UkraynaAvroviziya Mahnı Müsabiqəsinə ilk dəfə 2003-cü ildə qoşulmuş və ümumilikdə 15 dəfə müsabiqədə iştirak etmişdir. İştirak etdiyi illər ərzində ölkə iki dəfə müsabiqədə qələbə qazanmışdır. Ukraynanın ilk Avroviziya qələbəsi ölkənin müsabiqədə ikinci iştirak etdiyi il olan 2004-cü ildə Ruslananın ifa etdiyi "Wild Dances" mahnısı ilə qazanılmışdır. 2016-cı ildə Camalanın ifa etdiyi "1944" mahnısı ilə Ukrayna ikinci dəfə Avroviziyada qələbə sevincini yaşamışdır. Bundan başqa Ukrayna ümumilikdə altı dəfə müsabiqədə ilk beşlikdə yer almışdır. 2007-ci ildə Verka Serdyuçka və 2008-ci ildə Ani Lorak ilə ikinci, 2013-cü ildə Zlata Oqneviç ilə üçüncü və 2011-ci ildə Mika Nyuton ilə dördüncü yeri tutmuşdur. Avroviziyada yarımfinalların tətbiq olunduğu 2004-cü ildən etibarən Ukrayna həmişə müsabiqənin finalına yüksələ bilən az saylı ölkələrdən biridir. Avroviziya iki dəfə ölkənin paytaxtı Kiyevdə keçirilmişdir.
Ukrayna2015-ci ildə ölkədə yaşanan ciddi siyasi böhran səbəbindən Avroviziyada iştirak etməmişdir. Növbəti il ölkə müsabiqəyə geri dönmüş və qələbə qazanmışdır. Ukrayna 2019-cu ildə müsabiqədə iştirak etməyi planlaşdırsa da, milli seçim turu sonrası yaşanan qalmaqalların ardınca ölkə müsabiqədəki iştirakını geri çəkmişdir.
Rusiya
Azərbaycan
Moldova
Ermənistan
Gürcüstan
Belarus
Polşa
_cropped.jpg)
