Vaindloo
Vaindloo (est. Vaindloo или est. Vaindloo saar, isv. Stenskär, rus. Стеншер[1][2]) — Fin körfəzində ada. Ada Estoniyaya məxsus olub inzibati baxımdan Lyaene-Virumaa vilayətinin ərazisində yerləşir.
| Vaindloo | |
|---|---|
| est. Vaindloo | |
.jpg) | |
| Ümumi məlumatlar | |
| Sahəsi | 0,062 km² |
| Uzunluğu |
|
| Eni | 0,2 km |
| Hündür nöqtəsi | 8,5 m |
| Əhalisi | 0 nəfər (2014-cü il) |
| Yerləşməsi | |
| 59°49′02″ şm. e. 26°21′37″ ş. u.HGYO | |
| Ölkə |
 Estoniya |
| Akvatoriya | |
|
|
|
 Vikianbarda əlaqəli mediafayllar | |
Coğrafiyası
redaktəVaindloo Estoniyanın ən ucqar şimal nöqtəsi hesab olunur[3][4]. Ada Rusiyaya məxsus Kiçik Tyutersa adasından 30 km qərbdə yerləşir. Estoniya sahillərindən ada 25 km, fin sahillərindən isə 50 km uzaqlıqdadır[4].
Ən yüksək nöqtəsii dəniz səviyyəsindən 8,5 metr olan ada tamamilə qaya - rif çıxıntısından ibarətdir. Uzunsov formada olan adanın uzunluğu 512 metr, eni isə — 149 metrdir[4]. Adanın ümumi sahəsi 0,062 km²-dir[5].
Vaindloo adasında dairəvi ağ mayak yerləşir. Hündürlüyü 17 metr olan mayak çuqundan qurulub. Hər 15 saniyədən mayak qırımızı və ağ rəngli işıq verir. İşığın rəngi istiqamətdən asılı olaraq dəyişir[3]. Mayak uzaqdan idarə olunur və günəş enerjisi ilə qidalanır[4]. Mayakın yaxınlığında hündürlüyü 50 metr olan radar qülləsi var. Qüllədən eston sərhədçiləri istifadə edir. Radar qülləsinə xidmət edənlər üçün xüsusi bina mövcuddur. Ada ziyarət üçün bağlıdır[3].
Fauna və flora baxımdan ada kasıbdır. Adi susüpürən və qütb susüpürən quşları adanın əsas fauna nümayəndələridir. Çoxalma mövsümində hər iki növün sayı 150 cütə çatır[6]. Həmçinin qütb bayquşu, iri arıquşu, buynuzlu toraqay, alaçöhrə, adi vələmirquşu və s. quşlara da rast gəlinir.
Tarixi
redaktəAdadaki ilk mayak 1718-ci ildə isveçlilər tərəfindən inşa edilmişdir. 1721-ci ildən ada İsveçdən Rusiya tabeliyinə keçdi[7]. 1788-ci ildə adanın şimalında rus və isveçin hərbi dəniz qüvvələri arasında döyüş baş vermişdir[8].
İstinadlar
redaktə- ↑ "Евгений Войскунский. Баллада о Финском заливе". 2014-03-23 tarixində arxivləşdirilib. İstifadə tarixi: 2011-08-11.
- ↑ "Записки адмирала Чичагова, заключающие то, что он видел и что, по его мнению, знал". 2016-04-19 tarixində arxivləşdirilib. İstifadə tarixi: 2011-08-11.
- ↑ 1 2 3 "Lighthouses of Northern Estonia". 2014-08-18 tarixində arxivləşdirilib. İstifadə tarixi: 2011-08-11.
- ↑ 1 2 3 4 "Stamps Vaindloo Lighthouse/ 114-08-1996. // Eesti Post". 2011-07-17 tarixində arxivləşdirilib. İstifadə tarixi: 2011-08-11.
- ↑ "В.Г.Лебедько. Пароход «Казахстан» (август 1941 г.). - СПб., 2008. Часть 3". 2014-03-23 tarixində arxivləşdirilib. İstifadə tarixi: 2011-08-23.
- ↑ "Vaindloo island // Birdlife Data Zone". 2011-08-05 tarixində arxivləşdirilib. İstifadə tarixi: 2011-08-12.
- ↑ "Русский текст Ништадтского мира". 2021-05-28 tarixində arxivləşdirilib. İstifadə tarixi: 2011-08-12.
- ↑ // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.