Vikipediya:Kepka kolleksiyası
 | Bu səhifədə iş davam etməkdədir. |
 | Bu səhifə Vikipediya haqqında bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
 | Səhifənin qısa məzmunu: İnzibatçılıq və digər istifadəçi hüquqları üçün namizədlik verəndə bu imkanlardan Vikipediyanı təkmilləşdirmək üçün istifadə edəcəyinizi nümayiş etdirməlisiniz. Bu imkanlardan özünüzü göstərmək və eqonuzu artırmaq kimi məqsədlərlə istifadə etməməlisiniz. |
Vikipediya və digər layihələrdə kepka kolleksiyası o deməkdir ki, şəxs ensiklopediyanı genişləndirmək üçün burada deyil, sadəcə özünü reklam və eqosunu artırmaq məqsədilə layihələrdə müxtəlif hüquqlar əldə etmək üçün can atır. Nəzərə alın ki, bu imkanlar sadəcə sizin ensiklopediyanı təkmilləşdirməyinizi asanlaşdırmaq üçün nəzərdə tutulub. İstifadəçilər inzibatçılıq üçün namizədlik verən istifadəçilərin bu hüquqdan doğrudan istifadə edib-etməyəcəyinə və bu namizədliyin sadəcə "kepka kolleksiyaçısı" olub-olmadığına diqqət yetirməlidirlər. Buna görə də inzibatçı namizədlərinin Vikipediya karyeralarının müəyyən bir mərhələsində inzibatçı olmaq hissindən daha çox nəyə görə inzibatçı olmaq istədiklərinə dair konkret təsəvvürünün olmasına və inzibatçı kimi verəcəyi töhfələr barədə düşüncəsinin olmasına ehtiyac duyulur.
Müəyyən bir istifadəçi qrupunda deyilsinizsə, bu o demək deyil ki, sizdə hansısa çatışmazlıq var. Məsələn, bir çox istifadəçidə "yükləyici" və "fayl addəyişdiricisi" kimi istifadəçi hüquqları yoxdur, bunun səbəbi o deyil ki, onlar vacib deyillər, yox, bunun səbəbi odur ki, icmanın çox az bir hissəsi fayl ad fəzası ilə maraqlanır. Bunun əksi, yəni bu hüquqlara sahib olmağınız da sizin bu sahələrdə professional olduğunuz mənasına gəlmir, sadəcə bu sahədə səlahiyyətinizin olduğunu ifadə edir. Bəzi inzibatçıların yetəri qədər təcrübəli və etibarlı hesab etdikləri istifadəçilərə müəyyən hüquqları verməkləri imkan verir ki, həmin istifadəçilərin əvvəllər müvafiq işi inzibatçının və ya başqa bir istifadəçinin icra etməyə məcbur olduğu şeyi onların özü həll edə bilsin.
İstifadəçi hüquqları üçün müraciət edirsinizsə, bu hüquqları nə üçün istədiyinizi və bu hüquqlarla Vikipediyaya hansı töhfələri verə biləcəyinizi açıq şəkildə izah edin. Sadəcə sizə faydalı ola biləcəyini düşündüyünüzə görə hüquqlar üçün müraciət etməyin, nə üçün ehtiyacınız olduğunu qeyd edin ki, sizin "kepka kolleksiyaçısı" olmadığınızla bağlı düşüncələr minimuma düşsün.
- Əgər vandalizmlə mübarizə aparırsınızsa, vandalizmlə mübarizə fəaliyyətinizi nümayiş etdirin (Vikipediya:İnzibatçılara müraciət səhifəsində müvafiq səhifələrin mühafizəsi və şəxslərin bloklanılması ilə bağlı müraciətlər edin, eləcə də vandal redaktələri geri qaytarmağa çəkinməyin).
- Əgər avtopatrul hüququ üçün müraciət edirsinizsə, onda yazdığınız məqalələri təqdim edin.
- Əgər addəyişdirici hüquqları üçün müraciət edirsinizsə, onda Vikipediya:Addəyişmə müraciətləri səhifəsi vasitəsilə öncə müraciətlərinizi əlavə edin. Digər layihələrdə bu hüquqlarının olması o demək deyil ki, bu layihədə də sizə bu hüquqlar mütləq veriləcək. Digər layihələrdəki fəaliyyətiniz yaxşı ola bilər, amma istifadəçilər əmin olmaq istəyirlər ki, siz yerli siyasətlərlə tanışsınız və fəaliyyətinizdə nöqsanlara yol verməyəcəksiniz.
Kepkaları kolleksiya üçün saxlamayın, onları alandan sonra taxın!
Ümumi olaraq qəbul edilən davranışlar
redaktə- İstifadəçi bacarıqları: İstifadəçiyə müvafiq hüquq verilmədən əvvəl siyasətlərlə bağlı suallara qaneedici cavablar verməsi və hüquqlardan qaydalar çərçivəsində istifadə edəcəyinə dair etibar yaratması.
- İstifadəçilərin müraciət etdikləri istifadəçi hüquqları barədə məlumata sahib olunduğundan əmin olunması.
- Müraciətlərdə istifadəçinin verə biləcəyi mümkün faydaların qeyd edilməsi.
Həmçinin bax
redaktə- Vikipediya:İstifadəçi hüquqları üçün müraciətlər — əgər həqiqətən ehtiyacınız varsa bir hüquq üçün müraciət edin.