Vüqar Bayramov
Vüqar İbad oğlu Bayramov (13 iyun 1975, Aşağı Güzlək, Füzuli rayonu) — Azərbaycanlı iqtisadçı, Azərbaycan Milli Məclisinin deputatı (2020).[1]
| Vüqar Bayramov | |
|---|---|
 | |
| Şəxsi məlumatlar | |
| Doğum tarixi | 13 iyun 1975 (49 yaş) |
| Doğum yeri | |
| Təhsili | |
| Fəaliyyəti | iqtisadçı, siyasətçi |
|
|
|
| Təltifləri |
 |
 Vikianbarda əlaqəli mediafayllar | |
Həyatı
redaktəVüqar Bayramov 1975-ci il 13 iyun tarixində Füzuli rayonu Aşağı Güzlək kəndində doğulub. İbtidai təhsilini Aşağı Rəfədinli kənd orta məktəbində, orta təhsilinin bir hissəsini Füzuli şəhər Bünyad Sərdarov adına orta məktəbdə, bir hissəsini isə Bakı Şəhəri Fizika-riyaziyyat təmayüllü məktəbdə alıb.
1992–1997-ci illərdə Azərbaycan Dövlət İqtisad Universitetində ali təhsil almışdır. 1997-ci ildə isə həmin universitetin aspiranturasına daxil olan Vüqar Bayramov, 2002-ci ildə iqtisadiyyat elmləri namizədi dərəcəsi almışdır. 2003–2004-cü illərdə ABŞ-nin Vaşinqton Universitetinin iqtisadiyyat fakültəsində təhsil alıb.[2]
Vüqar Bayramov ingilis, rus, türk və azərbaycan dillərini bilir.
Ailəsi
redaktəAiləlidir. İki övladı var.
- Ləğv edilmiş Azərbaycan Demokratiya və Rifah Partiyasının sədri Qubad İbadoğlunun qardaşıdır.
İctimai-siyasi fəaliyyəti
redaktəVüqar Bayramov Aİ-nin Şərq Tərəfdaşlığı Vətəndaş Cəmiyyəti Forumunun ilk azərbaycanlı həmsədri olub.[3][4] Eyni zamanda Aİ-nin Şərq Tərəfdaşlığı Vətəndaş Cəmiyyəti Forumunun Azərbaycan üzrə əlaqələndiricisi və Aİ Şərq Tərəfdaşlığı Proqramının Rəhbər Komitəsinin üzvü və Şərqi Tərəfdaşlıq Vətəndaş Cəmiyyəti Forumunda qrup əlaqələndiricisi seçilmişdir.[5] O, həmçinin "Avstriya Liderlik Proqramları"nın ilk azərbaycanlı məzunudur.[6]
2010-cu ildə İordaniyada Kral İslam Strateji Araşdırmalar Mərkəzi (RISSC) Vüqar Bayramovu dünyanın ən nüfuzlu 500 müsəlmanından biri elan edib.[7]
V. Bayramov, həmçinin ABŞ-də təhsil alan zaman yeni instutsional iqtisadiyyat üzrə tədqiqatlarda fərqləndiyinə görə Nobel mükafatı laureatı, iqtisadçı Ronald Kosun imzaladığı xüsusi diploma da layiq görünüb.[8]
Bayramov eyni zamanda İqtisadi və Sosial İnkişaf Mərkəzinin (CESD) təsisçisi və sədridir. CESD, 2018-ci ildə ABŞ-nin Pennsilvaniya Universiteti tərəfindən yayımlanan "The 2018 Global Go To Think Tank Index (GGTTI)" məruzəsinə görə qlobal miqyasda 177 təşkilat arasında 153-cü yerdə qərarlaşmış, Mərkəzi Asiyanın 10 ölkəsi üzrə (Təsnifat Azərbaycan, Ermənistan, Gürcüstan, Qazaxıstan, Qırğızstan, Özbəkistan, Tacikistan, Türkmənistan, Əfqanıstan və Monqolustanı əhatə edir) isə ən güclü beyin mərkəzi elan edilmişdir.[9]
Vüqar Bayramov 2020-ci il 9 fevral tarixində keçirilən növbədənkənar parlament seçkilərində 84 saylı Füzuli seçki dairəsindən seçicilərin 71% səsini qazanaraq VI çağırış Milli Məclisin deputatı seçilib.[1] Vüqar Bayramov İqtisadi siyasət, sənaye və sahibkarlıq və Əmək və sosial siyasət komitələrinin üzvüdür.[10][11]
2024-cü il oktyabrın 8-də Azərbaycan - Malayziya parlamentlərarası əlaqələr üzrə işçi qrupunun rəhbəri seçilib.[12]
Əsərləri
