Telman Hüseynov (iqtisadçı)
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Telman Hüseynov (tam adı:Hüseynov Telman Əlihüseyn oğlu; 28 dekabr 1934, Cəbrayıl rayonu – 4 avqust 2016, Bakı) — Azərbaycan Dövlət İqtisad Universitetinin professoru.
| Telman Hüseynov | |
|---|---|
.jpg) | |
| Şəxsi məlumatlar | |
| Doğum tarixi | 28 dekabr 1934 |
| Doğum yeri | |
| Vəfat tarixi | 4 avqust 2016 (82 yaşında) |
| Vəfat yeri | |
Həyatı və təhsili
redaktəTelman Hüseynov 1934-cü il 28 dekabrda Cəbrayıl rayonunda anadan olmuşdur. 1955-ci ildə K.Marks adına Azərbaycan Xalq Təsərrüfatı İnstitutuna daxil olmuş və həmin institutu "Sənayenin iqtisadiyyatı" ixtisası üzrə fərqlənmə diplomu ilə bitirmişdir. 1962-ci ildə Azərbaycan Milli Elmlər Akademiyasının İqtisadiyyat İnstitutunda aspiranturaya qəbul olmuş, aspiranturanı bitirdikdən sonra 1967-ci ilədək orada kiçik elmi işçi vəzifəsində çalışmışdır.
Vəfatı
redaktə4 avqust 2016-cı ildə Bakı şəhərində vəfat etmişdir.[1]
Fəaliyyəti
redaktəPedaqoji fəaliyyəti
redaktə1967-ci ildən D.Bünyadzadə adına Azərbaycan Xalq Təsərrüfatı İnstitutunda pedaqoji fəaliyyətə başlamışdır. Ali məktəbdə işlədiyi 50 ilə yaxın müddətdə professor elmi adına layiq görülmüş, kafedra müdiri, fakültə dekanı, prorektor və rektor əvəzi vəzifələrində çalışmışdır.
Elmi fəaliyyəti
redaktə1967-ci ildə namizədlk dissertasiyasını müdafiə edərək iqtisad elmləri namizədi, 1989-cu ildə iqtisad elmləri doktoru alimlik dərəcəsinə layiq görülmüşdür. Elm sahəsində əldə etdiyi nailiyyətləri ilə respublikada iqtisad elminin inkişafına sanballı nəzəri-praktik töhfələr vermişdir. Elmlər namizədi və elmlər doktoruna elmi rəhbər və məsləhətçi olmuş, uzun müddət Azərbaycan Respublikasının Prezidenti yanında Ali Attestasiya Komissiyasının Ekspert Şurasının sədr müavini işləmişdir.
15 adda monoqrafiya, dərslik, dərs vəsaitinin, habelə 150-dən çox elmi məqalə və tədris proqramının müəllifi olmuşdur. "Azərbaycan neftmaşınqayırmasının əsas fondları və onlardan istifadənin yaxşılaşdırılması yolları" monoqrafiyası 1969-cu ildə SSRİ Xalq Təsərrüfatının Nailiyyətləri Sərgisinin bürünc medalı ilə mükafatlandırılmışdır. müstəqil Azərbaycanın iqtisadi təhsilinin təşkilində mühüm əhəmiyyət kəsb edən "Sənayenin iqtisadiyyatı", "Müəssisənin iqtisadiyyatı", "Firmanın iqtisadiyyatı" adlı dərslikləri bu gün də öz aktuallığını saxlayır.
Fəxri adları və təltifləri
redaktə1991-ci ildə "Əməkdar iqtisadçı", 2006-cı ildə isə "Əməkdar müəllim",[2]2015-ci ildə "Əməkdar elm xadimi" fəxri adlarına layiq görülmüşdür. 2011-ci ildə Azərbaycan Respublikası Prezidentinin sərəncamı ilə "Şöhrət" ordeninə layiq görülmüşdür.[3]
İstinadlar
redaktə- ↑ "Telman Əlihüseyn oğlu Hüseynov – NEKROLOQ". 2020-07-11 tarixində arxivləşdirilib. İstifadə tarixi: 2020-07-08.
- ↑ "Azərbaycan Dövlət İqtisad Universitetinin əməkdaşlarına "Əməkdar müəllim" fəxri adının verilməsi haqqında". 2020-06-29 tarixində orijinalından arxivləşdirilib. İstifadə tarixi: 2020-07-08.
- ↑ "Azərbaycan Dövlət İqtisad Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2020-07-10 tarixində arxivləşdirilib. İstifadə tarixi: 2020-07-08.