Suqino Yoşiko
Suqino Yoşiko (杉野 芳子?, 2 mart 1892, Çiba prefekturası – 24 iyul 1978) – Yaponiya dəb dizayneri. Doreme tikiş məktəbinin və Suqino Moda Kollecinin qurucusudur.
| Suqino Yoşiko | |
|---|---|
| yap. 杉野芳子 | |
 | |
| Doğum tarixi | 2 mart 1892 |
| Doğum yeri | |
| Vəfat tarixi | 24 iyul 1978 (86 yaşında) |
| Fəaliyyəti | dəb dizayneri |
 Vikianbarda əlaqəli mediafayllar | |
İlk illəri redaktə
2 may 1892-ci ildə Yaponiyanın Çiba prefekturasının Yokoşibahikari qəsəbəsində doğulmuşdur. Əsl adı İvasava Yoşikodur. Çiba Prefektural Qız Liseyində təhsil almış və Yaponiya Dəmir Yolu Nazirliyində işləmiş ilk qadın olmuşdur.[1] 1914-cü ildə təhsil almaq üçün Nyu-Yorka getmişdir.[2] Xaricdə təhsil alarkən 1916-cı ildə memar Suqino Şiqeiçi ilə evlənmişdir. Onlar 1920-ci ildə Yaponiyaya qayıtmış və Tokionun Akasaka bölgəsində yaşamağa başlamışdırlar.
Karyerası redaktə
Suqino 1926-cı ildə Doreme tikiş məktəbini qurmuşdur. Həmin dövrdə Qərb geyimləri xaricdən gətirilirdi, lakin Suqino yapon qadınlarına öz geyimlərini hazırlamağı öyrətməyə başlamışdır. 1932-ci ildə tikiş məktəbi əsasında Suqino məktəbini qurmuşdur. Şiqeiçi məktəbin müdiri olmuşdur. 1936-cı ilə qədər məktəbin 1200 tələbəsi olmuşdur.[3] Yoşiko tikiş təlimatları da yazmışdır.[4]
1943-cü ildə məktəbin adı Suqino Moda Kolleci olmuşdur, lakin 1945-ci ildə baş vermiş yanğın məktəbi külə çevirmişdir. 1946-cı ildə məktəb yenidən açılmışdır və 1700 qadın məktəb üçün müraciət etmişdir.[5] O, daha sonra məzunlarının filiallar açmasına icazə vermişdir. 1958-ci ildə artıq 700 filial mövcud idi.
İkinci dünya müharibəsindən sonra Suqino bir çox dəfə Fransaya səyahət etmişdir. O, "yüksək moda" dünyasına daxil olmuş, Jak Fat, Pyer Balmen və Kristion Dior şəxslərlə dostlaşmışdır.[2]
1957-ci ildə Suqino Kostyum Muzeyi açılmışdır. Bu, Yaponiyada Qərb geyimlərinə həsr olunmuş ilk muzey olmuşdur. Muzeyin kolleksiyası Suqinonun şəxsi paltar və aksessuar kolleksiyasından ibarətdir.[6] Suqino həmin il "Fəxri Legion" ordeni ilə təltif olunmuşdur.[7]
1965-ci ildə Suqino "Müqəddəs xəzinə" ordeni ilə mükafatlandırılmışdır. 1978-ci ildə "Dəyərli tac" ordeni ilə təltif olunmuşdur.[8] 24 iyul 1978-ci ildə ölmüşdür.
İstinadlar redaktə
- ↑ 日本経済新聞社・日経BP社. "杉野芳子 己の感性信じ、時代切り開く ヒロインは強し（木内昇）｜WOMAN SMART｜NIKKEI STYLE". NIKKEI STYLE (yapon). 2020-09-20 tarixində arxivləşdirilib. İstifadə tarixi: 2019-10-25.
- ↑ 1 2 HEADLINE, FASHION. "3月2日は杉野芳子（ファッションデザイナー）の誕生日です | FASHION". FASHION HEADLINE (yapon). 2019-10-25 tarixində arxivləşdirilib. İstifadə tarixi: 2019-10-25.
- ↑ Gordon, Andrew. Fabricating Consumers: The Sewing Machine in Modern Japan (ingilis). University of California Press. 2011. ISBN 9780520950313. 2022-03-21 tarixində arxivləşdirilib. İstifadə tarixi: 2021-09-19.
- ↑ Peirson-Smith, Anne; Hancock, Joseph H. II. Transglobal Fashion Narratives: Clothing Communication, Style Statements and Brand Storytelling (ingilis). Intellect Books. 2018-06-22. ISBN 9781783208456. 2022-03-31 tarixində arxivləşdirilib. İstifadə tarixi: 2021-09-19.
- ↑ Dower, John W. Embracing Defeat: Japan in the Wake of World War II (ingilis). W. W. Norton & Company. 2000-06-17. səh. 170. ISBN 9780393345247.
sugino yoshiko.
- ↑ Uranaka, Taiga. "Famed sculptor's mannequins wear evolution of Western haute fashion". The Japan Times Online (ingilis). 2002-06-15. ISSN 0447-5763. 2022-03-21 tarixində arxivləşdirilib. İstifadə tarixi: 2019-10-25.
- ↑ "杉野芳子". www6.plala.or.jp. 2008-01-13 tarixində arxivləşdirilib. İstifadə tarixi: 2019-10-25.
- ↑ 20世紀日本人名事典,367日誕生日大事典. "杉野 芳子(スギノ ヨシコ)とは". コトバンク (yapon). 2022-08-20 tarixində arxivləşdirilib. İstifadə tarixi: 2019-10-25.