Seyşel adaları qadın milli voleybol komandası

Afrika çempionatı
Seyşel adaları

Reytinqdə sırası	104 (2014 yanvar ayı üçün)^[1]
Konfederasiya	CAVB
Federasiya	SVF
İnternet Saytı	-
İştirakı	2 dəfə (debütü 2001-ci il)
Ən yaxşı nəticəsi	çempion: 2001

Seyşel adaları qadın milli voleybol komandası — Afrika çempionluğu yaşamış milli komanda. Seyşel adaları Voleybol Federasiyasının nəzarəti ilə Afrika Voleybol Konfederasiyasının təşkilatçılıq etdiyi və digər yarışlarda öz ölkəsini təmsil edir.

Tarixi redaktə

Seyşel adaları 14 dəfə təşkil edilən Afrika çempionatına yalnız 2 dəfə vəsiqə qazana bilmişdir. 2001-ci ildə ilk dəfə bu turnirə vəsiqə qazanan komandanın turnirdə nə edəcəyi böyük maraq doğururdu. Debüt ilindəcə heç kimin gözləmədiyi bir anda çempionluq yaşayan Seyşel adaları qadın millisi tarixi nailiyyət əldə etmişdi. Bu böyük sensassiya Seyşel adalarınının milli komandalar çərçivəsində qazandığı ilk uğur idi. Yaşanan çempionluq bu kiçik ada ölkəsinin idmanı üçün, hətta tarixi üçün önəmli bir uğur idi.^[2] İki il sonra keçirilən qitə çempionatında da iştirak edən yığma bir daha bu tip nüfuzlu yarışlara qatıla bilməmişdir.

Seyşel adalarının iştirak etdiyi başqa bir turnir isə Afrika Oyunlarıdır. Son dörd Afrika Oyunlarının hamısına qatılmağı bacaran Seyşellərin bu turnirdəki ən böyük uğuru 2007-ci ildə yarımfinal oynamasıdır. Yarımfinaldan sonra üçüncülük matçını da məğlub olan milli komanda ilk Afrika Oyunları medalının bir addımlığında büdrəmişdi. Seyşel adalarının ən uğurlu çıxış etdiyi turnir isə nüfuz cəhətdən çox aşağı izləyici kütləsinə malik Hind Okeanı hövzəsi ölkələrinin olimpiadasıdır. Belə ki, ada ölkəsi 2003 və 2011-ci illərdə bu turniri birinciliklə bitirmiş, 2007-ci ildə isə kiçik olimpiadanın gümüş medalını qazanmışdır.

Əsas turnirlərdə qazandığı nəticələr redaktə

Afrika Çempionatı redaktə

İl	Təşkilatçı ölkə	Nəticəsi
1976	Misir	təsnifat keçilmədi
1985	Tunis	təsnifat keçilmədi
1987	Mərakeş	təsnifat keçilmədi
1991	Misir	təsnifat keçilmədi
1993	Nigeriya	təsnifat keçilmədi
1995	Naməlum	təsnifat keçilmədi
1997	Naməlum	təsnifat keçilmədi
1999	Nigeriya	təsnifat keçilmədi
2001	Nigeriya	Qızıl medal
2003	Keniya	6-cı yer
2005	Nigeriya	təsnifat keçilmədi
2007	Keniya	təsnifat keçilmədi
2009	Əlcəzair	təsnifat keçilmədi
2011	Keniya	təsnifat keçilmədi
2013	Keniya	təsnifat keçilmədi

Digər turnirlərdə qazandığı nəticələr redaktə

Afrika Oyunları redaktə

İl	Təşkilatçı şəhər	Nəticəsi
1978	Əlcəzair	təsnifat keçilmədi
1987	Nayrobi	təsnifat keçilmədi
1991	Qahirə	təsnifat keçilmədi
1995	Harare	təsnifat keçilmədi
1999	Yohannesburq	5-ci yer
2003	Abuca	6-cı yer
2007	Əlcəzair	4-cü yer
2011	Maputu	7-ci yer

İstinadlar redaktə

↑ FIVB Senior World Ranking — Women As per January 2014 Arxivləşdirilib 2022-03-08 at the Wayback Machine (ing.)
↑ Patrick Ommorodion. "Nigeria: Seychelles Show Class At Volleyball Fiesta" (ingilis). allafrica.com. 15-11-2001. İstifadə tarixi: 2014-07-07.

[1] FIVB Senior World Ranking — Women As per January 2014 Arxivləşdirilib 2022-03-08 at the Wayback Machine (ing.)

[2] Patrick Ommorodion. "Nigeria: Seychelles Show Class At Volleyball Fiesta" (ingilis). allafrica.com. 15-11-2001. İstifadə tarixi: 2014-07-07.

[1]

[2]