Vikipediya:Seçilmiş siyahı şərtləri
 | Bu səhifə Vikipediyanın rəsmi prinsiplərindən biridir. |
Qayda səsvermə nəticəsində qəbul edilmişdir.
- Səsvermə müddəti: 3 aprel — 18 aprel, 2012-ci il.
- Qüvvədədir: 20 aprel 2012-ci il tarixdən
| Fəal məzmun:
Seçilmiş məqalə alətləri:
|
Seçilmiş siyahı — Azərbaycanca Vikipediyanın ən yaxşı siyahılarına verilən statusdur. Seçilmiş siyahının üst sağ küncündə bənövşəyi rəngdə dördkünc nişan varsa, bu, onun seçilmiş siyahı olduğundan xəbər verir.
Siyahının seçilmiş siyahı statusu qazanması üçün o, yaxşı yazılmış, əhatəli, doğru, tərəfsiz və etibarlı olmalıdır.
Yəni,
- Yaxşı yazılmış - siyahının mətni aydın tərzdə və Azərbaycan dilinin bütün qanunlarına cavab verəcək şəkildə olmalıdır.
- Əhatəli - siyahı mövzu ilə əlaqədar dəqiq mənbələrə əsaslanan əhəmiyyətli məlumatlarla zəngin olmalıdır.
- Doğru - siyahıda iddia edilənlər etibarlı mənbələrdə öz təsdiqini tapmalıdır. Əks iddialar məntiqi dəlillərlə irəli sürülməli və alternativ etibarlı mənbələrlə təsdiq olunmalıdır.
- Tərəfsiz - siyahı sırf elmi məlumatlara əsaslanmalı və neytral mövqedən yazılmalıdır.
- Etibarlı - siyahı davamlı dəyişikliklərə məruz qalmamalıdır. Vandalizm səciyyəli redaktələrin ləğvi və məqalənin zənginləşdirilməsi məqsədi ilə edilən dəyişikliklər istisnadır.
- Siyahı nə çox uzun, nə də çox qısa olmamalıdır.
- Siyahı Azərbaycan dilinin qrammatik qaydalarına uyğun, sadə və səlis bir dildə olmalıdır.
- Siyahı üzərində qızğın mübahisələr gedən bir siyahı olmamalıdır.
- Siyahıda mənbələr ətraflı göstərilməlidir.
- Siyahı Stil kitabçasının bütün tələblərinə cavab verməlidir.
- Siyahıda şəkillər düzgün yerləşdirilməlidir.
- Siyahıda müəllif hüquqlarını pozan materiallar olmamalıdır.