Tuşet itburnusu

Tuşet itburnusu (lat. Rosa ×tuschetica) — bitkilər aləminin gülçiçəklilər dəstəsinin gülçiçəyikimilər fəsiləsinin i̇tburnu cinsinə aid bitki növü.

Tuşet itburnusu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Qızılgülkimilər Triba: Roseae Cins: İtburnu Növ: Tuşet itburnusu
Beynəlxalq elmi adı
Rosa ×tuschetica Boiss.
Şəklin VikiAnbarda axtarışı ITIS   836399

Ümumi yayılması

Qafqazda (Beşit) yayılmışdır.

Azərbaycanda yayılması

Naxçıvan MR (Biçənək, Nurqut) ərazisində rast gəlinir.

Statusu

Azərbaycanın nadir bitkisidir.VU A2c+3c.

Bitdiyi yer

Subalp və alp qurşaqlarında daşlı qayalı yerlərdə yayılmışdır.

Təbii ehtiyatı

Azərbaycanda dar bir arealda yayılmışdır.

Bioloji xüsusiyyətləri

Təbiətdə hündürlüyü 1 m-ə qədər olan koldur. Qopartikanları 2 cürdür, qaidə hissəsi bir qədər enliləşmiş düz, bizvarı qopartikanlar və qılvarı xırda qopartikancıqları vardır. Çiçək daşıyan budaqlarda qopartikancıqlar daha çox olur. Yarpaqları 5-6 sm uzunluqda olub, 7, tək-tək hallarda 9 və ya daha çox xırda yumurtavarı, vəziciklərlə örtülü yarpaqcıqlardan ibarətdir. Çiçəkləri tək-təkdir, 2,5 sm-ə qədər uzunluqda vəzili, qıllı saplaqlıdır. Çiçəkləri çəhrayı rəngdədir. Meyvəsi yumurtavarı ovalşəkillidir. İyun-iyul aylarında çiçək açır.

Çoxalması

Təbiətdə generativ və vegetativ yolla çoxalır.

Təbii ehtiyatının dəyişilməsi səbəbləri

Başlıca olaraq insan fəaliyyətidir.

Becərilməsi

Məlumat yoxdur.

Qəbul edilmiş qoruma tədbirləri

Xüsusi mühafizə ölçüləri tərtib edilməmişdir.

Zəruri qoruma tədbirləri

Azərbaycanın "Qırmızı Kitabı"na daxil edilməsi zəruridir.