Skif İohann
Skif İohann (lat. Iohannes Scytha, yun. Ἰωάννης ὁ Σκύθης; 482 – 498) — V əsrin sonlarında yaşamış Şərqi Roma komandiri və siyasətçisi.
| Skif İohann | |
|---|---|
| Şəxsi məlumatlar | |
| Doğum tarixi | 482 |
| Vəfat tarixi | 498 |
| Fəaliyyəti | siyasətçi |
| Rütbəsi | Hərbi magistr |
Skif İohann Şərqi Roma ordusunun zabiti idi. 482-ci ildə hərbi magistr və ya hərbi işlər komitəsi olaraq, Böyük Teodorix ostqotlarına qarşı döyüşmək üçün mosxiyalılar ilə birlikdə İlliriyaya göndərilmişdir. 483-cü ildə imperator Zinon Şərqdəki hərbi magistrı İlldən xilas olmaq qərarına gəlmiş və onu İohann ilə əvəz etmişdir. 484-cü ildə İll Zinona qarşı üsyana rəhbərlik etmiş və dövlət qulluqçusu Leontini imperator elan etmişdir. İohann və Teodorix böyük bir ordu ilə həmin ilin sentyabrında Antiox yaxınlığında İll və Leontini məğlub etmişdir. İll və Leonti İsavriyaya [a] qaçaraq Papuri qalasına qapanmışdılar. İohann qalanı mühasirəyə almış və 484-cü ilin sonunda o, möhkəmləndirici qüvvələr axtarmaq üçün qaladan qaçan İllin qardaşı Trokundu tutub öldürmüşdür. Mühasirə 488-ci ilə qədər davam etmiş və qala xəyanət üzündən yıxılmışdır. İll və Leonti edam olunmuşdur.[1]
İmperator I Anastasinin hakimiyyəti dövründə İohann İsavriya müharibəsində (492–498) iştirak etmiş, Qozbel İohannla birlikdə orduya komandanlıq etmişdir. 492-ci ildə Kotiay döyüşündə Şərqi Roma komandirlərindən biri idi və 497-ci ildə isavriyalıları məğlub etmişdir.[1]
Anastasi müharibədə əldə olunan qələbədən çox sevindi və komandirini mükafatlandırmışdır. Skif İohann 498-ci ildə konsul təyin edilmişdir.[1]
Qeydlər
redaktə- ↑ Zinon və İll əslən İsavriyadan idilər.