redaktəBayramovun bəzi məqalələri ABŞ-nin "Kommunist və Post-Kommunist,[13] İngiltərənin "Resurslar Siyasəti"[14], Almaniyanın "Beynəlxalq İqtisadiyyat"[15] və Türkiyənin "Bilig"[16] jurnalları tərəfindən çap edilib. Bununla yanaşı, Vüqar Bayramovun həm-müəllifi olduğu "İslam Dünyasında Sosial Siyasət" adlı kitab 2021-ci ildə Springer nəşriyyatı tərəfindən dərc edilib.[17] Həmin kitabda Bayramovun rəhbərlik etdiyi tədqiqat qrupu tərəfindən "Azərbaycanda Sosial Siyasətin Təhlili və İnkişafı Prespektivləri" adlı bölmə hazırlanıb.[18]
Bayramov 2016-cı ildə hazırlanan və Azərbaycan Respublikasının Prezidenti İlham Əliyev tərəfindən təsdiq olunan strateji yol xəritələrinin həmmüəlliflərindən biridir.[19][20] "Azərbaycanda uyğun qiymətə mənzil təminatının inkişafına dair Strateji Yol Xəritəsi"nin müəlliflərindən biridir.[21]
Xarici keçidlər
redaktəİstinadlar
redaktə- ↑ 1 2 "Arxivlənmiş surət". 2020-08-19 tarixində orijinalından arxivləşdirilib. İstifadə tarixi: 2021-01-23.
- ↑ "Təhsil haqqında məlumat" (PDF). https://cesd.az/y/panel/uploads/19779936330-WashingtonUniversityinSt.Louis-converted.pdf. 2023-04-03 tarixində arxivləşdirilib (PDF). İstifadə tarixi: 2023-04-03.
- ↑ "Arxivlənmiş surət". 2020-07-05 tarixində orijinalından arxivləşdirilib. İstifadə tarixi: 2020-07-04.
- ↑ "Arxivlənmiş surət". 2022-01-24 tarixində arxivləşdirilib. İstifadə tarixi: 2020-10-15.
- ↑ "Arxivlənmiş surət". 2022-01-17 tarixində arxivləşdirilib. İstifadə tarixi: 2020-10-15.
- ↑ "Arxivlənmiş surət". 2022-01-24 tarixində arxivləşdirilib. İstifadə tarixi: 2020-10-15.
- ↑ "Arxivlənmiş surət" (PDF). 2022-09-15 tarixində arxivləşdirilib (PDF). İstifadə tarixi: 2020-07-17.
- ↑ "Sertifikat" (PDF). https://cesd.az/y/panel/uploads/98313438249-RonaldCoaseCertificate.pdf. 2023-04-03 tarixində arxivləşdirilib (PDF). İstifadə tarixi: 2023-04-03.
- ↑ "2018 Global Go To Think Tank Index Report". 2019-12-24 tarixində arxivləşdirilib. İstifadə tarixi: 2020-07-28.
- ↑ "Arxivlənmiş surət". 2022-01-18 tarixində arxivləşdirilib. İstifadə tarixi: 2020-10-07.
- ↑ "Arxivlənmiş surət". 2020-11-27 tarixində arxivləşdirilib. İstifadə tarixi: 2020-10-07.
- ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
- ↑ "Arxivlənmiş surət". 2020-01-14 tarixində orijinalından arxivləşdirilib. İstifadə tarixi: 2020-01-16.
- ↑ "Arxivlənmiş surət". 2021-06-08 tarixində arxivləşdirilib. İstifadə tarixi: 2020-01-16.
- ↑ "Arxivlənmiş surət". 2022-03-07 tarixində arxivləşdirilib. İstifadə tarixi: 2020-02-18.
- ↑ "Arxivlənmiş surət" (PDF). 2022-01-08 tarixində arxivləşdirilib (PDF). İstifadə tarixi: 2020-01-16.
- ↑ "Arxivlənmiş surət". 2021-07-09 tarixində arxivləşdirilib. İstifadə tarixi: 2021-07-05.
- ↑ "Arxivlənmiş surət". 2021-07-09 tarixində arxivləşdirilib. İstifadə tarixi: 2021-07-05.
- ↑ "Arxivlənmiş surət". 2022-01-20 tarixində arxivləşdirilib. İstifadə tarixi: 2020-07-29.
- ↑ "Arxivlənmiş surət". 2021-10-15 tarixində arxivləşdirilib. İstifadə tarixi: 2020-07-29.
- ↑ "Arxivlənmiş surət". 2022-01-22 tarixində arxivləşdirilib. İstifadə tarixi: 2020-07-29.