Vest Çester Universiteti

ABŞ-da yerləşən dövlət universiteti

Vest Çester Universiteti (ing. West Chester University) — ABŞ-ın Pensilvaniya ştatında yerləşən dövlət universiteti.[1]

Vest Çester Universiteti
WCU
ing. West Chester University
Loqonun şəkli
Philips Hall WCU 1.JPG
39°57′07″ şm. e. 75°36′00″ q. u.
Əvvəlki adları Vest Çester Ali Məktəbi (1871)
Vest Çester Dövlət Müəllimlər Kolleci (1927)
Vest Çester Dövlət Kolleci (1960)
Şüar ing. To be honorable is to serve
azərb. Şərəfli olmaq xidmət etməkdir
Əsası qoyulub 1871
Tip Dövlət universiteti
Rektor Dr. Kristofer M. Fiorentino
Tələbə sayı 17719
Şəhər Filadelfiya
Ölkə
Ünvan 700 S Hay küçəsi, Vest Çester, PA 19383
Rənglər          
Sayt wcupa.edu
Vikianbarın loqosu Vikianbarda əlaqəli mediafayllar

Əsası 1871-ci ildə Pensilvaniya əyalətində ali təhsilin instusionallaşdırılması ilə qoyulmuşdur. Yerləşdiyi şəhərin ən böyük dövlət universitetidir. Hazırda 6 kollec və 1 peşə məktəbində 118 bakalavr, 103 magistr və 4 doktorantura proqramı üzrə təhsil alan 17719 tələbəsi vardır. Əsas kampusları Filadelfiya və Vest Çester şəhərlərində yerləşir. Universitetin tədqiqat fəaliyyəti səlahiyyətli orqan olan Mərkəzi Ştatlar üzrə Ali Təhsil Komissiyası tərəfindən tənzimlənir. Bundan əlavə, ali təhsil müəssisəsi Pensilvaniya Dövlət Ali Təhsil Sisteminin tərkib hissəsidir.

Forbes jurnalının dərc etdiyi siyahıya görə Vest Çester Universiteti ABŞ-da yerləşən dövlət universitetləri arasında ən nüfuzlu 150 ali təhsil ocağı arasında yerləşir.[2] Həmçinin Vest Çester Universiteti 2019-cu ildə "U.S. News" reytinq cədvəlində ABŞ-ın şimal ştatlarında fəaliyyət göstərən 1400 universitet arasında 17-ci yerdə qərarlaşmışdır.[3] Eyni region üzrə dövlət ali təhsil müəssisələri reytininqdə ilk onluqdadır.[4]

Müxtəlif sahələrdə görkəmli şəxsiyyətlər yetişdirən Vest Çester Universitetinin məzunları sırasında ABŞ-ın birinci xanımı Cill Bayden, ABŞ Senatının üzvü Yozef Luper və ABŞ Hərbi Dəniz Qüvvələrinin vitse-admiralı Brayen Pitermanla yanaşı, ABŞ Nümayəndələr Palatasının çoxsaylı üzvləri də vardır.

TarixiRedaktə

 
Vest Çester Universitetinin kitabxanası

Vest Çester Universitetinin tarixi 1812-1871-ci illərdə Filadelfiyada fəaliyyət göstərmiş "Vest Çester Akademiyası" adlanan təhsil müəssisəsinə söykənir. Ali təhsil qurumu kimi mütəşəkkil fəaliyyətə isə 1871-ci ildə başlamışdır. 1913-cü ildən etibarən isə universitet Pensilvaniya ştatının qüvvədə olan ali təhsil qanunları əsasında fəaliyyət göstərir. Vest Çester Universitetinin çoxsaylı qədim binalardan ibarət əsas kampusu ABŞ-ın Tarixi Yerlərinin Milli Reyestrində tarixi abidələr toplusu kimi qeydiyyata alınmışdır.

1983-cü ildə Pensilvaniya Dövlət Ali Təhsil Sisteminə üzv olaraq, sözügedən ştatın ən böyük dövlət universiteti kimi fəaliyyətini davam etdirmişdir. Məhz bu üzvlükdən sonra universitet bir sıra təşkilati islahatlar apararaq, yeni idarəetmə sistemi ilə tədris proqramlarını genişləndirmək imkanı əldə etdi.

Universitetdə "Qızıl qoçlar" ləqəbli tarixi idman klubu da mövcuddur.

Elmi strukturuRedaktə

 
Tarixi Filips binasının girişi

Vest Çester Universitetində tədris prosesi 6 kollec və 1 peşə məktəbində, 118 bakalavr, 103 magistr və 4 doktorantura proqramı üzrə aparılır.

KolleclərRedaktə

  • İncəsənət və Humanitar Kolleci
  • Tibb Elmləri Kolleci
  • Biznes və Dövlət İdarəetməsi Kolleci
  • Təbiət Elmləri və Riyaziyyat Kolleci
  • Təhsil və Sosial İş Kolleci
  • Universitet kolleci

Peşə məktəbiRedaktə

  • Uells Musiqi Məktəbi

Reytinq və akkreditasiyaRedaktə

Universitetin tədqiqat fəaliyyəti səlahiyyətli orqan olan Mərkəzi Ştatlar üzrə Ali Təhsil Komissiyası tərəfindən tənzimlənir. Bundan əlavə, ali təhsil müəssisəsi Pensilvaniya Dövlət Ali Təhsil Sisteminin tərkib hissəsidir. Forbes jurnalının dərc etdiyi siyahıya görə Vest Çester Universiteti ABŞ-da yerləşən dövlət universitetləri arasında ilk 150 ali təhsil ocağı arasında yerləşir.[2] Vest Çester Universiteti 2019-cu ildə "U.S. News" reytinq cədvəlində ABŞ-ın şimal ştatlarında fəaliyyət göstərən 1400 universitet arasında 17-ci yerdə qərarlaşmışdır.[3]

Məşhur məzunlarıRedaktə

İstinadlarRedaktə

  1. "West Chester University of Pennsylvania". usnews.com (ingilis). US News. İstifadə tarixi: 9 aprel 2021.
  2. 1 2 "America's Top Colleges 2019". www.forbes.com (ingilis). Forbes. 15 avqust 2019. İstifadə tarixi: 9 aprel 2021.
  3. 1 2 "West Chester Is #17 on U.S. News Best Public Schools List". www.wcupa.edu (ingilis). West Chester University. İstifadə tarixi: 9 aprel 2021.
  4. "West Chester University of Pennsylvania Rankings". usnews.com (ingilis). US NEWS. İstifadə tarixi: 13 iyun 2021.