Tofiq Yaqublu
Bu məqalədə bəzi məlumatlarının mənbəsi göstərilməmişdir. |
Tofiq Rəşid oğlu Yaqublu (6 fevral 1961, İncəoğlu, Bolnisi rayonu) — azərbaycanlı siyasətçi, Müsavat Partiyasının və Milli Şuranın üzvü, Müsavat Partiyasının sabiq sədr müavini (2010–2018).
| Tofiq Yaqublu | |
|---|---|
.jpg) | |
| 1992 – 1993 | |
| Başçı | Ehtiram Əliyev |
| 2010 – 14 fevral 2018 | |
| Sədr | İsa Qəmbər (1992-2014) Arif Hacılı (2014/) |
| Şəxsi məlumatlar | |
| Doğum tarixi | 6 fevral 1961 (63 yaş) |
| Doğum yeri | |
| Partiya | |
| Təhsili | |
| Fəaliyyəti | jurnalist, siyasətçi |
| Hərbi xidmət | |
| Döyüşlər | |
 Vikianbarda əlaqəli mediafayllar | |
Həyatı redaktə
Tofiq Yaqublu 1961-ci il fevralın 6-da Gürcüstan SSR-in Bolnisi rayonunun İncəoğlu qəsəbəsində anadan olub. Azərbaycan Kooperasiya İnstitutunu bitirib.
Siyasi fəaliyyəti redaktə
Tofiq Yaqublu 1992–1993-cü illərdə Binəqədi rayonunun icra başçısının müavini vəzifəsində çalışıb.[mənbə göstərin] 1992-ci ildən "Müsavat" Partiyasının üzvüdür. Partiyanın Binəqədi rayon şöbəsinin sədri, "Müsavat" Məclisinin üzvü, "Müsavat" Partiyası sədrinin müavini olub. "Yeni Müsavat" qəzetinin yazarı olub.
Tofiq Yaqublu 1998-ci ildə 2 il müddətinə şərti azadlıqdan məhrumetmə cəzasına məhkum edilib.[mənbə göstərin]
2013-cü ildə həbsi redaktə
2013-cü il İsmayıllı hadisələrində icra başçısının istefası tələbi ilə etirazlar olmuş, etirazlar qarşıdurmalara gətirib çıxarmışdır. Tofiq Yaqublu hadisədən bi gün sonra yanvarın 24-də İsmayıllı rayonuna səfərə gəlmiş, şəhərdə polis tərəfindən saxlanılaraq məcburi qaydada Bakıya geri qaytarılmışdır. Yanvarın 26-da Baş Prokurorluq və Daxili İşlər Nazirliyinin birgə məlumatında İsmayıllı hadisələrinə ReAl sədri İlqar Məmmədov və Tofiq Yaqublunun səbəb olduğu bildirilmişdir. Yanvarın 29-da Tofiq Yaqublu Baş Prokurorluğun Ağır Cinayətlərə dair İstintaq İdarəsinə çağırılaraq, onun İsmayıllı səfəri ilə bağlı izahatı alındıqdan sonra sərbəst buraxılmışdır. Fevralın 4-də yenidən istintaqa çağırılan Tofiq Yaqublu barəsində Bakı Şəhəri Nəsimi Rayon Məhkəməsinin qərarı ilə 2 aylıq həbs qətimkan tədbiri seçilib.
Həmin il Tofiq Yaqublu İsmayıllı hadisələrində ittiham edilərək 5 il müddətinə azadlıqdan məhrumetmə cəzası almış, 2016-cı il martın 17-də Prezident sərəncamı ilə əfv edilmişdir.
