Təhminə (film)

*Təhminə*
Təhminə
	Fayl:Təhminə (1993).JPG
Janr	Melodram
Rejissor	Rasim Ocaqov
Prodüser	Rəsul Quliyev;
Əsərin müəllifi	Anar — Beşmərtəbəli evin altıncı mərtəbəsi
Ssenari müəllifi	Anar
Baş rollarda	Meral Konrat — Təhminə; Fəxrəddin Manafov — Zaur; Zərnigar Ağakişiyeva — Zivər; Həsən Məmmədov — Professor Zeynallı; Larisa Xələfova — Mədinə
Operator	Kənan Məmmədov
Bəstəkar	Emin Sabitoğlu
Rəssam	Rafiz İsmayılov
İstehsalçı	"Ocaq" Müstəqil Studiyası
İlk baxış tarixi	1993
Filmin digər adları	Təhminə və Zaur
Filmin növü	tammetrajlı bədii film
Müddət	107,5 dəq.
Ölkə	Azərbaycan
Dil	azərbaycanca
İl	1993
Texniki məlumatlar	12 hissə; 3074 metr; 35 mm
Rəng	rəngli
Çəkiliş yeri	Bakı; Sankt-Peterburq, Rusiya; İstanbul, Türkiyə
IMDb	ID1266112

Təhminə — 1993-cü ildə istehsal olunmuş Azərbaycan filmi.

Məzmunu

Xəbərdarlıq: Yazının davamı əsərin məzmunu haqqında məlumat ehtiva edir.

Filmdə əsərin baş qəhramanları olan Zaur (Fəxrəddin Manafov) və Təhminənin (Meral Konrat) melodram həyatından bəhs edir. Onları mühafizəkar cəmiyyətlə qarşı-qarşıya gətirir. Tanınmış professor Zeynallının (Həsən Məmmədov) oğlu atası və anası olmayan Təhminəyə aşiq olur. Zaurun anası Zivər xanım (Zərnigar Ağakişiyeva) və atası buna qarşı çıxır. Sonsuzluq və aralarındakı soyuqluq səbəbiylə Arifdən boşanan Təhminə Zaurla birlikdə yaşamağa başlayır. Bundan sonra hər gün Zivər xanım telefonla zəng edərək Təhminəni təhqir edir. Çox gözəl olduğundan işlədiyi yerdə bütün kişilərin diqqətini özünə çəkən Təhminə Zaurun qısqanclığına səbəb olur

Bir müddət sonra Təhminəni iş yerindən Moskvaya peşəkar təyinatla göndərirlər. Zaur Təhminəni o qədər çox sevir ki, onun ardınca Moskvaya gedir.

Zaurun ailəsi onun Təhminə ilə romantik münasibətini pisləyir və Zauru ailə dostunun 19 yaşlı qızı Firəngiz (Laura Rzayeva) ilə əvvəlcədən razılaşdırılmış evliliyə məcbur etməyə çalışır. Sosial təzyiqlər və Zaurun anası (Zərnigar Ağakişiyeva) tərəfindən Təhminəyə davamlı zənglər sonda onların münasibətlərində problemlər yaradır və onların ayrılmasına səbəb olur.

Valideynlərinin məsləhətini dinləyən Zaur Firəngizlə ailə qurur. Təhminə isə ürəyinin ağrısını sakitləşdirmək üçün tənhalıqda spirtli içkilərə qurşanır. Bu vərdişinə görə Təhminə qaraciyərində problemlər yaşayır və sonda Zaur və Firəngizin İstanbulda keçirdiyi bal ayı zamanı sirrozdan dünyasını dəyişir.

Xəbərdarlığın sonu.

Festivallar və mükafatlar

1)1993-cü ildə Bakıda Azərbaycan filmlərinin II festival-müsabiqəsi

Quruluşçu rejissor Rasim Ocaqov ən yaxşı rejissor işinə görə Priz almışdır.
Aktrisa Zərnigar Ağakişiyevaya ən yaxşı qadın roluna görə Priz verilmişdir.

Film haqqında

Fəxrəddin Manafovun fanatları ilə görüşündə filmin təqdimatı, 2 avqust 2017-ci il

Film yazıçı Anarın "Beşmərtəbəli evin altıncı mərtəbəsi" romanı əsasında ekranlaşdırılmışdır.
Filmdə Təhminə Azərbaycan televiziyası üçün sabahkı proqramı oxuyanda deyir: "Park" bədii filminə baxa bilərsiniz. "Park" filminin rejissoru Rasim Ocaqov, baş rolun ifaçısı isə Fəxrəddin Manafovdur.