Tokio məscidi
Tokio məscidi (東京ジャーミイ Tōkyō-jāmii?) – Yaponiyanın paytaxtı Tokio şəhərinin Şibuya rayonunda, Oyama məhəlləsində yerləşən türk məscidi. Yaponiyadakı ən böyük məsciddir. Məscidin əsası Oktyabr inqilabı nəticəsində Rusiyadan gəlmiş başqırd və tatar immiqrantlar tərəfindən 12 may 1938-ci ildə qoyulmuşdur. Əbdürrəşif İbrahimov (həm də məscidin ilk imamı) və Məhəmməd Qabdulxay Qurbanqaliyevin başçılığı altında tikilmişdir.
| İslam | |
| Tokio məscidi | |
|---|---|
| yap. 東京ジャーミイ | |
 | |
| 35°40′05″ şm. e. 139°40′35″ ş. u. | |
| Ölkə |
 Yaponiya |
| Şəhər | Tokio |
| Yeri | Şibuya, Oyama |
| İnşası | 1938 |
| Memarlığı | Osmanlı memarlığı |
| Minarələrin sayı | 1 |
| Otaqların sahəsi | 1477 m² |
| Vəziyyəti | fəaliyyət göstərir |
| Saytı | tokyocamii.org |
|
|
|
 Vikianbarda əlaqəli mediafayllar | |
TarixiRedaktə
Məscid 12 may 1938-ci ildə istifadəyə verilib.[1] Məscid türk müsəlmanların və yerli yaponların dəstəyi hesabına tikilib. Açılış mərasimində Yəmən şahzadəsi, Səudiyyə Ərəbistanın Londonda olan və kral tərəfindən göndərilən səfiri, Misir kralı tərəfindən göndərilmiş səfir,[1] Mitsuru Toyama, general İvare Matsui, təhsil naziri,[2] Tokioda yaşayan yüzlərlə tatar müsəlmanlar və yaponlar iştirak ediblər.[1] Məscidin tikintisi üçün 120.000 yen toplanılıb[2] və bu məbləğin 20 mini Mitsubishi Bank prezidenti Kiyoşi Seşino tərəfindən verilib.[3] Karnesaburo Yamaşita məscidin ərazisi üçün 1,655 m2 torpaq bağışlayıb.[3] Tikinti işləri 1937-ci ilin oktyabrında Ivlorota Construction şirkəti tərəfindən başladılıb.[4]
1986-cı ildə məscid ağır vəziyyətinə görə sökülmüşdür. Türkiyə Dini Əlaqələr Direktorluğunun dəstəyi ilə 1998-ci ildə yenidən tikilməyə başlamışdır. Bu dəfə tikilinin memarı Muharrem Hilmi Senalp olmuşdur və Osmanlı dini memarlığına xas ornamentlərdən istifadə edilmişdir. Tikintidə 70-ə qədər türk sənətçi iştirak etmiş, mərmərin böyük miqdarı Türkiyədən gətirilmişdir. Tikinti 2000-ci ildə başa çatmış və 1,5 milyar yen sərf olmuşdur. Açılış mərasimi 30 iyun 2000-ci ildə baş tutmuşdur.[5]
HaqqındaRedaktə
Məscidin sahəsi 734 m² təşkil edir. Bir zirzəmi mərtəbəsi, üç yuxarı mərtəbəsi var, ümumilikdə isə otaqlarının sahəsi 1477 m²-dır. Əsas günbəz 23,25 hündürlüyündədir və 6 sütunla dəstəklənir. Minarəsi 41,48 metr hündürlüyündədir.[6]
QalereyaRedaktə
Məscidin içi.
Məscidin tavanı.
Məscidin minbəri.
Məscidin minarəsi.
Həmçinin baxRedaktə
ƏdəbiyyatRedaktə
- Saitoh, Abdul Karim. "The historical journey of islam eastward and the Muslim community in Japan today". Institute of Muslim Minority Affairs Journal. 1979: 117–126. doi:10.1080/02666957908715787. (#accessdate_missing_url)
- Morimoto, Abu Bakr. Islam in Japan: Its past, present and future (ingiliscə). Islamic Center Japan. 1980. İstifadə tarixi: 5 fevral 2021.
İstinadlarRedaktə
- ↑ 1 2 3 Saitoh, 1979. səh. 123
- ↑ 1 2 Morimoto, 1980. səh. 48
- ↑ 1 2 Morimoto, 1980. səh. 50
- ↑ Morimoto, 1980. səh. 51
- ↑ “New Tokyo Mosque opens”, in: The Japan Times, July 1st, 2000.
- ↑ “Japan's largest mosque completed in Tokyo Arxivləşdirilib 2016-03-03 at the Wayback Machine”, in: Kajima News & Notes, Autumn 2000.
