Tatev kanat yolu

Tatev kanat yolu (erm. Տաթևի ճոպանուղի) — dünyada uzunluğuna görə ən uzun sərnişin daşıyan kanat yolu^[1]^[2]. Kanat Ermənistan ərazisində Bərguşat dərəsi üzərində yerləşir. Alidzor və Tatev kəndlərini birləşdirir.

Texniki məlumat

"Tatev qanadları" 5,7 km məsafədə uzanır. Kanat yolu Bərgüşat çayı üzərində keçərək iki kəndi birləşdirir. Kanatın keçdiyi ən maksimal hündürlük 320 metrdir. Kabinada 25 sərnişin olmaqla 37 km/s sürət yığa bilir. Ümumi məsafə 11 dəqiqə 25 saniyəyə qət edilir. Altı trosa sahibdir^[2] İki elektrik mühərrikə malildir. Biri qarşıya, digəri isə geriyə yönəldir. Kanat yolu 70 m/san güçünə malik küləklərə dözüşlüdür. Ermənistan qış ayları belə turizmdən kanat vastəsi ilə gəlir əldə etməyə çalışır^[3]. Kanat yolunun tikintisi ümumilikdə 18 mln dollara başa gəlmişdir. Kanat yolu yerli əhali üçün pulsuzdur. Turistlər isə 6 avro ödəməli olurlar^[4]

Tarixi

Tatev monastırı

Kanat yolunun tikinti ilə əlaqədar anlaşma 2009-cu ilin iyulunda İrəvanda imzalanmışdır. Bu kanat yolu Ermənistanın bölgəyə turist cəlb etməsinə hesablanmışdır^[5]. Bu yol ümumi planın tərkib hissəsini təşkil edir. Layihənin ümumi həcmi $45 milyondur. Tatev monastırı mühüm turistik zonaya çevrolməsi əsas hədəfdir.