Orta topulqa

Orta topulqa (lat. Spiraea media) — bitkilər aləminin gülçiçəklilər dəstəsinin gülçiçəyikimilər fəsiləsinin topulqa cinsinə aid bitki növü.

Orta topulqa
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Spiraeeae Cins: Topulqa Növ: Orta topulqa
Beynəlxalq elmi adı
Spiraea media Schmidt, 1792
Şəkil axtarışı ITIS   836439 NCBI   1161166 EOL   627269

Təbii yayılması

Rusiyanın şimal-şərq hissəsi, Sibrin cənubu, Uzaq Şərq və Orta Asiyada bitir.

Botaniki təsviri

Hündürlüyü 2 m, diametri 1,2 m, yumru, möhkəm çətirli, uzunsov-ellipsvari, parlaq yaşıl, uzunluğu 5 sm-dək olan yarpaqlı, çoxbudaqlı koldur. Yarpaq ayası yuxarı hissədə 2-4 iri dişlidir. Zoğları yumru, qonurtəhər, pulcuqlu qabıqlıdır. Çiçəkləri ağ, qalxanvari çiçək quruplarında yerləşir. Mayda 15-20 gün ərzində çiçəkləyir. 4 yaşından çiçəkləyir və meyvə verir. Meyvələri avqustda yetişir.

Ekologiyası

İşıqsevəndir. Kolluqlarda, quru yamaclarda rast gəlinir. Qışa, quraqlığa, qaza davamlı bitkidir, kölgələnməyə dözür.

Azərbaycanda yayılması

Azərbaycanın bəzi rayonlarında mədəni şəraitdə becərilir.

İstifadəsi

Tək və qrup əkinlərində istifadə olunur.