Stritbol

Basketbol 3x3-Basketbol 3x3 (stritbol) son zamanlar dünyada çox böyük məşhurluq qazanıb və şəhərlərdə ən geniş yayılan komanda idman növüdür.

Hər komanda üç oyunçudan və bir əvəzedicidən ibarətdir. Bu oyunu daha çox küçələrdə oynayırlar. Bu idman növü beynəlxalq arenaya ilk dəfə 2010-cu ildə Sinqapurda keçirilmiş Yeniyetmələrin Birinci Yay Olimpiya Oyunlarında çıxıb və daha sonra “şəhərdə bileti ən çox satılan oyun” adlandırılıb. Əvvəllər stritbol və ya küçə basketbolu adlandırılan Basketbol 3x3 basketbolun bütün dünyada inkişaf etməsi üçün katalizator rolunu oynayır.

Faktlar və rəqəmlər

• Qələbə qazanmaq üçün komanda 21 xal

toplamalı və ya 10 dəqiqəlik oyunun sonunda ən yüksək xal toplamış komanda olmalıdır.

• Dünyada təxminən 250 milyona yaxın adam

Basketbol 3x3 idmanı ilə məşğul olur.