Tamerlan Mahmudov

Tamerlan Fuad oğlu Mahmudov (21 mart 1995; Bakı, Azərbaycan – 18 oktyabr 2020; Füzuli rayonu, Azərbaycan) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Tamerlan Mahmudov
Şəxsi məlumatlar
Doğum tarixi	21 mart 1995
Doğum yeri	Bakı, Azərbaycan
Vəfat tarixi	18 oktyabr 2020 (25 yaşında)
Vəfat yeri	Füzuli rayonu, Azərbaycan
Dəfn yeri	Suraxanı rayonu, Azərbaycan
Vətəndaşlığı	Azərbaycan
Atası	Fuad Mahmudov
Anası	Elmira Mahmudova
Təhsili	Azərbaycan Milli Konservatoriyası nəzdində Musiqi Kolleci
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2013–2014; 2020
Rütbəsi	Əsgər
Döyüşlər	İkinci Qarabağ müharibəsi  • Füzulinin azad edilməsi
Təltifləri

Həyatı

Tamerlan, 1995-ci il martın 21-də Bakı şəhərində anadan olmuşdur. Bir bacısı var. 1998-ci ildə anasıyla birlikdə Sankt-Peterburq şəhərinə gedir. Bir müddət anası ilə burada yaşayır. Lakin səhhəti ilə bağlı orada çox qala bilmir. Və Bakıya sevimli nənəsinin və onu sevən xalalarının yanına yaşamağa gəlir. Buna baxmayaraq O, bayramlarda və tətillərdə anasıylada tez-tez görüşür.2002-2006-cı illərdə 107 saylı orta məktəbdə, daha sonra isə Milli qəhrəman Məzahir Rüstəmovun adını daşıyan 32 saylı orta məktəbdə təhsil almışdır. Uşaq yaşlarından öz qeyri-adi istedadı, musiqiyə olan marağı ilə öz yaşıdlarından seçilirdi. Elə bu marağa görədə o təhsilini 2006-cı ildə Mərdəkan qəsəbəsində yerləşən 2 nömrəli İnternat məktəbində davam etdirməyi qərara alır. Çünki Tamerlanın seçdiyi musiqi aləti olan "Tuba ifaçilığı" məhz bu internat məktəbində tədris edilirdi. O, burada 5 il təhsil alır və 2011-ci ildə müəllimi Rafael Bağıroviç Əzimovun köməkliyi ilə Dövlət Sərhəd Xidmətinin nümunəvi hərbi orkestrinə musiqiçi kimi işə qəbul olunur. Burada 2 il dirijor və müəllimi Rzayev Əlibalanın rəhbərliyi altında müxtəlif konsert və tədbirlərdə çıxışlar edir.

2013-cü ildə vətənə xidmət borcunu ödəmək üçün yola düşür. Goranboy, Murovdağ kimi yerlərdə xidmət göstərir. Murovdağda N saylı hərbi hissədə atıcı və manqa komandiri kimi xidmətini başa vurur. 2014- cu ildən fəaliyyətinə qaldığı yerdən davam edir. Bir çox konsertlərdə, səhnələrdə öz dostları ilə yaratdığı kiçik musiqi qrupları ilə çıxışlar edir. Ünsiyyətcil və mehriban olması ona onu çox sevən və daima dəstəkləyən çoxlu dostlar qazandırmışdı. Onun musiqiyə olan həvəsi, istedadı imkan verirki o, simli alətlərdə də özünü sınasın. Bu onda çox yaxşı alınırdı. O, eyni zamanda gitarada da ifa etməyə başlayır. Bununla yanaşı, DSX-nin hərbi orkestrində 2018-ci ilədək çalışır. Oradan ayrıldıqdan sonra isə 2018-ci ildən isə Dövlət Nəfəs Alətləri Orkestrində işə düzəlir.

Olduqca mükəmməl musiqi bacarığına malik olan bu gənc musiqiçi "orkestr alətləri" şöbəsində nadir alət olan "tuba ifaçısı" kimi ölkəmizi yerli və xarici səhnələrdə təmsil edir. Peşəkar fəaliyyətində əldə etdiyi nailiyyətlərinə, uğurlu və fəal iştiraklarına görə respublika, eləcə də müxtəlif səviyyəli beynəlxalq müsabiqələrdə diplomlara layiq görülür. Tamerlan ailə üzvləri arasında ən çox nənəsini istəyir və onun sözünə hər zaman diqqət edirdi. Nənəsinə həmişə "ürəyim sənə qurban!" deyərdi. Elə sevimli nənəsinində təkidi ilə musiqi təhsilini davam etdirmək üçün 2016-cı ildə Azərbaycan Milli Konservatoriyası nəzdində Musiqi Kollecinə öz sənədlərini verir. Və oranı 2020-ci ildə öz sevimli aləti üzrə bitirir. Kollecdə oxuduğu illər ərzində də bir çox uğurlara imza atır. Qrup yoldaşları ilə birlikdə konsert salonlarında öz məktəbini təmsil edir. Onun dostları və qrup yoldaşları deyirki Tamerlanın çox gözəl səsi var idi. Tamerlan eyni zamanda Kollecin Xor Kollektivi ilə birlikdə, tədbirlərdə iştirak edirdi. Onun hər tərəfli istedada malik olması özünü bu sahədə də göstərirdi. Tamerlan dərslərinin və işinin çox olmağına baxmayaraq məşqlərə qatılır. Və canla-başla iştirak edərdi.

