Uzay Heparı
Uzay Heparı (24 iyul 1969, İstanbul – 31 may 1994, İstanbul) — Türkiyə bəstəkarı.
| Uzay Heparı | |
|---|---|
| Ümumi məlumatlar | |
| Doğum tarixi | 24 iyul 1969 |
| Doğum yeri | |
| Vəfat tarixi | 31 may 1994 (24 yaşında) |
| Vəfat yeri | |
| Dəfn yeri | |
| Uşağı | 1 |
| Musiqiçi məlumatları | |
| Fəaliyyəti | bəstəkar, mahnı yazarı[d], aktyor, musiqi prodüseri |
| Fəaliyyət illəri | 1989–1994 |
| Janr | pop musiqisi |
| Təhsili | |
 Vikianbarda əlaqəli mediafayllar | |
Həyatı
redaktəYayla və Eti Heparının oğludur. Müqəddəs Benua Fransız Liseyinin və İstanbul Universiteti Dövlət Konsevatoriyasının piano sinfinin məzunudur.
1993-cü ilin dekabrında modelyer Zeynəb Tunuslu ilə evlənib. 5 yanvar 1995-ci ildə oğulları Uzay Kanat Heparı dünyaya gəlib.
Fəaliyyəti
redaktəİlk vaxtlar Zuhal Olcayın "Küçük Bir Öykü Bu" musiqi albomunda piano çalmaqla fəaliyyətə başlayır. 1990-cı ildə Avroviziya Türkiyə seçim mərhələsində orkestrda çıxış edir. Həmin il yenidən Zuhal OLcayın "İki Çift Laf" adlı musiqi albomunda piano çalır. Erol Evginin "Erol Evgin İle Yeniden" albomunda isə Sezən Aksunun iki mahnısını aranjiman edir.
1991-ci ildən bəstəkarlıq fəaliyyətinə başlayır. Aşkın Nur Yenginin ikinci albomu olan "Hesap Ver"-də "Serserim Benim" və "Karanfil" adlı mahnıları bəstələyir. Bu mahnıların sözlərini isə Sezən Aksu yazmışdı. Uzayın Sezən ilə birgə musiqi fəaliyyəti sonralar da davam edir. 1992-ci ildə Sərtab Ərənərin ilk albomu "Sakin Ol!"-da əksər mahnıları aranjiman edən Uzay Heparı albomdakı üç mahnını Sezən ilə birlikdə yazır. Daha sonra 1993-cü ildə onlar Levent Yükselin "Med Cezir" adlı ilk albomundakı musiqiləri ərsəyə gətirirlər.
1993-cü ildə Uzay Heparı Sezən Aksunun "Deli Kızın Türküsü" albomundakı məşhur "Masum Değiliz" mahnısını bəstələyir. 1994-cü ildə Nükhet Durunun öz adını əks etdirən albomunda bəzi mahnıları aranjiman edib. Ölməzdən əvvəl Sərtab Ərənərin "Lal" və Demet Sağıroğlunun ilk albomu "Kınalı Bebek"-dəki mahnıların üzərində işləyirdi. Hər iki albom Uzayın ölümündən sonra ictimaiyyətə təqdim olunub.
Uzay Heparı 1992-ci ildə Sərtab Ərənərin "Sakin Ol!" və 1993-cü ildə Orhan Atasoyun "Gemiler" kliplərində rol alıb. 1993-cü ildə "Gece, Melek ve Bizim Çocuklar" adlı filmdə baş rolda çıxış edib.
Ölümü
redaktə20 may 1994-cü ildə yenicə aldığı motosikl ilə Etiler Koç körpüsü üzərində gedərkən Demet Akbağın park edilmiş avtomobili ilə toqquşmuş, 11 gündən sonra 31 may 1994-cü ildə saat 10:50-də vəfat etmişdir.
Ölümündən sonra
redaktə1995-ci ildə Candan Erçetinin ilk albomundakı "Daha", 1996-cı ildə isə Levent Yükselin ikinci albomundakı "Yas" mahnısı Uzay Heparıya həsr olunmuşdur.
1996-cı ildə isə Zeynəb Tunuslu Uzay Heparı ilə tanış olması, evliliyi, xəstəxanada keçirdiyi günləri, həyat yoldaşının ölümündən sonra yaşadıqlarını və oğlu Uzay Kanat Heparının doğumuna qədər olan müddəti özündə əks etdirən "Mavi..., Melekler ve Sen" adlı kitabı dərc etdirmişdi.
2008-ci ildə buraxılmış "Uzay Heparı - Sonsuza" adlı albom onun xatirəsinə həsr olunmuşdur.
Diskoqrafiya
redaktə- Zuhal Olcay - Küçük Bir Öykü Bu (1989)
- Zuhal Olcay - İki Çift Laf (1990)
- Akrep Nalan - Dağ Çiçeği (1991)
- Erol Evgin - Erol Evgin İle Yeniden (1991)
- Aşkın Nur Yengi - Hesap Ver (1991)
- Sərtab Ərənər - Sakin Ol! (1992)
- Sezen Aksu - Deli Kızın Türküsü (1993)
- Levent Yüksel - Med Cezir (1993)
- Aşkın Nur Yengi - Sıramı Bekliyorum (1993)
- Nükhet Duru - Nükhet Duru (1994)
- Sərtab Ərənər - La'l (1994)
- Demet Sağıroğlu - Kınalı Bebek (1994)
Filmoqrafiya
redaktə- Gece, Melek ve Bizim Çocuklar (1992)