Vikipediya:Həddən artıq detal
 | Bu səhifə Vikipediya haqqında bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
 | Səhifənin qısa məzmunu: Həddən artıq detal ehtiva edən mövzulardakı məqalələri şişirtməməyə diqqət edin. |
Redaktorlar adətən məqalələrdə bir bölmə və ya alt bölmə gördükdə məzmunu genişləndirməyə cəhd edirlər, xüsusən də bu bölmə və alt bölmələr qısadırsa. Bununla yanaşı, insanların məqalələrə aşağıda qeyd olunanlardan bir və ya bir neçəsini əlavə etdiyi vaxtlar olur:
- Həddindən artıq detal
- Başqa bir məqaləyə əlavə olunması daha məqsədəuyğun olan əlaqəsiz məzmun
- Əhəmiyyətsiz məzmun
Yeni materiallar əlavə etməzdən əvvəl onların əhəmiyyətini nəzərdən keçirin. Bu mövzu geniş olaraq bilinən bir şeydir? Onun mövzunun ensiklopedikliyi ilə nə isə əlaqəsi var? İstənilən təfərrüat aradan qaldırımalıdır. Məqalənin müəyyən hissəsi konkret bir məsələ üzrə həddən artıq təfərrüata yer verdikdə oxucuların məqaləyə olan marağını itirməsinə səbəb ola bilər. Bəzən oxucular mövzu üçün bu qədər təfərrüata nə ehtiyac olub-olmadığını sual edə bilərlər. Vikipediya müəyyən mövzu barədə hər bir detalın qeyd edildiyi kolleksiya və ya toplu deyil.
Balanslaşdırma
redaktəHəddən artıq detal əlavə edilməsinin tərəfdarı olanlar bu detalların hər birinin etibarlı şəkildə mənbələrdə yer aldığını iddia edə bilərlər. Belə ki, təfərrüatlar etibarlı mənbələrə malik olsa da, tarazlaşdırma ehtiyacı gözardı edilməməlidir. Məşhur bir aktyorla əlaqəli məqalədə onun toy mərasiminə aid hər bir nüans (kimlərin iştirak etdiyi, üzüyün növü və s.) həddən artıq detal hesab oluna bilər, çünki məqalə onun bir aktyor kimi fəaliyyətini əhatə etməlidir. Digər tərəfdən, bu toy ilə bağlı müstəqil məqalə mövcuddursa, müvafiq detallar orada qeyd edilə bilər.