Sakin Cabarov
Bu məqalənin ensiklopedik tələblərə cavab vermədiyinə dair şübhələr var. |
Bu məqaləni vikiləşdirmək lazımdır. |
Sakin Həmid oğlu Cabarov — fizika elmləri doktoru, dosent. Azərbaycan Respublikasının Prezidenti yanında Ali Attestasiya Komissiyası sədrinin müavini.
| Sakin Cabarov | |
|---|---|
| Doğum tarixi | 30 avqust 1983 (41 yaş) |
| Doğum yeri | |
| Elm sahəsi | fizika |
| Elmi dərəcəsi | |
| Elmi adı | |
Həyatı
redaktəSakin Cabarov 30 avqust 1983-cü ildə Xaçmaz rayonunun Dədəli kəndində anadan olmuşdur. Ailəlidir, bir oğlu bir qızı vardır.
2002-ci ildən Yeni Azərbaycan Partiyasının üzvüdir.
Təhsili
redaktə1990–2000-cu illərdə Xaçmaz rayonu Q. Mövlanov adına Dədəli kənd orta məktəbində orta təhsilini almışdır.
2001–2005-ci illərdə Bakı Dövlət Universitetinin Fizika fakültəsində təhsil almış və həmin fakültəni Fizika ixtisası üzrə fərqlənmə diplomu ilə bitirmişdir.
2005–2007-ci illərdə Bakı Dövlət Universitetinin Fizika fakültəsinin magistraturasında təhsil almış və Kvant elektronikası ixtisası üzrə fərqlənmə diplomu ilə bitirmişdir.
2009–2012-ci illərdə AMEA Fizika İnstitutunun fəlsəfə doktorluğu üzrə 2220.01-Yarımkeçiricilər fizikası ixtisası üzrə doktoranturada təhsil almış,
2012-ci ildə "Yüksək təzyiqlərdə PbTiO3, NaNbO3, BiMnO3 perovskit seqnetoelektriklərdə struktur faza keçidləri" mövzusunda dissertasiya işini müdafiə edərək Azərbaycan Respublikasının Prezidenti yanında Ali Attestasiya Komissiyası tərəfindən fizika üzrə fəlsəfə doktoru elmi dərəcəsi almışdır.
2017-ci ildə Azərbaycan Respublikasının Prezidenti yanında Ali Attestasiya Komissiyası tərəfindən 2220.01-Yarımkeçiricilər fizikası ixtisası üzrə dosent elmi adı almışdır.
2017–2021-ci ildlərdə AMEA Fizika İnstitutunun elmlər doktorluğu üzrə 2223.01-Kristalloqrafiya, kristallar fizikası ixtisası üzrə doktoranturada təhsil almış,
2021-ci ildə "Təzyiq və temperaturun təsiri ilə perovskitlərdə və heksaferritlərdə quruluş və maqnit faza keçidləri" mövzusunda dissertasiya işini müdafiə edərək Azərbaycan Respublikasının Prezidenti yanında Ali Attestasiya Komissiyası tərəfindən fizika elmləri doktoru elmi dərəcəsi almışdır.
Əmək fəaliyyəti
redaktə2005–2018-ci illərdə AMEA Fizika İnstitutunda texnik, kiçik elmi işçi, elmi işçi, böyük elmi işçi, aparıcı elmi işçi vəzifələrində çalışmışdır.
2007–2008-ci illərdə həqiqi hərbi xidmətdə olmuşdur.
2010–2014 və 2017–2018-ci illərdə Rusiyanın Dubna şəhərində yerləşən Birləşmiş Nüvə Araşdırma İnstitutu (Joint Institute for Nuclear Research) İ. M. Frank adına Neytron Fizikası Laboratoriyasında kiçik elmi işçi, elmi işçi, böyük elmi işçi vəzifələrində çalışmışdır.
2014–2015-ci illərdə Almaniyanın Bayroyt şəhərində yerləşən Bayroyt Universitetində (University of Bayreuth) posdokda olmuşdur.
2018-ci ildən Azərbaycan Respublikasının Prezidenti yanında Ali Attestasiya Komissiyasında çalışır və hazırda Elm sahələri üzrə birinci şöbənin müdiridir.
