Viləş FK

Viləş — Masallının futbol klubudur. 1967-ci ildə qurulub və cənub bölgəsini təmsil edir.

Viləş FK
Klubun tam adı	Viləş Futbol Klubu
Ölkə	Azərbaycan
Ləqəb(lər)	Masallılar
Rəng(lər)	göy-qırmızı
Yaranma tarixi	1967
Bağlama tarixi	2008
Stadionu	Ərkivan qəsəbə stadionu
Tutumu	500
Baş məşqçisi	Alay Bayramov
Liqa	Azərbaycan Həvəskarlar Futbol Federassiyası
2013/2014	yarim final
Ev forması Səfər forması

Ümumi məlumat

10 dəfə futbol üzrə Azərbaycan çempionatının yüksək liqasında çıxış etmişdir. 2000/2001-ci il futbol sezonunda çempionatın bürünc medalını qazanmışdır. İki dəfə Azərbaycanı UEFA İntertoto Kubokunda təmsil etmişdir. 2003-cü ildə maliyyə problemlerinə görə komanda bağlanmışdır. Sonradan 2005-ci ildə komanda yenidən fəaliyyətə başladı. 2006-2007 mövsümündə Azərbaycan Birinci Liqasınunda komanda 1-ci yeri tutaraq Azərbaycan Premyer Liqasında oynama şansını əldə etdi. 2006-cı ildə klub Masallı adlandırıldı. Ancaq sonradan komanda yenidən bağlandı və yenidən quruldu. Bu dəfə komanda Viləş Masallı FK deyə adlandırıldı və komanda həvəskar liqada çıxış edirdi. Komanda elə ilk cəhdlərindən finala vəsiqə qazandı. Lakin finalda MTK-Ulduz komandasına 3:1 hesabı ilə məğlub olaraq gümüş medalın sahibi oldu. Bu nəticədən sonra komanda 2013-2014 mövsümündə həvəskar liqada çempionluğa oynadı. Və mövsüm başlayan kimi Viləş öz uğurlu çıxışıyla qrupda cəmi bir məğlubiyyətə uğrayaraq həvəskar liqasının final mərhələsinə vəsiqə qazandı. Eyni zamanda, komandanın birinci diviziona çıxması üçün rəhbərlik tərəfindən işlər başlanılmışdı. Komandanın, əslində, Anatoli Banişevski adına öz şəxsi stadionu olmağına baxmayaraq, komanda dağılandan sonra o stadion baxımsız qalmış və orada oynamaq mümkünsüz hala gəlmişdir. Bu səbəbdən komanda öz ev oyunlarını Ərkivan qəsəbə stadionunda keçirir. Viləş öz köhnə stadionunda təmir işlərinə başlayır. Stadion tamamilə sökülür. Ancaq sonradan yeni stadion tikilmir və klub növbəti mövsümdə həvəskarlar liqasında mübarizə aparmağa məcbur qalır. Həvəskarlar liqasında isə komanda yarımfinala qədər irəliləyir, lakin yarımfinalda iki oyunun nəticəsinə görə 2:1 hesabı ilə məğlub olur. Həvəskarlar kubokunda da komanda eyni vəziyyətlə üzləşir. Kubokun yarımfinalının ilk görüşündə komanda 1:0 hesabi ile qələbə qazansa da, ikinci görüşdə 2:0 hesabı ilə məğlub olur və finala adlaya bilmir. Növbəti mövsüm klubu çətin günlər gözləyirdi. Komanda maliyyə problemlərinə görə həvəskarlar liqasında mübarizə apara bilməyəcəkdi. Ancaq sonradan Viləş Masallı FK Azərbaycan Həvəskarlar Futbol Federassiyasında 2014-2015 mövsümündə də mübarizə apardı.

Uğurları

• Azərbaycan çempionatı

Bürünc medal - 2000/2001

• Azərbaycan Birinci Liqası

Çempion - 2006/2007

• Azərbaycan Həvəskarlar Futbol Federassiyası

Gümüş medal - 2012/2013

Yarimfinal - 2013/2014

• Həvəskarlar Kuboku

Yarimfinal - 2013/2014

UEFA turnirlərində

"Viləş" UEFA bayrağı altında keçirilən və Azərbaycan klublarının qatıldığı 5 qitə turnirinin 1-də, ümumilikdə 2 dəfə iştirak edib. "Viləş"ın iştirak etdiyi yeganə turnir UEFA İntertoto Kubokudur.

UEFA turnirlərindəki statistika

Mənbə: uefa.com
Son yenilənmə: 20 avqust 2010

Turnir	İştirak	Oyun	Q	H	M	T/F	T/B
UEFA İntertoto Kuboku	2	4	0	0	4	2 – 10	-8
Cəmi	2	4	0	0	4	2 – 10	-8

UEFA turnirlərindəki oyunlar

Mövsüm	Turnir	Mərhələ	Rəqib	I oyun	II oyun	Nəticə
2000	UEFA İntertoto Kuboku	I mər.	Zaqlembe Lyubin	(s) 0:4	(e) 1:3	1-7
2001	UEFA İntertoto Kuboku	I mər.	Qrindavik (Qrindavik)	(s) 0:1	(e) 1:2	1-3