Somanahalli Mallaya Krişna
Somanahalli Mallaya Krişna (ing. Somanahalli Mallaiah Krishna, kann. ಸೋಮನಹಳ್ಳಿ ಮಲ್ಲಯ್ಯ ಕೃಷ್ಣ; 1 may 1932 – 10 dekabr 2024[1], Banqalor) — Hindistan siyasətçisi.
| Somanahalli Mallaya Krişna | |
|---|---|
| kann. ಸೋಮನಹಳ್ಳಿ ಮಲ್ಲಯ್ಯ ಕೃಷ್ಣ | |
 | |
| Şəxsi məlumatlar | |
| Doğum tarixi | 1 may 1932 |
| Vəfat tarixi | 10 dekabr 2024[1] (92 yaşında) |
| Vəfat yeri | |
| Partiya |
|
| Təhsili |
|
| Fəaliyyəti | vəkil, siyasətçi |
| Uşağı | 2 |
| Dini | hinduizm |
| meaindia.nic.in | |
 Vikianbarda əlaqəli mediafayllar | |
Həyatı
redaktə1 may 1932-ci ildə anadan olmuşdur. Hindistanın Karnataka ştatının Maysor şəhərində Maharaca kollecində incəsənət bakalavrı dərəcəsini aldıqdan sonra S. M. Krişna Banqalor şəhərində Hökumət Hüquq Kollecində hüquq üzrə ali təhsilini almışdır. ABŞ-nin Dallas şəhərində yerləşən Cənubi Metodist Universiteti və Corc Vaşinqton adına Universitetində təhsilini davam etdirmişdir. ABŞ prezidenti C. F. Kenedinin seçkiqabağı kampaniyasında iştirak etməklə S. M. Krişna siyasətə maraq göstərməyə başlamışdır. ABŞ-dən Hindistana qayıtdıqdan sonra Banqalor şəhərində Renukaçarya Hüquq Kollecində Beynəlxalq hüquq üzrə professor çalışmışdır. Banqalor şəhərini Hindistanın İT paytaxtına çevirdiyi üçün S. M. Krişnanı Banqalorun atası adlandırmışlar. Hindistan Milli Konqresinin üzvüdür.
- 1962–1967 — Karnataka ştatının Qanunvericilik Assambleyası üzvü;
- 1968–1971 — Lok Sabhanın (Nümayəndələr Palatası) üzvü;
- 1971–1976 — Lok Sabhanın (Nümayəndələr Palatası) üzvü;
- 1972–1977 — Karnataka ştatının Qanunverici Şurasının üzvü;
- 1972–1977 — Karnataka, Ticarət, Sənaye və Parlament məsələləri üzrə Nazir;
- 1980–1984 — Lok Sabhanın (Nümayəndələr Palatası) üzvü;
- 1983–1984 — Sənaye üzrə Dövlət Naziri;
- 1984–1985 — Maliyyə üzrə Dövlət Naziri;
- 1989–1992 — Karnataka ştatının Qanunvericilik Assambleyasının sədri;
- 1992–1994 — Karnataka ştatının Böyük Nazirinin müavini;
- 1996–1999 — Racya Sabhanın (Ştatlar Şurası) üzvü;
- 1999–2004 — Karnataka ştatının Böyük Naziri;
- 2004–2008 — Maharaştra ştatının qubernatoru;
- 2008 — Racya Sabhanın (Ştatlar Şurası) üzvü;
23 may 2009-cu ildən Xarici İşlər Naziri təyin edilmişdir. Evlidir. İki qızı var.