Telman Hacıyev (fleytaçı)

(Telman Hacıyev (bəstəkar) səhifəsindən istiqamətləndirilmişdir)

Hacıyev Telman Muxtar oğlu — Azərbaycan SSR əməkdar incəsənət xadimi, fleytaçı, fəlsəfə elmləri doktoru, 4 milli ifaçılaq mukafatı laureatı, Azərbaycan Musiqi Xadimləri ittifaqı üzvü, Bakı musiqi Akademiyası incəsənət nəzəriyyəsi və tarixi kafedrasının müdiri, professor.

Telman Hacıyev
Ümumi məlumatlar
Doğum adı Telman Muxtar oğlu Hacıyev
Doğum tarixi (85 yaş)
Vətəndaşlığı SSRİ SSRİAzərbaycan Azərbaycan
Atası Muxtar Hacıyev
Anası Səriyyə Hacıyeva
Musiqiçi məlumatları
Fəaliyyəti Bakı musiqi Akademiyası incəsənət nəzəriyyəsi və tarixi kafedrasının müdiri, professor.
Mükafatları Azərbaycan SSR Dövlət mükafatı

HəyatıRedaktə

Telman Hacıyev 1937 il yanvarın 31-də anadan olmuşdur. 1961-ci ildə Ü. Hacıbəyov adına Azərbaycan Dövlət Konservatoriyasını fərqlənmə diplomu ilə fleyta ixtisası üzrə bitirmişdir. 1959-cu ildə Azərbaycan Dövlət Universitetinin iqtisadiyyat fakültəsini, 1964-cü il P. İ. Çaykovski adına Moskva dövlət konservatoriyasını fleyta üzrə əyani aspiranturanı bitirmişdir.

Musiqi estetikası elminə maraq göstərərək fəlsəfə elmləri doktoru, professor V. K. Skaterşikovun elmi rəhbərliyi ilə 1972-ci ildə «Azərbaycan musiqi mədəniyətində sosializm realizmi metodunun problemi» mövzusunda fəlsəfə elmləri namizədi dissertasiyası müdafiə etmişdir.

1975-1976-cı illərdə SSRİ mədəniyyət nazirliyi xətti ilə Misir Ərəb Respublikasında Qahirə konservatoriyasının professoru vəzifəsində işləmiş və Qahirə, İsgəndəriyyə, Naqhamadi, Xeluan şəhərlərində solo konsertlər vermişdir.

1984-cü ildə «İncəsənətin sosial fəallığı» mövzusunda doktorluq dissertasiyası müdafiə edərək fəlsəfə elmləri doktoru elmi dərəcəsi almışdır. 1991-ci ildə professor elmi adı verilmişdir. 1992-ci ildə Azərbaycan Respublikası Əməkdar incəsənət xadimi fəxri adına layiq görülmüşdür. Həmin ildən Bakı Musiqi Akademiyasında yaradılmış incəsənət nəzəriyyəsi və tarixi kafedrasınının müdiridir.

1965-1973 – cü illərdə T. Hacıyev Azərbaycan Dövlət kamera orkestrinin solisti işləmişdir. O, solist kimi Kuba Respublikası, Polşa, Çexoslovakiya, İsveç, Danimarka, Hollandiya, Norveç, Finlandiya, ələlxüsus Moskva və Sovet Respublikalarında klassik, romantik və müasir musiqini, xüsusən Azərbaycan bəstəkarlarından Qara Qarayev, Fikrət Əmirov, Arif Məlikov və b. ifa etmişdir.

Tanınmış psixoloq-alim Muxtar Hacıyevin oğludur. Anası Səriyyə Hacıyeva bioloq idi.

YaradıcılığıRedaktə

O, kamera ansamblı üçün 12 toplu (broşüra) dərc etmişdir. T. Hacıyevın kamera ansamblı sinfini 670-dən çox məzun bitirmişdir.

  • 1970 – «Fleyta və fortepiano üçün orijinal köçürmə» Azərbaycan bəstəkarlarının əsərləri) dərc etdirmişdir.
  • 1975 – Azərbaycan televiziyasında «Klassik dünya musiqisi» silsilə verilişləri aparmışdır.
  • 1980 – «Yaxın Şərq estetik fikrində ideya mubarizəsi» mövzusunda Ümümittifaq elmi konfransda çıxış etmişdir.
  • 1987 – Ümumittifaq estetik konfransda M. Lomonosov adına Universitetdə «Estetik tərbiyə» mövzusu ilə çıxış etmişdir..
  • 1995 – «Dünya mədəniyyətı nəzəriyyəsı və tarixi» tədris proqramı, 1997 – «Nəfəsli alətlər tarixi» tədris proqramı çap etdirmişdir.[1]

KitablarıRedaktə

  • «İncəsənətin sosial fəallığı», B., 1980;
  • «Avestadan bu günədək», B., 1983;
  • «Mənim müdrik müasirim» (akademik-filosof Fuad Qasımzadə), B., 1999 və s.

Musiqi əsərləriRedaktə

«Melodiya» firması T. Hacıyevin 3 böyük valını istehsal etmişdir.

FilmoqrafiyaRedaktə

  • Professor Telman Hacıyevin 60 illik yubileyinə həsr olunmuş yaradıcılığı haqqında veriliş.[2]
  • Ulu öndər Heydər Əliyevin 90 illik yubileyinə həsr olunmuş konsert.[3]

Professor Telman Haciyevin 75 illik yubileyinə həsr olunmuş tədbir.

Telman Hacıyevin Qarabağ müharibəsindəki iştirakı.

Hacıyeva Mina Telman qızı "3 kitab 1 idea" təqdimatı.

Telman Hacıyevin Fleyta ifasında möhtəşəm 7 əsər toplusu. Az TV 2005 il

Telman Hacıyev - Fleyta ilə orkestr üçün Birinci konsert Az TV 2005il

Telman Hacıyev - Fleyta ilə orkestr üçün İkinci konsert.

"Söz verdik"verilişindən - Telman Haciyeva həsr olunmuşdur

"İRSİ UĞURLAR"Muxtar Hacıyevin 100 illik yubileyinə həsr olunmuşdur

Telman Hacıyev "Bir tale naxışı" film, 29 02 2012

Telman Hacıyev - Ecazkar fleyta (Чарующая флейта)

İstinadlarRedaktə

  1. "Bakı Musiqi Akademiyası - Telman Hacıyev". 2013-04-15 tarixində orijinalından arxivləşdirilib. İstifadə tarixi: 2013-04-28.
  2. 60 illik yubileyinə həsr olunmuş yaradıcılığı haqqında veriliş
  3. "90 illik yubileyinə həsr olunmuş konsert". 2016-04-06 tarixində arxivləşdirilib. İstifadə tarixi: 2014-06-29.

Həmçinin baxRedaktə