Solmaz Rüstəmova-Tohidi
Solmaz Əli qızı Rüstəmova-Tohidi (d. 20 fevral, 1953) — Azərbaycan alimi, tarix elmləri doktoru, professor, AMEA-nın akademik Ziya Bünyadov adına Şərqşünaslıq İnstitutunun əməkdaşı. İranın tarixi və iqtisadiyyatı şöbəsinin aparıcı elmi işçisi. Azərbaycan Respublikasının əməkdar elm xadimi(2018)
| Solmaz Rüstəmova-Tohidi | |
|---|---|
 | |
| Doğum tarixi | |
| Doğum yeri | Bakı |
| Elmi dərəcəsi | Tarix elmləri doktoru |
| İş yeri | AMEA-nın akademik Ziya Bünyadov adına Şərqşünaslıq İnstitutu |
| Alma-mater | Azərbaycan Dövlət Universiteti |
| Təhsili | |
| Tanınır | Tarixçi |
| Üzvlüyü | Beynəlxalq Sosial Tarix İnstitutunun (Hollandiya) Qafqaz və Orta Asiya Respublikaları üzrə nümayəndəsi [1] |
| Mükafatları |
  |
Həyatı redaktə
Solmaz Rüstəmova-Tohidi 1953-cü ildə Bakı şəhərində anadan olmuşdur. Azərbaycan Dövlət Universitetini bitirmişdir. 1995-ci ildən Niderlandın Sosial Tarix İnstitutunun Qafqaz üzrə, 2010-cu ildən Qafqaz və Orta Asiya üzrə nümayəndəsidir.
Elmi fəaliyyəti redaktə
Elmi tədqiqat istiqamətləri: ХХ əsrin birinci yarısında Qafqazın, Azərbaycanın, İranın və Türkiyənin siyasi tarixi, bu ölkələrdə nəşr tarixi, ideologiya tarixi, Komintern tarixi, milli-azadlıq hərəkatlarının tarixi, Qafqazda repressiya, deportasiya tarixi və onun nəzəri aspektləri, miqrasiya tarixi, İran cəmiyyəti tarixi.
Elmi işləri Azərbaycanda, Rusiyada, İranda, Türkiyədə, İngiltərədə, Niderlandda, Avstriyada, Gürcüstanda, Özbəkistanda, Qazaxıstanda müxtəlif dillərdə: Azərbaycan, rus, ingilis, türk, fars dillərində nəşr edilmişdir. Son 10 ildə 21 beynəlxalq konfransda iştirak etmişdir.
27 noyabr 2018-ci ildə Azərbaycan tarixinin tədqiqi sahəsində uzunmüddətli səmərəli fəaliyyətinə görə "Əməkdar elm xadimi" fəxri adı ilə təltif edilib."[2]
Əsas elmi naliyyətləri: Beynəlxalq kominternşünaslıq və iranşünaslıq sahəsində Fundamental monoqrafiya və digər tədqiqatlar Azərbaycan kitabxana və arxivlərində saxlanılan dövrü mətbuatı (ərəb əlifbasında, 18 dildə, 1050 adda)
Ümumi Kataloqları – 3 kitab (Bakıda, Londonda vəTehranda nəşr olunmuşdur)
1918-ci il azərbaycanlıların soyqırımını əks etdirən "Azərbaycan Xalq Cümhuriyyəti Fövqəladə Təhqiqat Komissiyasının sənədləri" silsiləsindən sənədlər toplularının ilk dəfə nəşri (14 kitab) və təhqiqatı (3monoqrafiya)[1]
Əsas elmi işləri redaktə
6 kitabın, 50 məqalə və 100-dən çox elmi nəşrlərin (referat, rəy və s.) müəllifidir. 7 kitabın elmi redaktoru, 4 sənəd kolleksiyasının və dövrü nəşrin tərtibatçısıdır.
Kitabları redaktə
- İranın kommunist dövri nəşri emiqrasiyada. 1917–1932 il. 1985, 145 s. (fars dilində);
- Bakı sənədləri. Azərbaycan, Türk (Osman), Fars və Ərəb dövrlərinin Azərbaycan Respublikasında birgə kataloqu. (T. Atabaki), Taurus Academic Studies, Лондон, 1995, 332стр. (ingilis dilində);
- İranda Kominternin şərq siyasəti 1919–1943. — Bakı, "Xəzər", 2001, 507 səh. (azərbaycan dilində);
- Март. 1918. Г. Баку. Азербайджанские погромы в документах. Баку. Индиго-пресс, 2009, 864 стр. (rus dilidə)
- Mətbuat-e kommunist-e İran dər Mühacirat. 1917–1932. 1985. (fars dilində) – 12 ç.v.
- Azərbaycandövrü mətbuatı.1875–1990. Azər-nəşr,1993. Bakı (Ərəb və latın qrafikası ilə) – 18 ç.v.
- Baku Documents. Union catalogue of Persian, Azerbaijani, Ottoman Turkish and Arabic Serials and newspapers in the Libraries of the Republic of Azerbaijan.(bu T. Atabakı), Tauris Academic Studies, 1995, London. – 20,5 .v.4. Kominternin Şərq siyasəti və İran.1919–1943. Khazar University Press, Bakı, 2001. – 31 ç.v.
- Union Catalogue of Persian, Arabic, Ottoman Turkish, Kurdish an Azerbaijan Serials and Newspapers in the Libraries of the Republic of Azerbaijan and the Republic of Georgia.- Centre for Media Studies and Researches, 2006, Tehran.- 46 ç.v.
- Куба. Апрель-Май 1918. Мусульманские погромы в документах.- 2010, Bakı, — 35 ç.v.
- 1918. Азербайджанские погромы в фото-графиях и документах. (rus, ingilis və türk dillərində), Bakı,- 2012, — 208 səh.
- ШЕМАХА. Март-июль 1918 г. Азербайджанские погромы в документах. Том I. Город Шемаха.-2013, Bakı, — 55 ç.v.
- ШЕМАХА. Март-июль 1918 г. Азербайджанские погромы в документах. Том II. Селения Шемахинского уезда. −2013, Bakı,- 55,5 ç.v.[1]
İstinadlar redaktə
- ↑ 1,0 1,1 1,2 "Şərqşünaslıq İnstitutunun elmlər doktorları, Rüstəmova-Tohidi Solmaz Əli qızı" (az.). https://science.gov.az. Archived from the original on 2022-08-06. İstifadə tarixi: 4 mart 2023.
- ↑ "S.Ə.Rüstəmova-Tohidiyə "Əməkdar elm xadimi" fəxri adının verilməsi haqqında Azərbaycan Respublikasının Prezidentinin Sərəncamı". 2021-02-28 tarixində arxivləşdirilib. İstifadə tarixi: 2020-09-18.