Jonas Brothers
The Jonas Brothers - ABŞ rok musiqi qrupu. 2005-ci ildə yaradılan qrup Disney Channel televiziya şəbəkəsində göründükdən sonra populyarlıq qazanmağa başladı. Qrupun 3 üzvü: Kevin Conas, Co Conas və Nik Conas qardaşlarıdır. Vikoff, Nyu Cersidə yaradılan Jonas Brothers qrupu sonralar Little Falls, Nyu Cersiyə doğru irəlilədi, hansı ki onlar 2005-də burda Hollywood Recordsun köməkliyi ilə ilk mahnılarını yazdılar. 2008-ci ilin yayında isə onlar Disney Channel Original Movie Camp və bunun davamı olan Camp Rock 2: The Final Jam seriallarında oynadılar. Həmçinin Disney Channeldə öz şəxsi Jonas serialını yayımlayan qardaşlar burda Kevin, Co və Nik Lukas kimi Lukas qardaşları qrupunu canlandırdılar. Sonralar serial Jonas L.A. kimi adlandırılmağa başladı və 2-ci mövsümdən sonra dayandırıldı. İndiyə qədər qrup 5 studiya albomu buraxmışdır: It's about time (2006), Jonas Brothers (2007), A Little Bit Longer (2008), Lines, Vines and Trying Times (2009) və Happiness Begins (2019)
| Jonas Brothers | |
|---|---|
| The Jonas Brothers | |
 | |
| Əsas məlumatlar | |
| Üslub |
pop rok pop punk alternativ rok |
| Fəaliyyət illəri |
2005—2013 2019—bu günə qədər |
| Ölkə |
 ABŞ |
| Şəhər |
Vikoff, Nyu-Cersi Los-Anceles, Kaliforniya |
| Leybl |
Columbia Records (2005-2006) Hollywood Records (2007-2012) INO Records (Nick Jonas and The Administration) Jonas Records(2009-cu ildən) Jonas Enterprises(2012-ci ildən) |
| Heyət |
Kevin Conas Co Conas Nik Conas |
| Digər layihələr |
Nick Jonas and The Administration Co Conas |
| www.jonasbrothers.com | |
 Vikianbarda əlaqəli mediafayllar | |
Qrup 2008-ci ildə Qremmi mükafatının Yeni Artist kateqoriyası üzrə namizəd göstərildi və elə həmin il American Music Award tərəfindən İlin Yeni Artisti mükafatına layiq görüldü. Hələ 2009-cu ilin mayında Lines, Vines and Trying Times albomunu buraxmamışdan əvvəl onlar dünya üzrə 8 milyondan artıq albom satmışdılar. 2010 və 2011-ci illər qrup üçün durğunluq illəri oldu. Belə ki, artıq onlar solo layihələr hazırlayırdılar. Lakin qrup 2012-ci ildə yeni albom yazmaq üçün bir araya gəldi. Bu albom qrupun 29 Oktyabr 2013-cü ildə müvəqqəti dağılmasından sonra ləğv edildi. Bu vaxta qədər onların 17 milyondan artıq albomu satılmışdı.
6 illik fasilədən sonra qrup 1 Mart 2019-cu ildə "Sucker" mahnısı ilə yenidən bərpa olundu. Mahnı Billboard Hot 100 siyahısına zirvədən giriş edən 34-cü mahnı, Jonas Brothersin isə bu siyahıdakı zirvədə yer alan ilk mahnıları oldu. 1 ay sonra 5 Aprel 2019-cu ildə onlar ikinci sinqlı ("Cool") buraxdılar. Mahnı Billboard Hot 100-ə 40-cı nömrənin əvvəllərindən debüt etdi və yavaş-yavaş qrupun "Sucker"dan sonra ikinci məşhur mahnısı oldu. Jonas Brothers-ın 5-ci studiya albomu Happiness Begins 7 İyun 2019-cu ildə buraxıldı və Billboard 200-ə zirvədən debüt etdi.
Tarixi redaktə
2005-2007: It's About Time
2005-ci ildə Co, Kevin və Nik özlərinin ilk mahnısı olan "Please Be Mine" mahnısını yazdılar. Mahnını eşidən Columbia Records şirkətinin direktoru Stiv Qrinberq qardaşları qrup kimi tanıyıb onlarla müqavilə imzalamaq qərarına gəldi. Qrup Jonas Brothers adını almazdan öncə onlar qrupu "Conasın oğulları" adlandırdılar. Öz debüt studiya albomları üzərində işləyərkən, qrup bütün 2005-ci il boyunca Jump5, Kelli Klarkson, Cessi Makkartney, the Blackstreet Boys və The Click Five kimi digər artistlərlə də turlara çıxdılar. Onlar ilin son rübünü Aly & AJ və The Cheetah Girls ilə birlikdə turda keçirdilər. Əlavə olaraq, onlar 2006-nın əvvəlini The Veronicas ilə açdılar. It's About Time adlanan ilk albomu üçün qrup Adam Şlesinqer, Mişel Mangini, Desmond Child, Billi Man və Stiv Qrinberq kimi yazıçılarla əməkdaşlıq etdi. Albomun ilk öncə 2006-cı ilin Fevralında çıxması irəli sürülsə də, sonradan Sony şirkətində icraetmədəki dəyişikliklər və digər səbəblərdən albomun çıxarılması bir neçə dəfə təxirə salındı. Albom üçün Jonas Brothers britaniyalı qrup Bustedin "Year 3000" və "What I Go to School For" mahnılarını ifa etdilər. Jonas Brothersin ilk sinqlı "Mandy" 2005-ci ilin 27 dekabrında çıxarıldı. Mahnının videosu MTV-nin Total Request Live şousunda göstərildi və 2006-cı il Fevralın 22-sində 4-cü nömrə oldu. Fevralda işıq üzü görən digər mahnıları "Time for Me to Fly" Aquamarine filminin soundtreki oldu. Mart ayında "Mandy" sinqlı Nickelodeonun televiziya filmi Zoey 101: Spring Break-Up və Zoey 101: Music Mixdə nümayiş etdirildi, Nikolas Conasın adı albomdakı müğənnilər sırasında yer aldı. Qrupun mahnılarından biri də Cartoon Networkun Cümə axşam proqramı bloku olan Fridaysdə səsləndirilmişdir.
