Təzəgül Hidayət

(Təzəgül Məmmədova səhifəsindən istiqamətləndirilmişdir)

Təzəgül Hidayət qızı Məmmədova (d. 26 avqust 1970, Naxçıvan, Naxçıvan MSSR, Azərbaycan SSR) — Azərbaycan teatrkino aktrisası, müğənni, Azərbaycan Respublikasının Əməkdar Artisti (7 noyabr 2002).

Təzəgül Hidayət
azərb. Təzəgül Hidayət qızı Məmmədova
Təzəgül Hidayət.jpg
Digər adı Təzəgül Məmmədova
Doğum tarixi (50 yaş)
Doğum yeri Naxçıvan, Naxçıvan MSSR, Azərbaycan SSR
Vətəndaşlığı
Fəaliyyəti Aktrisa, müğənni
Mükafatları "Azərbaycan Respublikasının əməkdar artisti" fəxri adı — 2002
IMDb ID 1981118

HəyatıRedaktə

Təzəgül Hidayət 26 avqust 1970-ci ildə Naxçıvan şəhərində müəllim ailəsində anadan olmuşdur. Hələ uşaq yaşlarında 1982-ci ildə Azərbaycan Respublikası üzrə keçirilən mahnı müsabiqəsində Naxçıvan Muxtar Respublikası və daha sonra Azərbaycan Respublikası üzrə qalib olmuşdur. Orta təhsilini, rəssamlıq və musiqi məktəbini Naxçıvan və Şəmkir şəhərində bitirmişdir. Binəli Mamukaşvilinin rəqs ansamblında rəqs dərsləri almışdır. Daha sonra o vaxtlar fəaliyyət gösdərən "Şəmkir Muğam Teatrının", "Ocaq Folklor Ansamblının" və "Xalq Çalğı Alətləri Ansamblının" solisti olmuşdur. Bununla yanaşı 1991-cı ildə Azərbaycan Dövlət Mədəniyyət və İncəsənət Universitetinə daxil olmuşdur. Və həmçinin universitetin nəznində fəaliyyət gösdərən rəqs ansamblınında solisti olmuşdur. 1992-ci ildən Universitet ilə bərabər, Bakı Bələdiyyə Teatrında, (2006-2009-cu ildə Gənc Tamaşaçılar Teatrında) aktrisa vəzifəsində işləmişdir. Gənclik rəqs ansamblında fəaliyyət göstərmişdir. Bir çox film və tamaşalarda rol almışdır.

Bu dövrlər ərzində, Qarabağ müharibəsi zamanı Bakı Bələdiyyə Teatrı kollektivi ilə birlikdə, Murov dağda, Batabatda, Sədərəkdə, Füzulidə, Tovuzda, Qazaxda və s. döyüş bölgələrində əsgərlər qarşısında, mahnı və səhnəciklərlə çıxış etmiş, dəfələrlə yaralı əsgərlərimizə qan vermişdir.

7 noyabr 2002-ci ildə Azərbaycan Respublikasının Prezidenti Heydər Əliyev tərəfindən Azərbaycan Respublikasının Əməkdar Artisti Fəxri Adına layiq görülmüşdür.

Bakı Bələdiyyə TeatrıAzərbaycan Mədəniyyət Fondunun aktrisasıdır.

Hazırda Azad Azərbaycan (Atv) kanalında yayımlanan "Leyli və Məcnun" tele-serialında Gülya rolunu və ARB kanalında yayımlanan "Məhəbbətə Məğlub" tele-serialında Məhəbbət rolunu canlandırmaqdadır.

FilmoqrafiyaRedaktə

  1. Məleykə günü (iran film, 1993)
  2. Salur Qazanın evi talandığı boy (film, 2001)
  3. Dronqo (teleserial, 2002)
  4. Məkanın melodiyası (film, 2004)
  5. Lal çinar (film, 2005)
  6. İstanbul reysi (film, 2010)
  7. Qisas (serial)
  8. Durnalar qayıdanda (serial)
  9. Avrupa yakası (serial)
  10. Zoraki başkan (serial)
  11. Toy 2 (film, 2015)
  12. Həyat sən nə qəribəsən (serial)
  13. Vicdan haqqı (teleserial, 2016) - Afaq
  14. Məhəbbətə məğlub (teleserial, 2019) - Məhəbbət
  15. Leyli və Məcnun (teleserial, 2019) - Gülya
  16. Hər qaranlığı işıq qovar (qısametrajlı bədii film, 2019) - Müəllimə
  17. İmtahan (teleserial, 2020) - Həkim
  18. Onun qəribə taleyi - Amaliya Pənahova (sənədli film, 2021) - Amaliyanın anası

Rol aldığı tamaşalarRedaktə

  1. Ölülər (Cəlil Məmmədquluzadə)
  2. Nadir Şah (Nəriman Nərimanov)
  3. Dönüş (Cəfər Cabbarlı)
  4. Dəli Domrul (Altay Yusifoğlu)
  5. Elektra (Sofokl)
  6. Damokl qılıncı (Nazim Hikmət)
  7. Müsyö Jordan və Dərviş Məstəli Şah (Mirzə Fətəli Axundov)
  8. Unutqanlıq qorxunc bəladır (Abdulla Qurbani)
  9. Yağışdan çıxdıq yağmura düşdük; Daldan atılan daş topuğa dəyər (Nəcəf bəy Vəzirov)
  10. Vətənə igidlər gərəkdir (Rauf İçərişəhərli)
  11. Tık-Tık xanım (Abdulla Şaiq)
  12. Çimnaz xanım yuxudadır (Süleyman Rüstəm)
  13. Xəyanətin Müsibəti
  14. İncəbel qarı
  15. Nağıl
  16. Әlibaba və qırx quldur (Min bir gecə nağılları)
  17. Nənənin kələyi
  18. Tomris
  19. Qaraca qız (Süleyman Sani Axundov)
  20. Әləddinin sehrli çırağı (Min bir gecə nağılları)