Onun ürəyi musiqi ilə döyünürdü. Gələcəyə dair çoxlu planları, arzu və istəkləri vardı. Lakin musiqiyə, ailəsinə olan bağlılığı onun vətəninə, torpağına olan sevgisinin qarşısına keçə bilmir. O, könüllü şəkildə yazılaraq döyüşlərə qatılır. Füzulinin, Cəbrayılın azad olunmasında iştirak edir. Son dəfə oktyabrın 17-də ailəsinə zəng edir. Onları çox sevdiyini və yaxşı bir xəbərin onları gözlədiyini deyir. Oktyabrın 18-də isə ailəsinə onun şəhid xəbəri verilir. O, özünü fəda edərək döyüş yoldaşlarını xilas edərkən şəhidlik zirvəsinə ucalır. Tamerlanın şəhid xəbəri ailəsi, dostları, döyüş yoldaşları qədər hətta onu tanımayanları belə çox üzür. Ölümündən sonra "Vətən uğrunda","Füzulinin azad olunmasına görə" və "Laçının azad olunmasına görə" medalları ilə təltif olunmuşdur. Yaşadığı binanın girişində onun xatirə lövhəsi vurulmuşdur. Hərbi orkestr kollektivinin Tamerlanın məzarı üstündə ifa etdiyi Azərbaycanın dövlət himni isə dostlarının ona vidası kimi qəbul oluna bilər.

Yazdığı tarixlə yanaşı, Tamerlandan geriyə qalanlar onun ailəsi və dostları ilə keçirdiyi xoş xatirələr, onun fotoşəkilləri, qrup yoldaşları ilə birlikdə çıxışları və əldə etdiyi nailiyyətlər oldu.

Hərbi xidməti

Azərbaycan Ordusunun əsgəri olan Tamerlan Mahmudov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Füzulinin azadlığı uğrunda gedən döyüşlərdə iştirak etmişdir.Ailə üzvlərinə əgər müharibə başlayarsa mənim hərbidə 8 il təcrübəm var və mən gedəcəyəm.Bəziləri kimin qorxan deyiləm deyir.Elə dediyi kimində edir.Sentyabrın 27-də başlayan döyüşlərə heç kimə demədən könüllü yazılaraq qatılır.Sentyabrın 29- da onu hərbi komissarlığa dəvət edirlər.Ailəsi deyir ki,hətta hərbi komissarlığa dəvət olunan gün Tamerlan özünü çox pis hiss edirmiş.Lakin buna baxmayaraq onu saxlaya bilmirlər.Vətənin müdafiəsini təxirə salmaq olmaz deyib döyüşlərə qatılır.Füzulinin,Cəbrayılın azad olunması istiqamətində gedən döyüşlərdə iştirak edir.Son dəfə ailəsinə oktyabrın 17- də səhər saatlarında zəng edir.Ailəsinə onları çox sevdiyini uzağa gedəcəyini bəlkə bir müddət onlara zəng vura bilməyəcəyini deyir.Daha sonra onları yaxşı bir xəbərin gözləyəcəyini və çox sevinəcəklərini deyir.Həmin gün Füzuli şəhərinin işğaldan azad olunması xəbəri Tamerlanın ailəsini çox qürurlandırır.Çünki sevimli Tamerlanları məhz Füzuli uğrunda gedən döyüşlərdə iştirak etmişdi.Ondan bir gün sonra isə oktyabrın 18-də Tamerlanın qəhrəmancasına şəhidlik zirvəsinə ucaldığı ailəsinə bildirilir.

Tamerlanın şəhid xəbəri ailəsi,dostları,döyüş yoldaşları qədər hətta onu tanımayanları belə çox üzür.Döyüş yoldaşlarının və komandirlərinin dediyinə görə O çox mərd,güclü və döyüşkən idi.Sonuncu döyüşdə əgər onun qəhrəmanlığı olmasaydı bəlkədə Birinci Manqanın onun döyüş yoldaşlarının sağ-salamat çıxma ehtimalı 0-a bərabər idi.O,özünü fəda edərək döyüş yoldaşlarını xilas edərkən qəhrəmancasına şəhid olur.Onun döyüş yoldaşları və komandirləri deyirki əgər o olmasaydı biz həyatda olmazdıq.Tamerlana öz canı qanı bahasına onları xilas etdiyi üçün çox minnətdardılar. Tamerlan Mahmudov Suraxanı rayonu Dədə qorqud qəbirstanlığında dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Tamerlan Mahmudov ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Tamerlan Mahmudov ölümündən sonra "Füzulinin azad olunmasına görə" medalı ilə təltif edildi.

Azərbaycanın Laçın rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Tamerlan Mahmudov ​ölümündən sonra "Laçının azad olunmasına görə" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)
• (25.12.2020) — "Füzulinin azad olunmasına görə" medalı (ölümündən sonra)
• (24.06.2021) — "Laçının azad olunmasına görə" medalı (ölümündən sonra)