Azərbaycan Respublikası Prezidentinin 27 may 2022-ci il tarixli Sərəncamı ilə Azərbaycan Respublikasının Prezidenti yanında Ali Attestasiya Komissiyası sədrinin müavini təyin edilmişdir.[1]
Elmi fəaliyyəti
redaktə2005-ci ildən elmi fəaliyyətlə məşğuldur. Bu müddət ərzində aşağıdakı mərkəzlərdə elmi tədqiqatlar aparmışdır:
2005–2021, AMEA Fizika İnstitutu, Bakı, Azərbaycan.
2009–2014, 2017–2018, Birləşmiş Nüvə Araşdırma İnstitutu, Dubna, Rusiya.
2010, 2011, DESY, Hamburq, Almaniya.
2017, BMEA Materialların elmi-praktiki tədqiqi mərkəzi, Minsk, Belarus.
2017–2018, Azərbaycan Dövlət Pedaqoji Universiteti, Bakı, Azərbaycan.
2019-cari, AMEA Radiasiya Problemləri İnstitutu, Bakı, Azərbaycan.
Elmi əsərləri
redaktə180 elmi əsərin müəllifidir. Onlardan 95-i Web of Science və Scopus bazalarında indekslənir. Əsas elmi əsərləri:
1. S. H. Jabarov, S. I. Ibrahimova, F. V. Hajiyeva, E. M. Huseynov, Y. I. Aliyev, Structural, vibrational, and dielectric properties of CuInZnSe3 chalcogenide compound, Journal Arabian Journal for Science and Engineering, 3, p.1–7, 2022.
2. F. G. Agayev, S. H. Jabarov, G. Sh. Ayyubova, A. V. Trukhanov, S. V. Trukhanov, M. N. Mirzayev, T. G. Naghiyev, N. T. Dang, Ferrimagnetic-paramagnetic phase transition in BaFe11.7In0.3O19 compound, Journal of Superconductivity and Novel Magnetism, 33, p.2867–2873, 2020.
3. S. H. Jabarov, High pressure effect on the crystal structure of the BaTiO3, International Journal of Modern Physics B, 33, 30, p.1950357, 2019.
4. M. N. Mirzayev, S. H. Jabarov, E. B. Asgerov, R. N. Mehdiyeva, T. T. Thabethe, S. Biira, N. V. Tiep, Crystal structure changes and weight kinetics of silicon-hexaboride under gamma irradiation dose, Results in Physics, 10, p.541–545, 2018.
5. N. T. Dan, V. S. Zakhvalinskii, D. P. Kozlenko, The-Long Phan, S. E. Kichanov, S. V. Trukhanov, A. V. Trukhanov, Yu. S. Nekrasova, S. V. Taran, S. V. Ovsyannikov, S. H. Jabarov, E. L. Trukhanova, Effect of Fe doping on structure, magnetic and electrical properties La0.7Ca0.3Mn0.5Fe0.5O3 manganite, Ceramics International, 44, 13, p.14974–14979, 2018.
Konfranslar
redaktə50 elmi konfransın iştirakçısı olmuşdur. İştirak etdiyi əsas konfranslar:
1. XVIII Всероссийская школа-семинар по проблемам физики конденсированного состояния вещества, Екатеринбург, Россия, с. 46, 16–23 ноября 2017.
2. Конференция "Молодежь в науке — 2.0'17", Минск, Беларусь, с. 209. 30 октября – 2 ноября 2017 г.
3. International Conference Condensed Matter Research at the IBR-2, Dubna, Russia, p.115. 9–12 October 2017.
4. "LI Зимняя школа ПИЯФ по физике конденсированного состояния", ПИЯФ, Гатчина, с. 179, 11–16 марта 2017.
5. IV Международная конференция Многомасштабное моделирование структур, Строение вещества, Наноматериалы и Нанотехнологии, 18–21 сентября 2017, Тула, Россия.
2 elmi konfransın təşkilat komitəsinin üzvü olmuşdur:
1. "N. N. Bogolyubovun 105 illiyinə həsr edilmiş Gənc Alimlərin və Mütəxəssislərin XVIII Beynəlxalq konfransı"nın təşkilat komitəsinin üzvü. Dubna, Rusiya, 24–28 fevral 2014.
2. "Bərk cisimlər fizikasının aktual problemləri IX Beynəlxalq Elmi Konfrans"ının təşkilat komitəsinin üzvü. Minsk, Belarusiya, 22–26 noyabr 2021.