Türkiyə Radio Televiziya Qurumu (TRT) — Türkiyənin ictimai televiziyası. 1 may 1964-cü ildə qəbul edilmiş qanuna əsasən yaradılmışdır. 1990-cı illərin əvvəllərində ilk özəl televiziya və radio kanalı yayına başlayana qədər Türkiyədə yeganə radio-televiziya telradiokanal olmuşdur.
Hazırda TRT 10 müxtəlif televiziya kanalı ilə 24 saat yayımlanır. Radio yayımı 12 radio kanalı vasitəsilə həyata keçirilir və 31 dildə bütün dünyaya yayılır.
TRT Türkiyədə mövcud olan televiziya kanalları arasında ən çox xəbərlər və xəbər proqramları yayımlayan televiziyadır. TRT-də orta hesabla gündəlik 11 saat xəbər və xəbər proqramları yayımlanır. Bundan başqa kanal istehsal etdiyi teleseriallar, bədii və sənədli filmləri ilə dünyada bu sahədə ixtisaslaşmış ən məşhur televiziya kanalları arasında yer alır.
TRT-nin xüsusi günləriRedaktə
- 1 may 1964 - 359 saylı qanunun qüvvəyə minməsi ilə TRT yaradıldı və radio kanalları TRT-nin tərkibinə qatıldı.
- 31 yanvar 1968 - TRT Ankara Televiziyası sınaq verilişlərinə başladı.
- 9 sentyabr 1974 - Türkiyə radioları TRT-1 adı ilə 24 saat yayıma başladı.
- 17 aprel 1979 - TRT ilk dəfə "23 Aprel Beynəlxalq Uşaq Festivalı"nı keçirməyə başladı və 27 Avropa kanalında bu festivalın birbaşa yayımlanmasına nail oldu.
- 6 oktyabr 1986 - TRT-2 televiziya kanalı yayıma başladı.
- 2 oktyabr 1989 - TRT-3 və TRT-QAP televiziya kanalları yayıma başladı.
- 28 fevral 1990 - TRT-nin ilk beynəlxalq kanalı olan TRT-INT Avropaya yayımlanmağa başladı.
- 30 iyul 1990 - Təlim televiziya kanalı TRT-4 İzmirdən yayımlara başladı.
- 3 dekabr 1990 - TRT "Telegün" adı ilə teleteks sınaq xidmətinə başladı.
- 27 aprel 1992 - TRT Avrasiya Kanalı türkdilli dövlətlərə yayımlanmağa başladı.
- 14 noyabr 1998 - Berlində TRT-nin ilk rəsmî bürosu açıldı.
- 5 yanvar 1999 - Digital Yayım Texnologiyaları Mərkəzi (SAYTƏK) quruldu.
- 1 may 1999 - TRT-nin internet səhifəsi istifadəyə verildi.
- 15 iyul 1999 - TRT-FM və Türkiyənin Səsi radiosu öz yayım əhatəsini Avstraliyaya qədər genişləndirdi.
- 25 iyul 1999 - TRT-INT kanalı öz yayım əhatəsini Avstıraliya qitəsinə və Yeni Zelandiyaya qədər genişləndirdi.
- 20 sentyabr 1999 - Türkmənistanda TRT-nin Aşqabad bürosu açıldı.
- 6 dekabr 1999 - türk musiqisini təbliğ edən Radio-4 fəaliyyətə başladı.
- 7 iyul 2000 - TRT-INT, Türkiyənin Səsi radiosu (TSR) və TRT-FM (Radio 2) ABŞ və Kanadada yayımlanmağa başladı.
- 31 yanvar 2001 - TRT TV kanalları, yeni qurum kimliyi və yeni loqolarla yeniləndi.
- 2 iyun 2001 - TRT-nin Azərbaycan-Bakı bürosu xidmətə verildi.
- 16 iyun 2001 - TRT-nin Misir-Qahirə bürosu xidmətə verildi.
- 1 iyun 2002 - TRT Cənubi Korea və Yaponiyanın Seul və Tokiyoda birgə təşkil etdiği, Türk Yığma Futbol Komandasının isə dünya 3-cüsü olduğu Dünya Futbol Çempionatını tamaşaçılara birbaşa çatdırdı.
- 25 iyun 2002 - TRT-nin 5-ci ölkə xarici bürosu Belçika, Brüsseldə xidmətə verildi.
- 2 iyul 2002 -TRT Turizm Radiosu, 24 saat fasiləsiz veriliş aparmağa başladı. Antalyanın Lara qəsəbəsindəki studiyalarından yayım aparan radio, ingilis, fransız, alman, rus və yunan dillərində efirə çıxır.
- 8 avqust 2002 - TRT-nin 6-cı ölkə xarici bürosu ABŞ, Vaşinqtonda açıldı.
- 24 may 2003 - TRT, ölkəmiz adına iştirak etdiği 48-ci Avrovizion Mahnı Müsabiqəsində, Sərtap Ərənərin ifa etdiyi "Every Way that I can" mahnısı ilə uğur qazandı.
- 20 yanvar 2004 - Türksat 1C peykindən, TRT-1,TRT-2, TRT-3, TRT-4 və TRT-INT televiziya və radio verilişlərindən ibarət digital yayım başlandı.
- 12 may 2004 - 49-cu Avrovizion Mahnı Müsabiqəsi, İstanbulda ölkəmiz və qurumumuzun ev yiyəliyində ilk dəfə iki mərhələli olaraq keçirildi və 36 ölkədən canlı tamaşa edildi.
- 3 noyabr 2004 - TRT internet səhifəsi (trt.net.tr) yeni dizaynı və gücləndirilmiş bünövrəsilə yenilənmiş olaraq xidmətə verildi. Həmin çərçivədə möhdəvası zənginləşdirilmiş, bütün axtarış sistemlərində təqib ediləbilən, sürətli və izahlı, televiziya, radio proqramlarının tanış edildiği bir səhifə halına gətirildi.
- 14 dekabr 2004 - TRT-TÜRK TV və TSR-Türkcə Radio verilişimiz, Türksat 1C peykinin Türkiyə-Mərkəzi Asiya əhatəli şərq cəhətindən digital olaraq yayılmağa başlandı.
- 24 iyun 2005 - TRT-nin 7-ci ölkə xarici bürosu Özbəkistan-Daşkənd xidmətə verildi.
- 10 avqust 2005 - Beynəlxalq İzmir Universiadə Olimpiada Müsabiqələri, ölkə daxilinə və xaricə uğurla çatdırıldı.
- 1 noyabr 2005 - TRT-(ABU) Asiya-Pasifiq Yayım Birliyi, Asıavısıon sazişi bağlandı.
- 22 iyun2006 - Buena Vista Beynalxalq Televiziya ilə bağlanan saziş çərçivəsində, Walt Disney-ə aid cizgi film, cizgi kinofilm və kinofilmlərin Türkiyədəki hüquqlarını TRT 4 il müddətlə satın aldı.
- 16 mart 2007 - 2010-2014 Dünya Kubokları ilə FİFA-nın müxtəlif çempionatlarının (Konfederasiya Kuboku kimi) yayım hüquqlarını TRT öhdəsinə götürdü.
- 13-20 aprel 2008 - 44-cü Beynəlxalq Cümhurrəisliyi Velosiped Turunun Türkiyədəki yayım hüquqlarını TRT satın aldı.
- 21 mart 2009 - TRT-nin Balkanlar, Qafqaz və Orta Asiya da verilişləri yayımlanacaq yeni kanalı Avaz, fəaliyyətə başlayıb.