Call of Duty 4: Modern Warfare — (azərb. Borcun çağırışı 4: Müasir Müharibə) — "Infinity Ward" studiyası tərəfindən yaradılmış və birinci şəxs-atıcı janrında olan multiplatformalı video oyun. Call of Duty adlı oyunlar seriyasından 4-cü. Oyunun süjeti digər Call of Duty-lərdən fərqlidir. Belə-ki Call of Duty 4 İkinci dünya müharibəsindən yox 2011-ci ildə baş verən hadisələrdən gedir. Oyunçu ABŞ əsgərləri və Böyük Britaniya xüsüsi təyinatlıları ilə oynayır. Oyunun süjeti Rusiya, Ukrayna, Azərbaycan və Yaxın Şərqdə baş verir. İlk 24 saat satış zamanı oyunun 600.000 nüsxəsi satılıb. Bütün dünyada 10 milyondan çox surəti hazırlanmış, oyun isə öz vaxtının ən satılan oyununa çevrilmişdir. Daha sonra bu titulu Call of Duty 4-ün varisləri Call of Duty: Modern Warfare 2 və Call of Duty: Black Ops qazandı.
Rusiya millətçisi İmran Zaxayev Rusiyada hakimiyyəti ələ keçirmək və Rusiyanın ərazilərini böyütmək istəyindədir. Zaxayev ABŞ-ın onun istəyinin reallaşmasına imkan verməyəcəyinə düşünərək Yaxın Şərqdə hərbi çevriliş təşkil edir. Zaxayevin fikrincə ABŞ ordusu Yaxın Şərqdə müttəfiqi Xalid-Əl-Əsəd tərəfindən edilmiş hərbi çevrilişə başı qarışan zaman Rusiyada hakimiyyəti ələ keçirəcək. Oyunda SAS döyüşçüsü serjant Soup Maktavişin, SAS kapitanı Kapitan Praysın və ABŞ dəniz piyadası Pol Ceksonun başına gələn hadisələrdn danışılır.
(Davamı...)
