Salis Məmmədov

Salis Məmmədov
Salis Məmmədov
	Salis Məmmədsani oğlu Məmmədov
	; Salis Məmmədov
Doğum tarixi	1 iyul 1932
Doğum yeri	Nuxa, Azərbaycan SSR, ZSFSR, SSRİ
Vəfat tarixi	29 yanvar 2009 (76 yaşında)
Vəfat yeri	Şəki, Azərbaycan
Vətəndaşlığı	SSRİ→; Azərbaycan
Uşaqları	Vəfa Məmmədova, ; Aydın Məmmədov
Atası	Məmmədsani
Milliyyəti	azərbaycanlı
İxtisası	Jurnalistika
Təhsili	BDU
Fəaliyyəti	jurnalist
Mükafatları	; ;

Salis Məmmədsani oğlu Məmmədov (1 iyul 1932, Nuxa – 29 yanvar 2009, Şəki) — "Şəkinin səsi" və "İpəkçi" qəzetlərinin həmtəsisçisi və baş redaktoru, Azərbaycan Respublikasının əməkdar jurnalisti (23.10.1991).

Həyatı

Salis Məmmədov 1 iyul 1932-ci ildə Nuxa (indiki Şəki) şəhərində anadan olmuşdur. 1948-ci ildə Nuxa radio məlumatları redaksiyasında məlumatçı kimi əmək fəaliyyətinə başlamış və 1951-ci ilə - Nuxa radio verilişləri redaksiyası ləğv edilənədək orada işləmişdir.

1952-ci ildən "Nuxa fəhləsi" qəzeti redaksiyasında, 1962-ci ildən isə Nuxa rayonlararası "Lenin bayrağı" qəzetində ədəbi işçi olmuşdur. 1959-cu ildə Azərbaycan Dövlət Universitetinin jurnalistika fakültəsinin qiyabi şöbəsinə daxil olmuş, 1965-ci ildə oranı bitirmişdir. Tələbəlik illərində onun vasitəçiliyi ilə Bəxtiyar Vahabzadənin "Gülüstan" poeması "Nuxa fəhləsi" qəzetində nəşr edilmişdir^[1].

1965-ci ilin aprelində Nuxa şəhər partiya komitəsi bürosunun qərarı ilə Nuxa İpək Kombinatının "İpəkçi" qəzetinə redaktor təyin edilmiş və 2009-cu ilin yanvar ayına qədər - 44 il bu qəzetin redaktoru olmuşdur. 1990-cı ilin dekabrında "İpəkçi"nin ənənəvi təsisçilərindən^[2] imtina etmiş və bu qəzeti "Şəki İpəkçilərinin Açıq Tribunası" elan edərək, qəzetin başlığı üstündəki V.İ.Lenin tərəfindən deyilmiş və Sovet mətbuatının atributu olan "Bütün ölkələrin proletarları birləşin!" şüarını yığışdırmışdır. Bu, həmin vaxta qədər Azərbaycanda analoqu olmayan, SSRİ-də isə yalnız nadir təsadüf edilən hadisə idi.

Salis Məmmədov Azərbaycan Jurnalistlər İttifaqının orqanı olan "Müxbir" bülleteninin redaksiya heyətinin üzvü idi. O, 1993-cü ildə oğlu Aydın Məmmədovla birlikdə ilk müstəqil region qəzeti olan "Şəkinin səsi"ni təsis etmiş və vəfatına qədər həmin qəzetin baş redaktoru olmuşdur.

Salis Məmmədov 29 yanvar 2009-cu il tarixində uzun sürən xəstəlikdən sonra vəfat etmişdir.

Əməyinin qiymətləndirilməsi

SSRİ-nin "Şərəf nişanı" ordeni, "Leninin yubiley" medalı, Azərbaycan Jurnalistlər İttifaqının "Qızıl Qələm" mükafatı, 21 iyul 2005-ci ildə Azərbaycan Respublikasının "Tərəqqi" medalı^[3] ilə təltif edilmişdir. 1993 və 1994-cü illərdə redaktoru olduğu "İpəkçi" qəzeti 60 illik yubileyi münasibətilə prezident Heydər Əliyev tərəfindən 2 təbrik məktubu almışdır^[4].

23 oktyabr 1991-ci ildə "Azərbaycan Respublikasının əməkdar jurnalisti" fəxri adına layiq görülmüşdür^[5].

İstinadlar

↑ "Arxivlənmiş surət". 2021-02-22 tarixində arxivləşdirilib. İstifadə tarixi: 2011-01-01.
↑ 1990-cı ilin dekabrına qədər "İpəkçi" qəzeti Azərbaycan Kommunist partiyası V.İ.Lenin adına Şəki İstehsal İpək Birliyi Komitəsinin, Birlik Həmkarlar İttifaqı, Komsomol Komitələrinin və baş direktorluğun orqanı idi.
↑ "Azərbaycan mətbuat işçilərinin təltif edilməsi haqqında" Azərbaycan Respublikası Prezidentinin 21 iyul 2005-ci il tarixli, 924 nömrəli Sərəncamı Arxivləşdirilib 2022-09-22 at the Wayback Machine (az.)
↑ "Mərhum sabiq prezident Heydər Əliyevin 1993-cü ildə "İpəkçi" qəzetinə göndərdiyi təbrik məktubunun mətni". 2021-02-22 tarixində arxivləşdirilib. İstifadə tarixi: 2011-01-02.
↑ "S.M.Məmmədova "Azərbaycan Respublikasının əməkdar jurnalisti" fəxri adının verilməsi haqqında" Azərbaycan Respublikası Prezidentinin 23 oktyabr 1991-ci il tarixli, 394 nömrəli Fərmanı^{[ölü keçid]} (az.)

Xarici keçidlər

Həmçinin bax

"İpəkçi" qəzeti

[1] "Arxivlənmiş surət". 2021-02-22 tarixində arxivləşdirilib. İstifadə tarixi: 2011-01-01.

[2] 1990-cı ilin dekabrına qədər "İpəkçi" qəzeti Azərbaycan Kommunist partiyası V.İ.Lenin adına Şəki İstehsal İpək Birliyi Komitəsinin, Birlik Həmkarlar İttifaqı, Komsomol Komitələrinin və baş direktorluğun orqanı idi.

[3] "Azərbaycan mətbuat işçilərinin təltif edilməsi haqqında" Azərbaycan Respublikası Prezidentinin 21 iyul 2005-ci il tarixli, 924 nömrəli Sərəncamı Arxivləşdirilib 2022-09-22 at the Wayback Machine (az.)

[4] "Mərhum sabiq prezident Heydər Əliyevin 1993-cü ildə "İpəkçi" qəzetinə göndərdiyi təbrik məktubunun mətni". 2021-02-22 tarixində arxivləşdirilib. İstifadə tarixi: 2011-01-02.

[5] "S.M.Məmmədova "Azərbaycan Respublikasının əməkdar jurnalisti" fəxri adının verilməsi haqqında" Azərbaycan Respublikası Prezidentinin 23 oktyabr 1991-ci il tarixli, 394 nömrəli Fərmanı^{[ölü keçid]} (az.)

[1]

[2]

[3]

[4]

[5]