Stefani Topalyan
Stefani Nonoşita Topalyan (erm. Ստեֆանի Թոփալյան; 5 avqust 1987, Los-Anceles, Kaliforniya) və ya qısaca tanınan adı ilə Stefani (ステファニー, Sutefanī?) – erməniəsilli Yaponiya müğənnisi. SME Records Japan ilə əməkdaşlıq edir. Yaponiyada iki albom buraxıb: 2008-ci ildə "Stephanie" və 2009-cu ildə "Colors of My Voice". 2007-ci ildə Yaponiya Musiqi Mükafatına layiq görülüb. Yaponiya filmlərində bir çox mahnısı səsləndirilib. Bəzi Yaponiya filmlərində ("Qürur", "Tokio qəbiləsi") rol alıb. 2015-ci ildə erməni superqrup layihəsi olan "Genealogy"-ə qoşulub və Ermənistanı 2015 Avroviziya Mahnı Müsabiqəsində "Face the Shadow" mahnısı ilə təmsil edib.
| Stefani Topalyan | |
|---|---|
 | |
| Ümumi məlumatlar | |
| Doğum tarixi | 5 avqust 1987 (37 yaş) |
| Doğum yeri | |
| Musiqiçi məlumatları | |
| Fəaliyyəti | aktrisa, müğənni |
| Fəaliyyət illəri | 2007-ci ildən |
| Janr | J-pop[d] |
| Səs tembri | soprano |
| Təhsili |
|
 Vikianbarda əlaqəli mediafayllar | |
Həyatı
redaktəKaliforniya ştatının Los-Anceles şəhərində yapon ananın və Amerika ermənisi atanın qızı kimi doğulub. Yaponiyada yaşasa da, erməni köklərinə əhəmiyyət verir. Nənəsi Koharik Mikaelyan Topalyan Livanda doğulub, babası Jan Pyer Topalyan isə Fransadandır.
Stefani Aoyama Qakuin Universitetinin hüquq fakültəsini bitirib. İngiliscə və yaponca danışa bilir.
Gənc yaşlarında oxumağa başlayıb və 13 yaşında ailəsi ilə Yaponiyaya köçüb. 14 yaşında öz ifalarını qeydə alaraq müxtəlif musiqi şirkətlərinə göndərib və Yaponiya musiqi prodüseri Joe Rinoiedən cavab alıb.[1] Rinoie onun ifasından təsirlənib və Stefani 19 yaşında SME Records ilə debüt edib. 49-cu Yaponiya Musiqi Mükafatında "Ən yaxşı yeni sənətkar" mükafatına layiq görülüb və daha sonra iki albom buraxıb.
Debüt sinqlı "Kimiga Iru Kagiri" və növbəti sinqlı 2Because of You" "Kiss Dum" animesinin bağlanış mahnıları olub. Beşinci sinqlı "Changin" "D.Gray-man" animesinin sonuncu bağlanış mahnısı seçilib. 2008-ci ilin əvvəlində "Friends" adlı sinqlı "Gundam 00" animesinin 2-ci bağlanış mahnısı olub. Mahnı Yaponiya Oricon çartlarında Top-10-luqda görünüb.
Film karyerasına 2009-cu ildə "Qürur" filmi ilə başlayıb. Film Yukari İçiconun şoco manqasına əsaslanır. Stefani filmdə protaqonist Şio Asamini canlandırır. Həmçinin filmin bağlanış mahnısını ifa edib. Bundan əlavə 2009-cu ildə "It's All Good" adlı qısametrajlı filmdə və 2014-cü ildə "Tokio qəbiləsi" adlı filmdə rol alıb.
2015-ci ilin fevralında Stefani erməni diasporundan olan müğənnilərdən ibarət "Genealogy" qrupunun üzvü olub. Qrup Ermənistanı 2015-ci il Avroviziya Mahnı Müsabiqəsində təmsil edib. Qrupda hər üzv bir qitəni təmsil edirdi, Stefani isə Asiya qitəsini təmsil edirdi. Bu münasibətlə Ermənistan prezidenti Serj Sarkisyan tərəfindən ona və digər üzvlərə 28 aprel 2015-ci ildə Ermənistan pasportları verilmişdir.[2]
Diskoqrafiya
redaktə| Başlıq | Albom detalları | Pik reytinqi | |||||||||
|---|---|---|---|---|---|---|---|---|---|---|---|
| YPN Oricon [3] | |||||||||||
| Stephanie (ステファニー?) |
|
25 | |||||||||
| Colors of My Voice |
|
102 | |||||||||
| Başlıq | İl | Pik reytinqi | Sertifikatlar | Albomlar | |
|---|---|---|---|---|---|
| YPN Oricon [3] |
YPN Hot 100 | ||||
| "Kimi ga Iru Kagiri" (君がいる限り?, "As Long as I Have You") | 2007 | 36 | — | Stephanie | |
| "Because of You" | 50 | — | |||
| "Winter Gold" | 80 | — | |||
| "Friends" (フレンズ, Furenzu?) | 2008 | 8 | 7 |
| |
| "Changin’" (Roma Tanaka ilə) | 50 | [5] | Colors of My Voice | ||
| "Pride (A Part of Me)" (SRM ilə) | 2009 | 82 | 63 | ||
| "Future" | 155 | — | |||
| "Towa ni" (永遠に?, "Forever") | 2012 | — | — | Yoxdu | |
| "Sakura Zaka" (桜坂?, "Cherry Blossom Hill") | — | — | |||
| "Precious Love" | — | — | |||
İstinadlar
redaktə- ↑ Shegrikyan, Zaven. "Exclusive interview with Stephanie Topalian!". ESC Bubble. March 24, 2015. 21 September 2020 tarixində arxivləşdirilib. İstifadə tarixi: 14 May 2015.
- ↑ Jiandani, Sanjay. "Eurovision Armenia: Genealogy meet the president of Armenia". Esctoday. 28 April 2015. 20 October 2020 tarixində arxivləşdirilib. İstifadə tarixi: 1 May 2015.
- ↑ 1 2 "ステファニーの作品" [LISA Products]. Oricon. May 11, 2019 tarixində arxivləşdirilib. İstifadə tarixi: May 11, 2019.
- ↑ "有料音楽配信認定 月次認定作品" (Japanese). RIAJ. July 20, 2017. 2017年6月. February 19, 2016 tarixində arxivləşdirilib. İstifadə tarixi: May 11, 2019.
- ↑ "Japan Billboard Hot 100". Billboard (Japanese). July 31, 2008. İstifadə tarixi: May 11, 2019.
Xarici keçidlər
redaktə- [web.archive.org/web/20190115081344/http://www.stephanietopalian.com/ stephanietopalian.com] — Rəsmi saytı arvivi