2020-ci ildə həbsi redaktə
Tofiq Yaqublu 22 mart 2020-ci ildə sosial media hesabında paylaşdığı statusda ciddi təxribatla üzləşdiyini, Bakının 8-ci kilometr bazarı tərəfdə maşınının vurulduğunu bildirmişdir. Daxili İşlər Nazirliyinin mətbuat xidmətinin rəisi Ehsan Zahidov hadisə ilə bağlı verdiyi rəsmi açıqlamada Tofiq Yaqublunun avtomobilinin başqa avtomobillə toqquşduğunu və yol-nəqliyyat hadisəsinin Tofiq Yaqublunun öz təqsiri səbəbindən baş verdiyi halda, onun əsaslı səbəb olmadan mübahisə edərək qarşı tərəfi və onun həyat yoldaşını yumruq və vintaçanla vurub onlara müxtəlif dərəcəli bədən xəsarətləri yetirdiyini bildirmişdir.[1]
Martın 23-də Nizami Rayon Məhkəməsinin qərarı ilə Tofiq Yaqublu barəsində üç aylıq həbs qətimkan tədbiri seçilərək Şüvəlan qəsəbəsindəki 3 saylı İstintaq Təcidxanasına göndərildi.[2]
Tofiq Yaqublunun həbs edilməsindən sonra beynəlxalq insan hüquqları təşkilatlarından, həmçinin bəzi yerli siyasətçilərdən və vətəndaş cəmiyyəti fəallarından bəyanatlar və tənqidlər gəldi.[mənbə göstərin]
2020-ci il sentyabrın 3-də Bakı Şəhəri Nizami Rayon Məhkəməsi Tofiq Yaqublunun 4 il 3 ay müddətinə azadlıqdan məhrum edilməsi barədə qərar çıxardı.[3]
Tofiq Yaqublu 2020-ci il sentyabrın 2-dən "ölüm aclığı"na başlamış, sentyabrın 12-dən reanimasiyaya yerləşdirilmişdir.
2020-ci il sentyabrın 18-də azadlığa buraxılmışdır.
2022-ci ildə həbsi redaktə
2022-ci ilin dekabr ayında xırda xuliqanlıq maddəsi ilə 30 sutkalıq inzibati qaydada həbs olunub.[4]
2023-ci ildə həbsi redaktə
2023-cü ilin dekabr ayında dələduzluq və saxta sənədlərin hazırlanması maddəsi ilə həbs edilmişdir.[5]
Ailəsi redaktə
Tofiq Yaqublu Maya Yaqublu ilə ailəlidir, 2 qızı və 1 oğlu var.
- Qızı — Nigar Həzi 1988-ci ildə anadan olub. Müsavat Partiyasının üzvüdür. Müsavat Partiyasının Gənclər Komitəsinin sədr müavini olub, Müsavat Partiyası Məclisinin üzvüdür.
- Qızı — Nərgiz Yaqublu 1989-cu ildə anadan olub. Xəzər Universitetini bitirib. İctimai fəal idi. 2015-ci ildə Rusiyada müalicə aldığı xəstəxanada vəfat edib.[6]
- Oğlu — Rəhim Yaqublu.
İstinadlar redaktə
- ↑ "DİN: Tofiq Yaqublu ər-arvadı yumruq və vintaçanla vurub". report.az (az.). Report İnformasiya Agentliyi. 23 mart 2020. 22 April 2022 tarixində arxivləşdirilib. İstifadə tarixi: 20 may 2021.
- ↑ Tapdıq Fərhadoğlu. "Tofiq Yaqublu barəsində 3 aylıq həbs qətimkan tədbiri seçib". Voice of America ( (az.)). 23.03.2020. 23.03.2020 tarixində arxivləşdirilib. İstifadə tarixi: 23.03.2020.
- ↑ "Tofiq Yaqublu 4 il 3 ay azadlıqdan məhrum edilib". Aze Voice (az.). 4 sentyabr 2020. 2020-09-04 tarixində arxivləşdirilib. İstifadə tarixi: 4 sentyabr 2020.
- ↑ "Tofiq Yaqublu həbs olundu". 2022-12-23 tarixində arxivləşdirilib. İstifadə tarixi: 2022-12-23.
- ↑ "Tofiq Yaqublu haqda həbs qərarı verildi". Qafqazinfo (az.). 15 dekabr 2023. 2023-12-15 tarixində arxivləşdirilib. İstifadə tarixi: 15 dekabr 2023.
- ↑ "Nərgiz Yaqublu vəfat edib" ( (az.)). 24.04.2015. 31.08.2020 tarixində arxivləşdirilib. İstifadə tarixi: 31.08.2020.