Seydizadə Mehmed Paşa

Seydizadə Mehmed Paşa (ö. 1684) — IV Mehmed səltənətində müxtəlif vəzifələrdə xidmət edən Osmanlı dövlət xadimi, kaptan-ı dəryası.

Seydizadə Mehmed Paşa
Osmanlı kaptan-ı dəryası
Əvvəlki	Əli Paşa
Sonrakı	Qara İbrahim Paşa
Şəxsi məlumatlar
Vəfat tarixi	1684
Vəfat yeri	Budin, Osmanlı imperiyası
Atası	Seydi Əhməd Paşa

Həyatı

Doğum tarixi məlum deyil. IV Mehmed səltənətinin kaptan-ı dəryalarından Seydi Əhməd Paşanın oğludur. Bu səbəblə bir çox tarixi mənbədə Seydizadə olaraq anılır. Sürətlə yüksələrək sancaqbəyi, ardından 1671-ci ildə vəzir rütbəsiylə Rumeli bəylərbəyi oldu. Bir neçə il bu vəzifədə qaldıqdan sonra 1676-cı ilin yanvarında kaptan-ı dərya oldu. Ardından 13 noyabr 1677-ci ildə vəzifədən alınaraq Niğdə sancaqbəyi oldu. 1678-ci ildə ikinci dəfə Rumeli bəylərbəyliyinə yüksəldi. Daha sonra Timeşvar, 1681-ci ildə Yanova, 1682-ci ildə Kanije, 1683-cü ildə isə yenidən Yanova qalasının mühafizəsi ilə vəzifələndirildi. Ancaq 1684-cü ildə Budin yaxınlığında gedən çatışmalarda şəhid düşdü.

Mənbə

• Sicill-i Osmani IV, səh. 44.