Tahir Məmmədov (rəssam)
Tahir Hidayət oğlu Məmmədov (1 mart 1946, Bakı) — Azərbaycan rəssamı və fotoqrafı, Azərbaycan Dövlət Rəssamlıq Akademiyasının dosenti, Azərbaycan Respublikasının əməkdar rəssamı (2002).
| Tahir Məmmədov | |
|---|---|
| Tahir Hidayət oğlu Məmmədov | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Fəaliyyəti | rəssam, fotoqraf |
| Təhsili |
Azərbaycan Dövlət Rəssamlıq Məktəbi; Azərbaycan Dövlət İncəsənət İnstitutu |
| Mükafatları |
    |
Həyatı
redaktəTahir Məmmədov 1 mart 1946-cı ildə anadan olmuşdur. O, 1967-ci ildə Əzim Əzimzadə adına Azərbaycan Dövlət Rəssamlıq Məktəbini, 1976-cı ildə isə Mirzəağa Əliyev adına Azərbaycan Dövlət İncəsənət İnstitutunu bitirmişdir. 1979-cu ildən Azərbaycan Rəssamlar İttifaqının üzvüdür.[1]
Yaradıcılığı
redaktəTahir Məmmədovun ilk fərdi sərgisi 1981-ci ildə Moskva şəhərində "Yunost" jurnalının təşkilatçılığı ilə keçirilib. Onun 1992-ci ildə Parisdə "Cite İnternationale Dez Arts" sərgisində fərdi yaradıcılıq sərgisi açılıb.[2] Bundan əlavə, Tahir Məmmədovun 1991-ci ildə ABŞ-də, 1992, 2003 və 2011-ci ildə Parisdə, 2005-ci ildə Belçikada, 2010, 2012, 2013-cü ildə Moskvada fərdi sərgiləri keçirilmişdir.[3] O, həmçinin, "Ənənəvilik və müasirlik" adlı I və II beynəlxalq foto müsabiqələrində birinci yerə çıxmışdır.[4]
Tahir Məmmədov Azərbaycanda ilk bədii fotoqrafiya haqqında kitabın müəllifidir.[3] Onun əsərləri Moskvada Tretyakov qalereyasında, "Şərq Xalqları" muzeyində, Bədii Sərgilər Direktorluğunun Fondunda, Parisdə "Edmon Rozenfeld" qalereyasında, "ARTS Turnelle" sərgi salonunda, ABŞ, Almaniya, Yaponiya və Türkiyədə şəxsi kolleksiyalarda saxlanılır.[1][2]
Mükafatları
redaktə- "Azərbaycan Respublikasının əməkdar rəssamı" fəxri adı — 30 may 2002[5]
- 3-cü dərəcəli "Əmək" ordeni — 16 oktyabr 2021[6]
- "Humay" milli mükafatı — 2004
- "Soltan Məhəmməd" mükafatı — 2001
- SSRİ Rəssamlıq Akademiyasının diplomu — 1992
İstinadlar
redaktə- ↑ 1 2 "Moskvada Azərbaycanın Əməkdar Rəssamı Tahir Məmmədovun fərdi sərgisi açılacaqdır". AZƏRTAC — Azərbaycan Dövlət İnformasiya Agentliyi. 2019-11-13 tarixində arxivləşdirilib. İstifadə tarixi: 6 mart 2019.
- ↑ 1 2 "Moskvada Tahir Məmmədovun fərdi sərgisi". Mədəniyyət qəzeti. 2019-11-04 tarixində arxivləşdirilib. İstifadə tarixi: 6 mart 2019.
- ↑ 1 2 "Tahir Məmmədovun "Ədən bağı"". Nargis jurnalı. 2019-11-04 tarixində arxivləşdirilib. İstifadə tarixi: 6 mart 2019.
- ↑ "Tahir Məmmədovun yaradıcılıq sərgisi". Həftə içi qəzeti. İstifadə tarixi: 6 mart 2019.[ölü keçid]
- ↑ "Təsviri sənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Fərmanı". e-qanun.az. 2016-03-05 tarixində arxivləşdirilib. İstifadə tarixi: 6 mart 2019.
- ↑ "Azərbaycan Respublikasının mədəniyyət xadimlərinin təltif edilməsi haqqında Azərbaycan Respublikası Prezidentinin Sərəncamı". president.az. 16 oktyabr 2021. Archived from the original on 2021-12-07. İstifadə tarixi: 19 oktyabr 2021.