Tahir İsayev
Tahir İsrafil oğlu İsayev (28 aprel 1922, Birinci Şıxlı, Qazax qəzası – 2001, Birinci Şıxlı, Qazax rayonu) — İkinci Dünya müharibəsi iştirakçısı[1], İtaliya Xalq Müqavimət Hərəkatının iştirakçısı, İtaliya Qəhrəmanı (1968).
| Tahir İsayev | |
|---|---|
 | |
| Doğum tarixi | |
| Doğum yeri | Şıxlı, Qazax rayonu |
| Vəfat tarixi | |
| Vəfat yeri | |
| Dəfn yeri | |
Həyatı
redaktəTahir İsayev Qazax rayonunun Şıxlı kəndində 28 aprel 1922-ci ildə anadan olmuşdur. Müharibə cəbhəsində Mozdokun ətrafındakı ağır döyüşlərdə yaralanaraq əsir düşmüş (1942) və Avstriyadakı əsir düşərgəsindən böyük əziyyətlərlə İtaliyaya keçərək Berqamo şəhəri yaxınlığında partizan dəstəsinə daxil olmuşdu.
Döyüş yoldaşları "Serafino" adını ona atasının adına (İsrafil İsayev) uyğun olaraq vermişdilər. O, "Fiamma Verdi" beynəlmiləl briqadasında italyanlar, fransızlar, ingilislər və ruslarla çiyin-çiyinə vuruşmuşdur. Həmyerlimiz, leytenant Serafino 1945-ci ilin 25 aprelində Milan şəhərinin faşistlərdən təmizlənməsi üsyanında qəhrəmanlıq göstərmişdir. O, Mehdi Hüseynzadə, Mirdamət Seyidov kimi Adriatik dənizi sahillərində qəhrəmanlıq, yenilməz şücaət nümayiş etdirmişdir. O, İtaliyanın ən yüksək qəhrəmanlıq rəmzləri olan "Qaribaldi ulduzu", "Antonio Qramşi", "Banderi Kalori" ordenləri, ümumən 36 orden və medal, o cümlədən İtaliyanın 12 dövlət mükafatı ilə təltif olunmuşdur. 1945-ci ildən Milan şəhərinin fəxri vətəndaşıdır. Tahir İsayev alman və italyan dillərini bilirdi.
1974-cü ildə çəkilən "Onun adı Serafino idi" filmi Tahir İsayevdən bəhs edir.
T. İsayev 2001-ci ildə vəfat etmiş və doğulduğu kənddə dəfn olunmuşdur.
Ev-muzeyi
redaktə2001-ci ildə öldükdən sonra Tahir İsayevin Şıxlı kəndində yaşadığı ev muzeyə çevrilmişdir. Bir müddət onun həyat yoldaşı Cəvahir İsayeva ona məxsus şəxsi əşyalarına qulluq etsə də, o da öldükdən sonra ev baxımsız və qəzalı vəziyyətə düşmüşdür.[2][3] Tahir İsayevə aid orden və medallar Qazax Tarix-Diyarşünaslıq Muzeyində qorunur.[2]
İstinadlar
redaktə- ↑ "Tahir İsayev (1922–2001)". 2019-12-12 tarixində arxivləşdirilib. İstifadə tarixi: 2013-08-23.
- ↑ 1 2 "İtaliyanın Milli Qəhrəmanı Tahir İsayevin ev-muzeyi baxımsız vəziyyətdədir". Oxu.az. 30 avqust 2024. 30 avqust 2024 tarixində arxivləşdirilib. İstifadə tarixi: 30 avqust 2024.
- ↑ Xəzər TV. "Əfsanəvi "Serafino" ləqəbli həmyerlimizin ev-muzeyi qəzalı vəziyyətdədir" (az.). Youtube.com. 23.06.2024. 2024-06-23 tarixində arxivləşdirilib. İstifadə tarixi: 2024-06-23.