Sivilitas fondu
"Sivilitas" fondu[1] (erm. Սիվիլիթաս հիմնադրամ, ing. The Civilitas Foundation) — mərkəzi İrəvan şəhərində yerləşən[2] Ermənistan qeyri-kommersiya təşkilatı. 2008-ci ilin oktyabrında Ermənistanın keçmiş xarici işlər naziri Vartan Oskanyan tərəfindən təsis edilmişdir.[3][4][5] Hal-hazırda Apo Bogigiyanın rəhbərliyində olan təşkilat bir inkişaf agentliyi və düşüncə mərkəzidir.[4] "Sivilitas" fondunun məqsədi vətəndaş cəmiyyətini gücləndirmək, Ermənistanda demokratiyanı, iqtisadi inkişafı və təhsili təşviq etmək, eləcə də bir sıra aktual siyasi məsələlərdə Ermənistanla beynəlxalq ictimaiyyət arasında dialoqun keyfiyyətini artırmaqdır. "Sivilitas" fondunun fəaliyyəti nəticəsində Ermənistanla erməni diasporu arasındakı əlaqələr güclənmişdir.
| Sivilitas fondu | |
|---|---|
| erm. Սիվիլիթաս հիմնադրամ ing. The Civilitas Foundation | |
 | |
| Növü | qeyri-kommersiya |
| Fəaliyyəti | fond |
| Yaranma tarixi | oktyabr 2008 |
| Rəsmi dili | erməni, ingilis |
| Mərkəzi | Şimal prospekti 1, svita 30, İrəvan, Ermənistan |
| Fəaliyyət göstərdiyi yer | Ermənistan |
| Qurucusu | |
| civilitasfoundation.org | |
Təşkilatın adı yunan dilindəki "Sivilitas" sözündən yaranmışdır.[6][7]
CivilNet Media
redaktə"Sivilitas" fondunun onlayn media orqanı olan "CivilNet" 21 sentyabr 2011-ci il tarixində Oskanyan tərəfindən başladılmışdır.[4][5] Fond "CivilNet" vasitəsi ilə erməni və ingilis dillərində müsahibələr, məqalələr və həftəlik icmal videoları kimi məzmun hazırlayır. Media orqanının məzmunu təməl insan haqları, Ermənistan demokratiyası, regional sülh və diaspora,[3][8] eləcə də Türkiyədə Ermənistan–Türkiyə münasibətləri ilə birbaşa və ya dolayı yolla əlaqəli olan siyasi, iqtisadi, sosial və mədəni hadisələrə yönəlmişdir.[9]
"CivilNet" 1918-ci il Batum, 1920-ci il Aleksandropol, 1921-ci il Moskva və Qars müqavilələri haqqında üç film çəkmişdir.[9]
"Sivilitas" Generasiya Mərkəzi
redaktə"Sivilitas" Generasiya Mərkəzi Ermənistanın coğrafi, iqtisadi və təcrübə məhdudiyyətlərinə yeni yanaşma və həll yollarını dəstəkləmək üçün hazırlanmışdır. Generasiya Mərkəzi öz vəzifəsinə uyğun olaraq, artıq fəaliyyətini dayandırmış Civil.am internet portalında[10] iştirak edən QHT-lərin köməyi ilə yenilənən Ermənistandakı mövcud QHT-lərin məlumat bazasını hazırlamışdır. Verilənlər bazası insanlara layihələri təqdim etmək, QHT-lərə alternativ dəstək mənbələrini müəyyənləşdirməyə kömək etmək və yeni təşəbbüsləri mövcud təcrübə ilə əlaqələndirməyə xidmət etmişdir.[11]
İstinadlar
redaktə- ↑ "Ermənistanda Kazan görüşündən narahatlıq artır-VİDEO". BBC News Azərbaycanca (az.). 19 iyun 2011. 2021-07-10 tarixində arxivləşdirilib. İstifadə tarixi: 2021-07-05.
- ↑ "Contacts". Civilitas Foundation (ingilis). 2015-11-07 tarixində arxivləşdirilib. İstifadə tarixi: 2021-03-25.
- ↑ 1 2 "About Us". CivilNet (ingilis). 2021-03-04 tarixində arxivləşdirilib. İstifadə tarixi: 2021-03-25.
- ↑ 1 2 3 "Boghigian Named Director of Civilitas/CivilNet". Asbarez. 5 August 2019. 2019-08-07 tarixində arxivləşdirilib. İstifadə tarixi: 2019-08-07.
- ↑ 1 2 "THE POLITICAL CONTEXT". Civilitas Foundation (ingilis). 2 July 2012. 2021-03-25 tarixində arxivləşdirilib. İstifadə tarixi: 2021-03-25.
- ↑ "WHO WE ARE". Civilitas Foundation (ingilis). 2015-11-07 tarixində arxivləşdirilib. İstifadə tarixi: 2021-03-26.
- ↑ "Mission". Civilitas Foundation (ingilis). 11 January 2009. 2021-03-26 tarixində arxivləşdirilib. İstifadə tarixi: 2021-03-26.
- ↑ "Increasing the role of the citizen by raising legal awareness". Civilitas Foundation (ingilis). 2017-08-27 tarixində arxivləşdirilib. İstifadə tarixi: 2021-03-25.
- ↑ 1 2 "The Civilitas Foundation". Armenia-Turkey Normalisation Process. 2020-09-24 tarixində arxivləşdirilib. İstifadə tarixi: 2021-03-25.
- ↑ "Home". Civil.am. 6 March 2015 tarixində orijinalından arxivləşdirilib.
- ↑ Hakobyan, Tatul. "Civilitas Foundation opens in Yerevan". The Armenian Reporter. Yerevan. 4 October 2008. 2011-07-06 tarixində orijinalından arxivləşdirilib. İstifadə tarixi: 2010-02-26.
Xarici keçidlər
redaktə- civilitasfoundation.org — Rəsmi saytı
- CivilNet