Tərxinabad
Tərxinabad (fars. ترخینآباد, azərb. Təxnava,تَخناوا) - İranın Həmədan ostanının Əsədabad şəhristanının Mərkəzi bəxşinin ərazisinə daxil olan kənd.
Tərxinabad | |
---|---|
fars. ترخینآباد | |
34°48′55″ şm. e. 48°07′21″ ş. u. | |
Ölkə | İran |
Region | Həmədan ostanı |
Rayon | Əsədabad şəhristanı |
Əhalisi | |
Əhalisi | 420 nəfər (2016) |
Milli tərkibi | Azərbaycan türkləri |
Dini tərkibi | Şiə müsəlmanlar |
Coğrafiya redaktə
Tərxinabad kəndi Əsədabaddan 3 kilometr şimal-şərqdə, Almabulaq (Almaqulaq) dağının yamacında yerləşir. Bu kəndin dağlıq bölgədə yerləşimindən asılı olaraq, gözəl yaylaqlar və sulu bulaqlar malikdir. Tərxinabad yaxınlığında Böyükgöl adlı bir gölcük yerləşir.[1]
Bulaqlar redaktə
Şallıbulaq, Suludərə, Hacı Qələndər, Böyükgöl, Almabulaq, Mənsur bulağı (indi quruyub), Soyuq Kəhriz.
Kəndin memarlığı redaktə
Tərxinabad memarlığı başqa dağlıq bölgələrdə yerləşən yaşayış yerlərinə bənzəyir, belə ki aşağıda yerləşən evin damı yuxarıdakı evin həyəti sayılır. Kənd evləri Tərxinabad çökəkliyinin şimalında və qibləyə sarı tikiliblər, bu isə dağlıq bölgələrin kəndlərində ən uyğun və yayğın memarlıq növüdür. Evlərin həyətində mətbəx, təndir, ağıl və anbarlar yerləşərək, damlarda isə baca var. Yaşayış otaqlar ümumiyyətlə balaca qapılarla birləşdirilən ikinci mərtəbədə yerləşir və qışda tez istilənmək üçün adətən kəndir adlanan, ortasında soba olan otaqlardan biri də təndir və mətbəxdir.[1]
Əhalisi redaktə
2016-cı ilin məlumatına görə kənddə 420 nəfər[2] yaşayır (128 ailə).
Milli tərkibi redaktə
Əhalisi bütünlükdə Azərbaycan türklərindən ibarətdir və Azərbaycan türkcəsində danışırlar.[3]
İqtisadiyyat redaktə
Kənlilərin gəliri əsasən bağçılıqdandır. qoz, gavalı, üzüm və alma burada yetişdirilən ən önəmli məhsullardır.[3]
Turizm redaktə
Tərxinabad kəndində Tərlan eko-turizm iqamətgahı yerləşir. İqamətgahda habelə Umac aşı, Qazayağı aşı, Kəşki-badımcan və Abguşt kimi yerli yeməklər buraya gələn turistlərə təqdim edilir.[4]
İstinadlar redaktə
- ↑ 1 2 "Seeiran". 2021-02-06 tarixində arxivləşdirilib. İstifadə tarixi: 2021-01-22.
- ↑ "Kənd əhalisi". 2022-07-09 tarixində arxivləşdirilib. İstifadə tarixi: 2021-01-11.
- ↑ 1 2 iribnews.ir[ölü keçid]
- ↑ "Tərlan eko-turizm iqamətgahı ilə tanışlıq". 2021-01-29 tarixində arxivləşdirilib. İstifadə tarixi: 2021-01-22.