Türkmənbaşı Təbiət Parkı

Türkmənbaşı Təbiət Parkı (türk. Türkmenbaşı Tabiat Parkı) ― Türkiyənin İstanbul ilinin Sarıyer ilçəsində yerləşən təbiət parkı.

Türkmənbaşı Təbiət Parkı
Sahəsi	6,3996 ha
Yaradılma tarixi	1998
Yerləşməsi
41°08′26″ şm. e. 29°01′39″ ş. u.
Ölkə	Türkiyə
Yerləşməsi	Sarıyer, İstanbul ili
turkmenbasi.tabiat.gov.tr
Türkmənbaşı Təbiət Parkı
Vikianbarda əlaqəli mediafayllar

Sarıyer ilçəsində, Böyükdərənin PTT Evləri məhəlləsindəki Hacı Osman Bayırı prospektinin qərbində yerləşən park 5,6 hektarlıq ərazini əhatə edir. Təbiət parkı 1998-ci ildə Türkiyə və Türkmənistanın paylaşdığı mədəni dəyərlərə hörmət məqsədilə yaradılmışdır. 7 may 1998-ci ildə 5.60 ha-lıq sahəsi ilə təbiət parkı adını almışdır. Park Türkmənistan prezidenti Saparmurat Niyazovun (1940–2006) şərəfinə "Türkmənbaşı" (hərfi mənası: Türkmənlərin başçısı) adlandırılmışdır.

Təbiət parkı gündəlik ziyarətçilər üçün gəzinti və piknik kimi açıq hava istirahət fəaliyyətlərini təklif edir. Ərazidə uşaqlar üçün oyun meydançası mövcuddur.

Türkmənistan ilə Türkiyə arasında ortaq mədəniyyətlərin paylaşıldığı bir sahə olaraq qəbul edilən təbiət parkıdır.

Ekosistem

Flora

Təbiət parkının ümumi bitkisi şamdır. Digər əhəmiyyətli bitkilərə qayalıq palıdı (lat. Quercus petraea), Carpinus betulus, Şərq çinarı (lat. Platanus orientalis), adi küknar (lat. Picea abies), həmişəyaşıl sərv (lat. Cupressus sempervirens), cənub dağdağanı (lat. Celtis australis), alman əzgili (lat. Mespilus germanica), nəhəng tuya (lat. Thuja plicata) ensizyarpaq lavanda (lat. Lavandula spica), adi zirinc (lat. Berberis vulgaris), Abelia x grandiflora, Tobira pittosporumu, Laurocerasus officinalis, Çin fotiniyası (lat. Photinia serratifolia), çiyələk ağacı (lat. Arbutus unedo), Aucuba japonica və yapon ofiopoqonu (lat. Ophiopogon japonicus) daxildir.

Fauna

Təbiət parkının əsas faunası quş növlərindən ibarətdir. Müşahidə olunan quş növləri sərçə, dolaşa, ağacdələndir.

Ünvan

Hacıosman-Baxçaköy-Kilyos yolunun kəsişməsində, Maslak-Sarıyer yolunun Hacıosman ərazisində yerləşir. Yeniyapı-Hacıosman metrosu ilə Hacıosman metro stansiyasından enərək və ya Sarıyer, Tarabya və Baxçaköy istiqamətinə gedən avtobus və mikroavtobuslardan istifadə edərək Hacıosman dayanacağında enərək bölgəyə çata bilərsiniz.