Vikipediya:Niyə vecimə olmalıdır ki?
 | Bu səhifə Vikipediya haqqında bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
Bəzən SNS-ə təqdim olunmuş məqalələrin ensiklopedik əhəmiyyəti ilə bağlı müzakirə aparılarkən tərəflərdən biri mövzunun meyarları ödədiyini qeyd edərək məqalələrin saxlanmasını təklif etsə də, məqalənin məzmununda bunu sübut edəcək faktiki sübut çatışmır. Həmçinin məqalədəki məlumatlar yoxlanıla bilməyə və ya mənbəsiz ola, ya da ilk baxışda orijinal tədqiqat kimi görünə bilər. Məqalənin məzmunundakı əhəmiyyətli problemləri həll etmək üçün çox vaxt əhəmiyyətli səy tələb olunur və bu zaman redaktorlarda belə bir sual yaranır: Niyə vecimə olmalıdır ki? Odur ki, heç olmasa düzgün bir qaralama halında belə yaza bilməyəcəyiniz bir mövzuda məqaləyə başlamaq pis fikir kimi qəbul edilir.
Bu aqibətdən qaçmaq üçün məqalə müəlliflərinə məqalədə xüsusən də etibarlı mənbələrdən istinadlar göstərərək təlimatlara cavab verən faktları təqdim etməyə çalışmaq tövsiyə edilir. Məqalədə mövzunun etibarlı mənbələrdən yoxlanıla biləcəyinə dair nə qədər çox fakt mövcud olarsa, redaktorlardan birinin məqalənin ensiklopedikliyi ilə bağlı müzakirəyə səbəb olan hər hansı problemi həll etmək üçün kifayət qədər qayğı göstərməsi ehtimalı da bir o qədər yüksək olur.
Vikipediya redaktorları məqalələrin təkmilləşdirilməsi üçün nə qədər həvəsli olsalar da, yarım cümlə yazıb başqasının gəlib işi bitirməsini gözləmək sərfəli addım deyil. Məqaləni doğru-düzgün şəkildə yazmaq üçün kifayət qədər məlumatınız və ya vaxtınız yoxdursa, niyə mövcudluğuna ehtiyac olduğunu düşündüyünüz mövzularda məqalələr istəməyinizə imkan verən "Məqalə istə" səhifəsinə baş çəkməyəsiniz?