Vilayət Eyvazov

Daxili işlər naziri

Vilayət Süleyman oğlu Eyvazov (1968, Əbrəqunis, Naxçıvan MSSR) — azərbaycanlı siyasətçi, polis; Azərbaycanın 8-ci daxili işlər naziri (2019—), general-polkovnik

Vilayət Eyvazov
Vilayət Süleyman oğlu Eyvazov
Vilayət Eyvazov.jpeg
bayraqAzərbaycan Respublikasının Daxili İşlər naziribayraq
20 iyun 2019 — hal-hazırda
Sələfi Ramil Usubov
bayraqAzərbaycan Respublikası daxili işlər nazirinin birinci müavinibayraq
11 mart 2016 — 20 iyun 2019
Şəxsi məlumatlar
Təhsili
Doğum tarixi 25 oktyabr 1968
Doğum yeri
Hərbi xidmət
Rütbəsi Azərbaycanın general-polkovnik paqonu.png General-polkovnik
Mükafatları "Azərbaycan Bayrağı" ordeni Vətənə xidmətə görə I, II və III dərəcəli ordeni.png Vətənə xidmətə görə I, II və III dərəcəli ordeni.png "İgidliyə görə" medalı Daxili işlər orqanlarında qüsursuz xidmətə görə I dərəcəli medalı - lent.png Daxili işlər orqanlarında qüsursuz xidmətə görə II dərəcəli medalı - lent.png Daxili işlər orqanlarında qüsursuz xidmətə görə III dərəcəli medalı - lent.png

HəyatıRedaktə

Vilayət Eyvazov 1968-ci ildə 25 oktyabrda anadan olmuşdur. 2000-ci ildə Daxili İşlər Nazirliyinin Polis Akademiyasını fərqlənmə diplomu ilə bitirmişdir.

AiləsiRedaktə

Ailəlidir, üç övladı var.

FəaliyyətiRedaktə

1994-cü ilin noyabr ayından daxili işlər orqanlarında xidmət edir.Fəaliyyətə polis nəfəri kimi başlamış, cinayət axtarışı qurumlarında müxtəlif vəzifələrdə xidmət etmiş, Daxili İşlər Nazirliyinin Cinayət Axtarış Baş İdarəsində şöbə rəisinin müavini, 2001-2005-ci illər ərzində Mütəşəkkil Cinayətkarlıqla Mübarizə Baş İdarəsinin rəis müavini və rəisi vəzifələrində işləmişdir.

Azərbaycan Respublikası Prezidentinin 2004-cü il tarixli 293 nömrəli Sərəncamı ilə polis general-mayoru, 2006-cı il tarixli 1546 nömrəli Sərəncamı ilə polis general-leytenantı ali xüsusi rütbəsi, 2019-cu il tarixli 1299 nömrəli Sərəncamı ilə general-polkovnik ali hərbi rütbəsi verilmişdir.

Vilayət Eyvazov 20 iyun 2019-cu ildə Azərbaycan Respublikasının Prezidenti İlham Əliyevin Sərəncamı ilə Azərbaycan Respublikası Daxili İşlər Nazirinin birinci müavini vəzifəsindən azad edilmiş[1] və həmin tarixdə Azərbaycan Respublikasının daxili işlər naziri təyin edilmişdir.[2]

TəltifləriRedaktə

Cinayətkarlığa qarşı mübarizə işinin təşkilində, dövlətin Əsas Qanunu və dövlət quruluşunun müdafiəsində, əmin-amanlığın təmin edilməsində səmərəli fəaliyyətinə görə müxtəlif mükafatlara layiq görülmüş, Azərbaycan Respublikası Ölkəbaşçısının 2002-ci il 30 iyun tarixli 725 nömrəli Fərmanı ilə “Azərbaycan Bayrağı”, 2014-cü il 1 iyul tarixli 598 nömrəli Sərəncamı ilə 2-ci dərəcəli "Vətənə xidmətə görə", 2018-ci il 29 iyun tarixli 263 nömrəli Sərəncamı ilə 1-ci dərəcəli “Vətənə xidmətə görə” ordenləri, 2008-ci il 1 iyul tarixli 2912 nömrəli Sərəncamı ilə “İgidliyə görə” medalı ilə təltif olunmuşdur.[3]

İstinadlarRedaktə

  1. "V.S.Eyvazovun Azərbaycan Respublikasının daxili işlər nazirinin birinci müavini vəzifəsindən azad edilməsi haqqında Azərbaycan Respublikası Prezidentinin 20 iyun 2019-cu il tarixli Sərəncamı" (azərb.). president.az. 2019-06-20. 2019-06-16 tarixində orijinalından arxivləşdirilib. İstifadə tarixi: 2019-06-20.
  2. "V.S.Eyvazovun Azərbaycan Respublikasının daxili işlər naziri təyin edilməsi haqqında Azərbaycan Respublikası Prezidentinin 20 iyun 2019-cu il tarixli Sərəncamı" (azərb.). president.az. 2019-06-20. 2019-06-16 tarixində orijinalından arxivləşdirilib. İstifadə tarixi: 2019-06-20.
  3. https://m.mia.gov.az/index.php?/az/content/299/