Sermet Atay
Sermet Atay (29 iyun 1964, Qaziantep ili) — hüquqşünas və siyasətçi; Türkiyə Böyük Millət Məclisinin 27 və 28-ci çağırışlarının deputatı.[1]
| Sermet Atay | |
|---|---|
Türkiyə Böyük Millət Məclisinin 27 və 28-ci çağırışlarının deputatı | |
Vəzifədədir | |
| 7 iyul 2018-ci ildən | |
| Seçki dairəsi | 2018 — Qaziantep 2023 — Qaziantep |
| Şəxsi məlumatlar | |
| Doğum tarixi | 29 iyun 1964 (60 yaş) |
| Doğum yeri | |
| Vətəndaşlığı |
 Türkiyə |
| Partiya | |
| Təhsili | |
| Fəaliyyəti | vəkil, siyasətçi |
Həyatı
redaktəSermet Atay 1964-cü ildə Qaziantep ilində anadan olub. İbtidai, orta və lisey təhsilini Qaziantepdə alıb. İstanbul Universiteti Hüquq Bölməsindən məzun olub.[1]
Maliyyə Nazirliyinin Hüquq Baş İdarəsində xəzinədar hüquqşünas vəzifəsində çalışıb. 1988-1990-cı illərdə Qaziantep Polis Liseyində müqaviləli təlimatçı olub. 1990-cı ildə dövlət qulluğundan istefa verib, öz hüquq bürosunu açıb və sərbəst hüquqşünas olaraq çalışıb. 1995-1998-ci illərdə Qaziantepspor İdman Klubunun Baş Katibi və TFF Ali Şurasının nümayəndəsi vəzifələrində təmsil olunub.[1]
90-cı illərdə Doğru Yol Partiyasının üzvü olub. DYP Qaziantep ilçə şöbəsinin sədri, DYP Qaziantep il şöbəsinin sədr müavini və sədri olub. 2011-ci ildə DYP sıralarından istefa verib və MHP üzvü olub. 2021-ci ildə MHP İdarə Heyətinin üzvü seçilib.[1]
2018 və 2023-cü illərdə MHP namizədi olaraq Qaziantep ilindən Türkiyə Böyük Millət Məclisinin 27 və 28-ci çağırışlarının deputatı seçilib. 27-ci çağırışda TBMM Daxili İşlər Komissiyasının üzvü, 28-ci çağırışda isə TBMM Divanı inzibatçı nəzarətçi vəzifələrində təmsil olunub.[1]
İstinadlar
redaktə- ↑ 1 2 3 4 5 6 TBMM. "Sermet ATAY". www.tbmm.gov.tr (türk). 10.01.2024. 2024-01-10 tarixində arxivləşdirilib. İstifadə tarixi: 10.01.2024.