Sultan Murad Bayandur

Əbül Müzəffər Sultan Murad (31 iyul 1490, Təbriz – 1518, Şanlıurfa) — Ağqoyunlu hökmdarı, Uzun Həsən və I Fərrux Yasarın nəvəsi, Sultan Yaqubun oğlu, Baysunqurun qardaşı.

Sultan Murad
Sultan Murad ibn Yaqub ibn Həsən سلطان مراد
Sultan Muradın hüzuruna I Şah İsmayılın göndərdiyi elçi Qənbər Ağa. Hazırladı Muin Müsəvvər, İsfahan, təq. 1670
Ağqoyunlu dövlətinin VIII Sultanı
1499 – 1508
Əvvəlki	Sultan Məhəmməd
Sonrakı	ləğv olunub
Şəxsi məlumatlar
Doğum tarixi	31 iyul 1490
Doğum yeri	Təbriz
Vəfat tarixi	1518
Vəfat yeri	Urfa
Atası	Sultan Yaqub
Anası	Gövhər sultan
Həyat yoldaşı	Bənti xatun
Uşaqları	Həsən bəy, Yaqub bəy

Sultan Murad dövrünə aid sikkə

Həyatı

31 iyul 1490-ci ildə Təbriz şəhərində dünyaya gəlmişdi. Həyatının ilk dövrləri Şirvanda gizlənərək keçmişdir.

Hakimiyyəti

Eybə Sultanın qardaşları tərəfindən 9 yaşında Şirvandan gətirilib taxta oturdulmuş, Sultan Məhəmmədin ordularını məğlub, torpaqlarını isə işğal edərək sonuncunu öldürtmüşdü. Daha sonra Əlvəndlə sülh müqaviləsi bağlamış, əllərində olan torpaqları, Qızılüzən çayı sərhəd olmaqla iki yerə bölüb idarə etməyə üstünlük vermişdilər. Belə ki, Ərəb İraqı, Əcəm iraqı, Fars və Kirman Muradın hakimiyyətində qaldı.

Hakimiyyətdən getməsi

21 iyun 1503-cü ildə Şah İsmayılla Sultan Murad, Həmədan yaxınlığında Alma Qulağı adlanan yerdə üz-üzə gəldi. Sayca üstün olmasına baxmayaraq Sultan Muradın qoşunu darmadağın edildi. Eybə Sultanın qardaşı əsir düşdü, özü isə qaçdı. Buna baxmayaraq o, hələ 5 il də Bağdad və ətrafında hakimiyyətini davam etdirdi. 1508-ci ildə Şah İsmayılın ordusundan qaçaraq Diyarbəkirə getdi.

Ölümü

1518-ci ildə Urfada vəfat edib.

Ailəsi

Əlaəddövlə Bozqurd bəy Zülqədərin qızı Bəyli xatunla evlənmişdi. Övladları:

• Yaqub bəy Bayandur
• Həsən bəy Bayandur

Xarici keçidlər

Sultan Murad Bayandur Bayandur tayfası Ağqoyunlu sülaləsi Doğum: 31 iyul 1490 Vəfat: 1518
Hakimiyyət titulları
Sələfləri  Məhəmməd mirzə	Ağqoyunlular dövləti(آق‌قویونلو‎) sultanı 1499-1508	Xələfləri  (Səfəvilər imperiyası) Şah İsmayıl