu vəzifəni yerinə yetirir. maruf 2013-cü il Asiya çempionatının ən yaxşı oyunçusu seçilmişdir. 2014-cü il Dünya çempionatının isə ən yaxşı setter oyunçusu seçilmişdir. O, buna nail olmaq üçün Bruno Rezende və Draqan Travika kimi oyunçuları qabaqlamışdır.

İrandakı klublar

O, kareyerasına doğma şəhərinin Urmiya Müqavimət klubunda başlamışdır. O, həmçinin İranda Sənəm Tehran, Şəhrdari Urmiya, Mətin Varamin, İstiqlal Gunbad, Saypa tehran, Dəməş Gilan, Qalleh Mazandaran klublarında da oynamışdır. O İran çempionatındakı ilk çempionluq təcrübəsini Sənəm tehran klubu ilə 2011-2012-ci illərdə qazanmışdır. Kalleh Mazandaran klubu üçün oynayarkən isə ikinci dəfə də bu titula yiyələnmişdir. 2014-cü ildə Şəhrdari Urmiya klubu ilə 2 illik müqavilə imzalasa da, müqaviləsini yarıda ləğv edərək Zenit-Kazan klubuna qoşuldu. 2016-cı ildə isə İranın ən uğurlu voleybol klubu olan Paykan Tehran klubuna qatılmışdır.

Zenit Kazan

Avropa klubuna keçəcəyi ilə bağlı uzun illər davam edən söz-söhbətlərdən sonran Səid Maruf 2014-cü il 27 dekabrda Rusiya çempionu olan Zenit-Kazan klubuna 1+1 illik transfer oldu. Müqavilə şərtlərinə görə Səid Maruf illik 1 milyon dollar qazanırdı. Bununla da o, dünyada ən yüksək əməkhaqqı alan voleybolçulardan biri olmuşdu.

O, 2015-ci ilin 25 yanvarında Zenit Kazanın heyətində debüt oyununa çıxdı. Həmin oyunda Zenit Kazan Dinamo Krasnodarı 3-0 hesabı ilə məğlub etdi.

BAIC Motor

2019-cu il voleybol üzrə dünya çempionatından sonra Çin super liqasında çıxış edən Pekin BAIC Motor klubuna transfer edilmişdir.

Mükafatları

Milli komanda

• Dünya Qrand Çempionlar Kuboku
  • Bürünc medal (2017)
• Asiya çempionatı
  • Qızıl medal (2013)
  • Gümüş medal (2009)
• Asiya oyunları
  • Qızıl medal (2014, 2018)
  • Gümüş medal (2010)
• Asiya kuboku
  • Qızıl medal (2008, 2010)
• Asiya çempionatı (20 yaşlılar)
  • Gümüş medal (2004)
• Dünya çempionatı (19 yaşlılar)
  • Bürünc medal (2003)
• Asiya çempionatı (19 yaşlılar)
  • Gümüş medal (2003)

Klub

• CEV Çempionlar Liqası
  • Qızıl medal (Zenit Kazan, 2015)
• Asiya çempionatı
  • Qızıl medal (Paykan, 2008), (Matin, 2014)
• Rusiya Super Liqası
  • Çempion (Zenit Kazan, 2015)
• İran Super Liqası
  • Çempion (Sanam, 2005), (Kalleh, 2012), (Matin, 2014)

Şəxsi

• Ən Yaxşı Setter (Dünya Olimpiya Turnirinin keçid mərhələsi - 2008)
• Ən Məşhur Oyunçu (Asiya çempionatı - 2009)
• Ən Yaxşı Setter (Asiya Kuboku - 2010)
• Ən Yaxşı Setter (I Dünya Olimpiya Turnirinin keçid mərhələsi - 2012)
• Ən Yaxşı Setter (Asiya çempionatı - 2013)
• Ən Dəyərli Oyunçu (Asiya çempionatı - 2013)
• Ən Yaxşı Setter (Dünya Liqası - 2014)
• İranda İlin İdmançısı (Media - ISNA, 2014)
• İranda İlin İdmançısı (IRIB, 2015)
• İranda İlin Ən Yaxşı Kişi Voleybol Oyunçusu (2014-2015)
• Ən Yaxşı Setter (Dünya Olimpiya Turnirinin keçid mərhələsi - 2008)
• Ən Yaxşı Setter (Dünya Olimpiya Turnirinin keçid mərhələsi - 2016)
• Asiyanın Ən Yaxşı Atleti (Le Monde - 2016)
• İranda İlin Ən Yaxşı Kişi Voleybol Oyunçusu (2016-2017)

Həmçinin bax

• Urmiya
• İran azərbaycanlıları
• Voleybol