Vaqif Əhmədov (rejissor)

Qarabağ müharibəsi iştirakçısı

Əhmədov Vaqif Novruz oğlu (29 yanvar 1964, Naxçıvan30 iyun 1992, Ağdərə, Ağdərə rayonu) — rejissor, şəhid.

Vaqif Əhmədov
Doğum tarixi 29 yanvar 1964(1964-01-29)
Doğum yeri
Vəfat tarixi 30 iyun 1992(1992-06-30) (28 yaşında)
Vəfat yeri
Dəfn yeri

Həyatı redaktə

Vaqif Əhmədov 1964-cü il yanvarın 29-da Naxçıvan şəhərində anadan olub. Qambay Vəzirov adına Naxçıvan şəhər 6 saylı orta məktəbi bitirib. N. Krupskaya adına Mədəni-Maarif texnikumuna daxil olub və oranı fərqlənmə diplomu ilə bitirərək, Cəlil Məmmədquluzadə adına Naxçıvan Dövlət Dram Teatrında aktyor kimi fəaliyyətə başlamışdır. Burada müxtəlif rollar oynamışdır. 1988-ci ildə ali təhsil almaq məqsədilə M. A. Əliyev adına Azərbaycan Dövlət İncəsənət İnstitutunun dram rejissorluğu fakültəsinə daxil olmuşdur. Həmin illərdə Azərbaycanda baş qaldıran Milli Azadlıq hərəkatında yaxından iştirak etmişdir. 1991-ci ildə Naxçıvan Dövlət Dram Teatrında Cəlil Məmmədquluzadənin "Anamın kitabı" pyesini kurs tamaşası kimi uğurla səhnəyə qoymuşdur.

1992-ci ildə könüllü cəbhəyə gedərək, Ermənistan-Azərbaycan müharibəsində — Birinci Qarabağ savaşında iştirak etmişdir.

Vaqif Əhmədov 1992-ci il iyunun 30-da Ağdərə şəhəri uğrunda döyüşlər zamanı qəhrəmancasına həlak olmuşdur.[1] Məzarı Bakı şəhəri Şəhidlər Xiyabanındadır.

Adına təqaüd təsis edilib. Bu təqaüd Azərbaycan Dövlət Mədəniyyət və İncəsənət Universitetinin təhsildə fərqlənən tələbələrinə verilir.

İstinadlar redaktə

  1. "Əsir düşməmək üçün qumbara ilə özünü və düşmənləri partladan azərbaycanlı rejissor - VİDEO". Oxu.Az (az.). 2024-01-30. 2024-01-30 tarixində arxivləşdirilib. İstifadə tarixi: 2024-01-30.