Vəli İsmayılov

Vəli Əli oğlu İsmayılov (7 may 1912, Qaraçuq, Naxçıvan rayonu – 6 aprel 1968, Naxçıvan) — 24 may 1960-cı ildə "Azərbaycan SSR Əməkdar İrriqatoru" fəxri adını vermişdir. 1961-ci il, fevral 1964-cü il Plenumlarında iştirak etmiş, kənd təsərrüfatı ilə əlaqədar seminarlarda çıxışlar etmiş, "Pambığın suvarılmasının təşkili" adlı tövsiyə xarakterli kitab yazmışdır. Batabat gölləri, Uzunoba, Nehrəm, Qahab göllərinin (su anbarları) tikintisini həyata keçirmiş, istifadəyə vermişdir.

Vəli İsmayılov
Vəli Əli oğlu İsmayılov
Doğum tarixi	7 may 1912(1912-05-07)
Doğum yeri	Qaraçuq, Naxçıvan rayonu, Azərbaycan
Vəfat tarixi	6 aprel 1968(1968-04-06) (56 yaşında)
Vəfat yeri	Naxçıvan, Naxçıvan MSSR, Azərbaycan SSR, SSRİ
Təhsili	Stalin adına Gəncə Su Təsərrüfatı Mühəndisləri institutu
Fəaliyyəti	Naxçıvan MSSR Su Təsərrüfatı idarəsinin rəisi, İrriqator
Mükafatları

Həyatı

Vəli Əli oğlu İsmayılov 7 may 1912-ci ildə Naxçıvan MSSR, Naxçıvan rayonu Qaraçuq kəndində anadan olub, Qaraçuq orta məktəbini bitirdikdən sonra 1931–1935-ci illərdə Stalin adına Gəncə Su Təsərrüfatı Mühəndisləri institutunda ali təhsil alıb. 1935–1941-ci illərdə Naxçıvan Su Təsərrüfatı idarəsində hidrotexnik vəzifəisndə çalışıb. İkinci dünya müharibəsində cəbhəyə gedib və 56-cı ordunun tərkibində 66-cı atıcı divizyada xidmət edir. (iyun 1941 — may 1943) Döyüşdə yaralandığına görə ordudan kiçik leytinant olaraq tərxis olunub. 9 may 1945-ci ildə "Almaniya üzərində qələbəyə görə" medalı ilə təltif olunub. 1943–1948-ci illərdə Naxçıvan Su Təsərrüfatı idarəsində mühəndis kimi fəaliyyətini davam etmiş və 1948–1968-ci illərdə həmin idarənin rəisi vəzifəsində ömrünün sonunadək çalışmışdır. 6 aprel 1968-ci ildə Naxçıvan şəhərində vəfat edib. 1946-cı ildə ailə həyatı qurmuş, 6 oğul atası olmuşdur. Naxçıvanda xalq arasınada "nümunəvi insan", "kişillik mücəssəməsi", "insanlığın şərəf pasportu" adlarını yaşam tərzinə, gördüyü xeyirxah işlərə və ali insani keyfiyyətlərinə görə qazanmışdır.

Əmək fəaliyyəti

Vəli İsmayılov Naxçıvan MSSR Su Təsərrüfatı idarəsində çalışdığı 30 illik fəaliyyətində meliorasiya və irriqasiya sahələrində bir sıra yeniliklərə imza atmışdır. 1951–1955-ci illərdə bilavasitə onun təşəbbüsü və rəhbərliyi ilə Batabat göllərinin istifadəyə verilməsi Muxtar Respublikada irriqasiya sahəsində əlamətdar hadisə oldu. 1961–1966-cı illərdə isə Uzunoba, Nehrəm, Qahab göllərinin tikintisini başa çatdırmış və istifadəyə vermişdir. 1960-cı ildən başlayaraq onun pambıq sahələri üçün tətbiq etdiyi "Yeni suvarma texniki qaydaları" nəticəsində muxtar respublikada hər il pambıq yığımı iki qat artımmışdır. O həmişə deyərdi: "Pambığı düzgün suvarmaq, ondan artıq məhsul götürmək deməkdir". Vəli İsmayılov eyni zamnada muxtar respublikada içməli su qaynaqlarının tapılmasında, kəhrizlərin çəkilməsində, kolxoz və sovxozların su probleminin həlli ilə yanaşı, vətəndaşların suya olan tələbatını ödəmək üçün çox əmək sərf etmişdir. Onun çəkdirdiyi su kanalları, kəhrizlər, bulaqlar indi də fəaliyyət göstərir. Elə bu çalışaqanlığına görədir ki, o zamankı sovet rəhbərliyi Vəli İsmayılovun əməyini yüksək qiymətləndirmiş, 24 may 1960-cı ildə "Azərbaycan SSR Əməkdar İrriqatoru" fəxri adını vermişdir. O həmçinin SSRİ Ali Soveti Rəyasət Heyətinin 6 iyun 1945-ci il tarixli "1941–1945 Böyük Vətən müharibəsində Cəsarətli İş Üçün" medalı (təqdim edilib 25.04.1946), 30 aprel 1966 il tarixli "Əmək şücaəti Üçün" medalı (təqdim edilib 30.05.1966) və Ümumittifaq kənd təsərrüfatı sərgilərinin (iyun 1957, mart 1958 və s.) medalları ilə təltif edilmişdir. Dəfələrlə SSRİ, Azərbaycan SSR və Naxçıvan MSSR rəhbərliyi tərəfindən fəxri fərmanlarla mükafatlandırılmışdır.

Mükafatları

1. "Almaniya üzərində qələbəyə görə" medalı (1945),
2. Böyük Vətən müharibəsində rəşadətli əməyə görə" (1946),
3. "Əmək rəşadətinə görə" (1966)
4. "Əmək şücaəti Üçün" medalı (1966)
5. Ümumittifaq Kənd Təsərrüfatı Nailiyyətləri Sərgisinin iştirakçısı kimi medalla (1957)
6. Sosialist k.t.-ndakı müvəffəqiyyətlərinə görə sərginin gümüş medalı ilə (1958),